నేలతాడి ప్రయోజనాలు, ఉపయోగాలు, మోతాదు మరియు దుష్ప్రభావాలు - Safed Musli Benefits, Uses, Dosage and Side Effects in Telugu

వేగవంతమైన జీవన విధానం స్త్రీ పురుషులు తమ లైంగిక ఆశక్తిని కోల్పోవడానికి దోహదం చేస్తోంది. ఇందులో అనేక సమస్యలు ఉన్నాయి, అయితే ఈ సమస్యలను తెలుసుకునే లోగానే ఒత్తిడి మిమ్మల్ని చుట్టుముట్టేసి మీపై సవారి చేస్తూ  ఉంటుంది. ముఖ్యమైన అధ్యయనాలు చెప్పేదేమంటే లైంగిక శక్తి సమస్య అనేది ఒక హేతుబద్ధమైన సమస్యగా కాకుండా మానసిక సమస్యగా పరిణమిస్తోందని. అయితే ఇక్కడ ఒత్తిడి ఒక్కటే ముద్దాయి కాదు, లైంగికపరమైన హార్మోన్ల అసమతుల్యత కూడా లైంగికశక్తిని కోల్పోవడానికి కారణమవుతుంది. దిన నిత్యం విరామం ఎరుగని పనుల్లో పడి ఒత్తిడికి గురైన అసంఖ్యాకులైన వ్యక్తులలో మీరు కూడా ఒకరైతే, ఆ ఒత్తిడిని తగ్గించుకునేందుకు నేలతాడి మూలిక మీకు సరైన మందు కావచ్చు. లైంగిక శక్తి తక్కువగా ఉన్న వారికి నేలతాడి ప్రసిద్ధమైన మందుగా పేరు పొందింది. ముఖ్యంగా పురుషుల్లో లైంగికశక్తిని బాగా పెంపొందిస్తుందిది. లైంగిక శక్తిని పెంపొందించడంలో పురుషులకు మాత్రమే బాగా పని చేసి వీర్యకణాల వృద్ధికిచేస్తుందని ప్రసిద్ధి చెందిన నేలతాడి, వాస్తవానికి మహిళలకు కూడా ఇది సరిసమానంగా పని చేసి, వారిలో కూడా లైంగిక శక్తిని పెంపొందిస్తుంది. లైంగికశక్తికి సంబంధించిన “టెస్టోస్టెరోన్” అనే హార్మోన్ల స్థాయిని పెంచి లైంగిక శక్తిని నేలతాడి వృద్ధి చేస్తుందని ఓ అధ్యయనం పేర్కొంది.

పురుషుల సమగ్ర లైంగిక శక్తి అభివృద్ధికి మరియు దాని  నిర్వహణకు నేలతాడి రామబాణం లా పని చేస్తుందని ప్రసిద్ధి. ఆయుర్వేదంలోని “వాజికరణ చికిత్స” అనే పద్ధతిలో లైంగికశక్తి వృద్ధికి వాడే మూలికల్లో నేలతాడి కూడా ప్రముఖమైంది. ఈ వాజికరణ చికిత్సపద్ధతి కేవలం లైంగిక శక్తిని మెరుగుపర్చడానికే కాక దంపతులకు పుట్టబోయే సంతానం యొక్క ఆరోగ్యానికి కూడా నేలతాడిసేవనం ఉపకరిస్తుంది.

ఆధునిక విజ్ఞానశాస్త్రం సుదీర్ఘకాలం పాటు నేలతాడి గురించిన ఈ అద్భుతాన్ని గురించి తెలుసుకోకుండా పోయిఉండచ్చు. అయితే శాస్త్రీయ అధ్యయనాల పురోగతితో, పాశ్చాత్య వైద్య వ్యవస్థ మానవ శరీరంపై ఈ నేలతాడి కలిగిస్తున్న జీవరసాయన మరియు దైహికప్రభావాలను  సునిశితంగా గమనిస్తోంది. నేలతాడిని సేవించినపుడు, నీటిలో కరిగిపోయే నేలతాడి సారం వీర్యకణాల సంఖ్యను, వీర్యం స్థాయిని మరియు టెస్టోస్టెరాన్ హార్మోన్ల స్థాయిలను పెంచడంలో పురుషుల్లో విశేష ప్రభావం చూపిస్తుందని, ఇటీవల నెలతాది-సారంపై నిర్వహించిన ఓ అధ్యయనం తెలిపింది. అయితే, దాని నేలతాడి యొక్క ఖచ్చితమైన కార్య వైఖరి ఇప్పటికీ స్పష్టంగా తెలియదు. అయితే, నేలతాడిలో సహజంగా ఉన్న కొన్ని రసాయనిక పదార్థాలు మగవాళ్ళలో లైంగిక ఆరోగ్యాన్ని మెరుగుపర్చడానికి ఉద్దీపనగా పనిచేస్తాయి అని అధ్యయనకారులు భావిస్తున్నారు.

(మరింత సమాచారం: పురుషుల లైంగిక సమస్యలు మరియు పరిష్కారాలు)

పురుషులలో అంగస్తంభన సమస్యను తగ్గించడంలో నేలతాడిసేవనం చాలా ప్రభావవంతమైనది. పురుషుల్లో అంగస్తంభన సమస్యను తగ్గించడం మాత్రమే కాదు, నేలతాడిసేవనం అంగస్తంభనను సుదీర్ఘ కాలంపాటు  నిలువరించుకునేందుకు కూడా సహాయపడుతుంది. అంగస్తంభనకు కారణమయ్యే “రోకినాస్ 2” (Rho kinase 2) నిరోధనను నేలతాడిసేవనం అరికట్టడం ద్వారా అంగస్తంభన సమస్యను నివారిస్తుంది. పురుషాంగానికి రక్త ప్రసరణను తగ్గించేందుకు కారణమయ్యే రోకినాస్ 2 మార్గాన్ని నేలతాడి నియంత్రిస్తుందని నమ్మటం జరుగుతోంది. ఏదేమైనా, శరీరంలో నేలతాడి నిర్వహించే  పనితీరు, దాని సమగ్ర పాత్రపై మరింత వివరణాత్మకంగా తెలుసుకునేందుకు అధ్యయనాలు సాగుతున్నాయి.

మగవారి ఆరోగ్యం మరియు వారి లైంగిక, శారీరక విధులకు నేలతాడి ఎలా ఉపయోగపడుతుందనే విషయం గురించిన చాలా సమాచారం అందుబాటులో  ఉంది, కానీ నేలతాడి పూర్తిగా మగవారికి మాత్రమే ఉద్దేశించిన మూలిక కాదు. నేలతాడిని నిత్యం సేవిస్తే స్త్రీలకు కూడా కొన్ని ఉపయోగకరమైన లాభాలున్నాయి. మొదటి  లాభమేమిటంటే, ఆడవారిలో కూడా నేలతాడి లైంగికశక్తిని మెరుగుపరుస్తుంది. ఈ మూలికవల్ల మరో ఉపయోగం ఏమంటే ఇది ఒక శక్తివంతమైన ఒత్తిడిని తగ్గించే మందు, అంటే నేటి రోజులలో ఒత్తిడి అనేది కేవలం మగవారికే కాక ఆడవారికి కూడా దాపురించే సమస్య కాబట్టి, ఈ మూలిక ఆడవారిలో ​​ఒత్తిడిని విడుదల చేయడానికి సహాయపడుతుంది. నేలతాడితో చాలా పోషకాహారాలున్నాయి. కాబట్టి ఈ మూలికా సేవనం  శరీరంలోని బలాన్ని పెంచుకోవడానికి ఉపయోగకరంగా ఉంటుంది. నేలతాడి అకాల వృద్ధాప్యాన్ని నివారించి శరీర ఆరోగ్యాన్ని మెరుగుపరుస్తుంది. ఇంకా, నేలతాడికి శరీరంలోని హార్మోన్లను నియంత్రించే శక్తి ఉంది, కనుక ఇది ఆడవారిలోని “ఈస్ట్రోజన్” హార్మోన్లను క్రమబద్ధీకరించడానికి మరియు వాటి సమతుల్యతను కాపాడ్డానికి సహాయపడుతుంది. మహిళల్లో ఋతు చక్రాన్ని క్రమబద్దీకరించడానికి కూడా నేలతాటి మూలిక సహాయపడుతుంది.

టైప్ 2 చక్కెరవ్యాధితో (మధుమేహంతో) బాధపడుతున్నవారికి వారి రక్తంలో చక్కెర స్థాయిలను తగ్గించడంలో నేలతాడి చాలా ప్రభావవంతమైనదిగా పని చేస్తుంది, అని నేలతాడి పై ఇటీవల భారత్ లో నిర్వహించిన అధ్యయనాలు పేర్కొన్నాయి. అయితే, ఆయుర్వేద వైద్యులు చెప్పేదేమంటే నేలతాడిని సరైన మోతాదులో సేవించినపుడే అది బాగా పని చేస్తుంది. కనుక, దయచేసి నేలతాడిని సేవించేందుకు ముందుగా మీ వైద్యుని సంప్రదించి, వారి సలహా తీసుకోండి.  

శరీరానికి మేలు చేసే అధిక-సాంద్రత కలిగిన కొవ్వులను నేలతాడి పెంచుతుందని, కీడు చేసే తక్కువ-సాంద్రత కలిగిన కొవ్వుల్ని తగ్గిస్తుందని నిపుణులు చెబుతున్నారు. అధిక సాంద్రత కల్గిన కొవ్వు పెరగటంతో కాలేయం మన శరీరంలోని కొలెస్ట్రాల్ను (కొవ్వును) తొలగిస్తుంది, తద్వారా, మొత్తం శరీరంలో కొలెస్ట్రాల్ స్థాయిలు తక్కువవడానికి నేలతాడి సహాయపడుతుంది. దీని వలన, శరీరంలో గుండె-సంబంధ వ్యాధులు, గుండెపోటు ప్రమాదాన్ని నేలతాడి తగ్గించేస్తుంది. ఎలాగంటే, శరీరంలోని  ధమనులలో కొవ్వు ఫలకాలేర్పడకుండా నేలతాడి నియంత్రించి, తద్వారా గుండె-సంబంధమైన జబ్బులు మరియు గుండె పోటు రాకుండా చేస్తుంది.

(మరింత సమాచారం: అధిక కొలెస్ట్రాల్ చికిత్స)

శీఘ్ర స్ఖలనం అనేది లైంగికచర్య సమయంలో పురుషుడు  ఎక్కువసేపు తన అంగాన్ని (శిశ్నము) స్తంభించి ఉండలేక పోవడం మరియు యోని ప్రవేశం చేసిన వెనువెంటనే పురుషుడు తన వీర్యాన్ని స్ఖలించుకోవడం. దీనివల్ల దంపతులకు లైంగిక సుఖం దక్కదు. ఈ పరిస్థితికి ఖచ్చితమైన కారణం తెలియకపోయినా, ఒత్తిడి, బలహీనత మరియు హార్మోన్ల  లైంగికవాంఛ పురుషుడిలో లేకపోవడం ఈ పరిస్థితికి కారణం కావచ్చని ఊహించబడుతోంది. అయితే, నేలతాడి వీర్యవృద్ధికరమైనమందు అయినందున పురుషోల్లో కామోద్దీపన చేయగల “టెస్టోస్టెరోన్” అనే లైంగిక హార్మోన్ యొక్క స్థాయిని పెంచడం మాత్రమే కాకుండా వారిలో ఒత్తిడిని హరించి లైంగిక సమయంలో దీర్ఘకాలంపాటు అంగం స్తంభించి ఉండేందుకు సాయపడుతుంది. తద్వారా పురుషుడు దీర్ఘకాలపు అంగ స్ఖలనాన్నీ, సంభోగ-సుఖప్రాప్తిని సాధించడంలో నేలతాడి సహాయపడుతుంది. శరీరంలో వాత, పిత్త దోషాల అసమతుల్యత కారణంగానే అంగస్తంఅసమతుల్యత లేదాభన సమస్య లేక శీఘ్ర-స్ఖలన సమస్య పురుషుల్లో  ఏర్పడుతుందని ఆయుర్వేద వైద్యులు చెబుతున్నారు. అంగస్తంభన సమస్యకు దారితీసే ఈ వాతం, పిత్తం అనే రెండు దోషాలను నేలతాడి తగ్గించి శాంతపరుస్తుంది గనుకనే పురుషుల్లో స్ఖలన సమస్యలను పరిష్కరించడంలో నేలతాడి బాగా పని చేస్తుంది.

నేలతాడి నొప్పులు-వాపుల్ని హరించే మూలికగా సుదీర్ఘకాలం నుండి ప్రసిద్ధి చెందింది మరియు అందుకుగాను ఈ మూలికను ఆయుర్వేదవైద్యం ఉపయోగించి రోగాల్ని ఎంతోకాలం నుండి నయం చేస్తోంది. నేలతాడి కీళ్లవాపు రోగులలో వచ్చే విపరీతమైన కీళ్లనొప్పుల్ని తగ్గించడంలో చాలా ప్రభావవంతమైనదిగా గుర్తించబడింది.  ఆయుర్వేదంలో చెప్పబడిందేమంటే, కీళ్ళలో “సైనోవియల్ ద్రవం” అనే పదార్థం ఉంటుంది, ఇది కీళ్లకదలికలకు కందెన (లేదా lubricant) లా పనిచేసి కీళ్లు ఆరోగ్యాంగా ఉండేందుకు దోహదపడుతుంది. నేలతాడి ఈ సైనోవియల్ ద్రవం స్థాయిల్ని పెంచి కీళ్ల నొప్పుల్ని హరించి వాటి పనితీరును పెంచుతుంది. అందువలన, కీళ్ళకు మరింత సరళతను అందించి కీళ్లలో అరుగుదలను తగ్గించడం జరుగుతుంది. కీళ్ళనొప్పులకు చేసే ముఖ్యమైన (అంటే ఆర్థరైటిస్ థెరపీలలో) చికిత్సల్లో ఈ మూలికను చేర్చడానికిగాను జరుగుతున్న పరిశోధనలు ఇంకా కొనసాగుతున్నాయి.

నేలతాడి ఓ సమర్థవంతమైన తల్లిపాల సంవర్ధిని. అంటే ప్రసవించిన తల్లులలో తమ బిడ్డకు సరిపడా తమలో పాలు ఉత్పత్తి కాకున్న యెడల ఈ మూలికసేవనం ద్వారా వారిలో తమ బిడ్డకివ్వడానికి కావలసిన చనుబాల వృద్ధికి సహాయపడుతుంది. అంతేకాక, వారిలో వచ్చే ప్రసవపరమైన లోపాలను నేలతాడి సరిచేసి వారికి పోషక పదార్థాలను అందించి వారి ఆరోగ్యాన్ని పునరుద్ధరిస్తుంది. అయితే, ప్రసవించిన తల్లులు ఆయుర్వేద డాక్టర్తో సంప్రదించి, వారి సలహా మేరకే నేలతాడిని సేవించాలని సిఫారస్ చేయడమైనది.

(మరింత సమాచారం: చనుబాలిచ్చు స్త్రీలకు ఆహార విధానం)

నేలతాడి లోని పోషకపదార్థాలు మరియు ఒత్తిడిని హరించే (adaptogenic) లక్షణాలు దాన్ని బరువును పెంచే ఓ అద్భుతమైన సహజ ప్రత్యామ్నాయ ఔషధంగా చేసింది. వాస్తవానికి, శరీరవర్దక పోషకాలు (బాడీబిల్డింగ్ సప్లిమెంట్స్) చాలా వరకు నేలతాడిలో ఉన్నాయి. నేలతాడిని కనీసం 2-3 నెలలు నిరంతరంగా వాడినట్లైతేనే శరీరవర్థకానికి కావలసిన పోషకపదార్థాలను పొందగలరని ఆయుర్వేద వైద్యులు చెబుతున్నారు. అదనంగా, ఈ మూలిక రోగనిరోధక వ్యవస్థకు చాలా మంచిది మరియు కండరాలకు శక్తినిస్తుంది. అంటే శరీరంలో సంభవించే అంటువ్యాధులతో సమర్థవంతంగా మరియు వేగంగానూ పోరాడటానికి నేలతాడి సహాయపడుతుంది. కండర కణజాల స్థాయిలో దాపురించే నష్టాలను మరమ్మతు చేయడంలో కూడా నేలతాడి ప్రభావకారిగా పనిచేస్తుంది.

(మరింత సమాచారం: బరువు పెరుగుదలకు ఆహార విధాన పట్టిక)

మీరు అంటువ్యాధులకు సులభంగా బలవుతున్నారా? అత్యంత సాధారణ అంటురోగాలకు వ్యతిరేకంగా తగినంత సమర్థమంతంగా మీ శరీరం పోరాడ్డం లేదని మిమ్మల్ని మీరు నిందించుకుంటున్నారా? మీ శరీరం బలహీనమైన  రోగనిరోధక వ్యవస్థను కల్గి ఉండడం కారణంగా ఇలా జరుగుతుండొచ్చు. మీకు ఇప్పటికే తెలిసినట్లుగా, మన శరీరంలోని రోగనిరోధక వ్యవస్థ వ్యాధులకు వ్యతిరేకంగా పోరాడే ప్రధాన రక్షణకవచం. ఇది మీ శరీరం అంటువ్యాధులతో పోరాడటానికి మరియు వ్యాధుల నుండి మిమ్మల్ని సురక్షితంగా ఉంచడానికి సహాయపడుతుంది.  కానీ చాలా చురుగ్గా పనిచేసే రోగనిరోధక వ్యవస్థ మీకుండకపోతే అని ఆరోగ్యకరమైన మీ శరీరం యొక్క అవసరాలను అన్నింటినీ తీర్చలేదు. ఇలాంటి చురుకైన రోగనిరోధక వ్యవస్థ మీకు లేనట్లయితే మీకో శుభవార్త, ఈ సమస్యకు పరిహారంగా దివ్యమైన నేలతాడి మూలిక ఉంది. మీ శరీరం యొక్క మొత్తం రోగనిరోధక వ్యవస్థను ఇది మెరుగుపరుస్తుంది. అంతే కాదు, కొత్త అంటువ్యాధులు మీకు సోకకుండా ఈ మూలిక మిమ్మల్ని రక్షిస్తుంది. నేలతాడిని సేవించి వివిధ వ్యాధులకు వ్యతిరేకంగా మీ శరీరం యొక్క రోగనిరోధక వ్యవస్థను మెరుగుపర్చుకోండి. నేలతాడి రోగనిరోధకశక్తిని పెంపోందిస్తుందని అధ్యయనాలు కూడా ఘోషిస్తున్నాయి. రోగనిరోధక వ్యవస్థ యొక్క సామర్థ్యాన్ని మెరుగుపరచడమే కాకుండా, వ్యాధికారక క్రిములను నేలతాడి చంపేస్తుందని, అధ్యయనాలు పేర్కొంటున్నాయి.

(మరింత సమాచారం: రోగ నిరోధక శక్తి పెంచే ఆహారాలు)

నేలతాడిలో చర్మంలో ఉద్దీపన ప్రభావాన్ని కలిగించే కొన్ని “పాలిసాచరైడ్స్” ఉన్నాయి. నేలతాడి శరీరంలో కొన్ని జీవక్రియలను సక్రియపరచి చర్మంలో తేమను మెరుగుపరుస్తుంది. ఇంకా, చర్మాన్ని మృదువుగా మరియు శుభ్రంగా ఉంచడానికి నేలతాడి సహాయపడుతుంది, అని భారతదేశంలో జరిపిన ఒక అధ్యయనం చెబుతోంది.  ఏదేమైనా, మీ ఆయుర్వేద వైద్యుడిని సంప్రదించిన తరువాతే, చర్మం మెరుగుదలకు నేలతాడిని ఉపయోగించుకోవాలి.