వాము ప్రయోజనాలు, ఉపయోగాలు మరియు దుష్ప్రభావాలు - Carom seeds Benefits, Uses and Side Effects in Telugu

ప్రీ క్లినికల్ అధ్యయనాలు వామును ఒక శక్తివంతమైన యాంటీటస్సివ్ (దగ్గు నుంచి ఉపశమనం) అని సూచించాయి. వాము యొక్క ఈ యాంటీటస్సివ్ ప్రభావం వాము సారాలను అధిక మోతాదులో ఇచ్చినప్పుడు మరింత ప్రాముఖ్యంగా తెలిసింది. అంతేకాకుండా, వాము సమర్థవంతమైన యాంటిస్పాంస్మోడిక్ (antispasmodic)గా కూడా నివేదించబడింది. కాబట్టి, ఇది గొంతు కండరాలను విశ్రాంత పరచడం ద్వారా దగ్గు తగ్గుదలకు సహాయపడుతుంది. కానీ, క్లినికల్ ట్రయల్స్ లేకపోవాడం వల్ల, వాము తీసుకునే ముందు మీ వైద్యునితో మాట్లాడటం చాలా మంచిది.

ఇటీవలి కాలంలో, యాంటీబయాటిక్ చికిత్సకు అడ్డంకిగా ఉన్న ప్రాధమిక సమస్య అధికమైన యాంటీబయాటిక్ నిరోధక (antibiotic resistant) సూక్ష్మజీవుల అభివృద్ధి. ఒకవేళ మీరు శాస్త్రీయ పరిశోధనల అనుచరులు అయితే, MRSA, VRSA మరియు MDR క్షయవ్యాధి వంటి పేర్లు మీకు చాలా సాధారణమైనవని. ప్రస్తుత ఔషధాలకు మంచి ప్రత్యామ్నాయాల కోసం తక్షణమైన అభివృద్ధి యొక్క అవసరం ఉంది. ముఖ్యంగా సూక్ష్మజీవ నిరోధకత పెరుగుదలని నిలిపివేయడం లేదా తగ్గించడం చెయ్యాలి. పరిశోధకులు ప్రకారం, మూలికలు మరియు మసాలా దినుసులు వంటి సహజ పదార్ధాలు ఈ సూక్ష్మజీవులతో కలిసి అభివృద్ధి చెందాయి, అందువల్ల అవి వాటికి వ్యతిరేకంగా బలమైన నిరోధకతను అభివృద్ధి చేస్తాయి. వాములో ఉన్న తైమోల్ (thymol) మరియు కార్వాక్రోల్ (carvacrol) బలమైన యాంటీబయాటిక్ శక్తిని కలిగి ఉంటుందని అధ్యయనాలు సూచిస్తున్నాయి. ప్రయోగశాల ఆధారిత అధ్యయనాలు వామును అంఫిసిల్లిన్ మరియు ఐరన్ మరియు కాపర్ వంటి ఖనిజాలతో కలయికతో చికిత్సలలో భాగంగా ఇచ్చినప్పుడు వాము యాంటీ బాక్టీరియాల్ చర్యను ప్రదర్శించిందని తెలిపాయి.

ఋతుక్రమ సమయంలో నొప్పి కొంతమంది మహిళలకు ఒక సమస్యాత్మకమైన మరియు పునరావృతమయ్యే సమస్య. ఇది వారి నెలవారీ ఋతుక్రమం ముందు లేదా ఆ సమయంలో పొత్తికడుపులో నొప్పితో బాధను కలిగి ఉంటుంది. ఫైబ్రాయిడ్లు మరియు PCOS వంటి పరిస్థితులు ఈ సమస్యకు కారణం కావచ్చు, వ్యాయామం లేదా కొంతమంది మహిళల శరీర నిర్మాణం సరిగా లేకపోవటం వలన తరచుగా కండరాల నొప్పి కలుగుతుంది. ప్రీక్లినికల్ అధ్యయనాలు వామును ఒక శక్తి వంతమైన ఆంటీస్పాస్మోడిక్ (antispasmodic) (ఇలుకు (ఇరుకు)ను వ్యతిరేకించేది) ప్రయోజనాలు ఉన్నాయని తెలిపాయి. వాము తినడం వల్ల కడుపులో కండరాల ఇలుకు (ఇరుకు) పట్టడం నుంచి ఉపశమనం కలిగించి మరియు ఋతు నొప్పులను తగ్గిస్తాయి.ఈ విషయం మీద ఇప్పటికీ క్లినికల్ అధ్యయనాలు జరుగుతున్నాయి. కాబట్టి, ఋతుస్రావ సమయంలో వాము లాభాలు మరియు మోతాదు గురించి మీ వైద్యున్ని అడిగి తెలుసుకోవడం ఉత్తమం. 

వాము ఒక బలమైన హైపోలియోపిడెమిక్ (శరీర చెడ్డ కొలెస్ట్రాల్ ను తగ్గిస్తుంది) అని అధ్యయనాలు సూచిస్తున్నాయి. జంతు ఆధారిత అధ్యయనం ప్రకారం, శరీరంలో వాము మరియు దాని మీథనాలిక్ సారాల వినియోగం ఎక్కువ సాంద్రత కలిగిన కొలెస్ట్రాల్ మరియు ఇతర ట్రైగ్లిజెరైడ్లను తగ్గిస్తుందని గమనించబడింది. కానీ క్లినికల్ సమస్యలలో దాని చర్య మరియు మోతాదు గురించి ఖచ్చితమైన అధ్యయనం చేయలేదు. అందువల్ల, వామును తక్కువ మోతాదులో తీసుకొవాడం ఉత్తమం.

వాము జీర్ణశయ ప్రేగులలో పురుగులకు వ్యతిరేకంగా పనిచేసే అత్యున్నత ఆయుర్వేద మందులలో ఒకటి. నులి పురుగుల చికిత్స కోసం ఆయుర్వేద వైద్యులు అజ్వాన్ సత్ (వాము సారం)ను సూచిస్తారు.అజ్వాన్ సత్ ముఖ్యంగా కొంకి పురుగుల ఇన్ఫెక్షన్లలో ప్రభావవంతమైనదని ఇది సూచించబడింది.

ఆయుర్వేదం యొక్క ఈ వాదనను పరీక్షించడానికి అనేక అధ్యయనాలు నిర్వహించబడ్డాయి మరియు దాదాపు అన్ని లాబ్ అధ్యయనాలు వాము యొక్క జీర్ణాశయ పురుగులను చంపే లక్షణాలను నిర్ధారించాయి. ప్రయోగశాల ఆధారిత అధ్యయనాలు వాము రింగ్వార్మ్ ఇన్ఫెక్షన్లపై కుడా చాలా సమర్థవంతమైనదని పేర్కొన్నాయి.

ఒక అధ్యయనం, వాము శరీరంలో కొన్ని కణాంతర (intercellular) సిగ్నలింగ్ను అడ్డుకోవడం ద్వారా నులి పురుగులను చంపడానికి సహాయపడుతుందని తెలిపింది.మరిన్ని, అధ్యయనాలు వామును అద్భుతమైన కోలినెర్జిక్ (cholinergic)గా చెప్తాయి, అవి ప్రేగులలోని సక్రమమైన కదలికను పెంచుతాయి, తద్వారా జీర్ణాశయాల నుండి వేగవంతమైన మరియు సులభంగా పురుగులను బయటకు పంపేస్తాయి.

ఇన్ విట్రో అధ్యయనాల ప్రకారం,వాము మరియు ఆల్కహాల్ వాము సారాలు బలమైన యాంటీఇన్ఫ్లమేటరీ ప్రభావాలను చూపిస్తాయి. పరిశోధకుల అభిప్రాయం ప్రకారం, ఆక్సిడేటివ్ స్ట్రెస్ అనేది రుమటాయిడ్ ఆర్థరైటిస్లో ప్రధాన కారణాల్లో ఒకటి. ఈ కారకాన్ని దృష్టిలో ఉంచుకుని, వాము యొక్క యాంటీఆక్సిడెంట్ లక్షణాలు ఆర్థరైటిస్ యొక్క జంతు నమూనాలపై పరీక్షించబడ్డాయి అప్పుడు ఆర్థెటిస్ లక్షణాలను తగ్గించడంలో వాము కొన్ని ఉపయోగకరమైన ప్రభావాలను కలిగి ఉందని కనుగొనబడింది. అయినప్పటికీ, మనుషులపై దుష్ప్రభావాలు ఉండవని చెప్పలేము.

వాము యొక్క యాంటీఆక్సిడెంట్ సంభావ్యతను పరీక్షించడానికి అనేక పరిశోధనలు చేయబడ్డాయి. మరియు అన్ని లాబ్ అధ్యయనాలు వాము ఒక గొప్ప యాంటీఆక్సిడెంట్ సంభావ్యత కలిగి ఉందని సూచిస్తున్నాయి. ఇంటర్నేషనల్ జర్నల్ ఆఫ్ గ్రీన్ ఫార్మసీలో ప్రచురించిన ఒక అధ్యయనం ప్రకారం, వాము నుంచి తయారు చేయబడిన నూనె ఒక అద్భుతమైన ప్రతిక్షకారిణి (యాంటీఆక్సిడెంట్). ఫార్మకోగ్నోసీ (pharmacognacy) మరియు ఫైటోకెమిస్ట్రీ (phytochemistry) ప్రచురించిన మరొక అధ్యయనం గడ్డ కట్టిన వాము తాజా వాముతో పోలిస్తే మరింత శక్తివంతమైన ప్రతిక్షకారిని అని సూచించింది. ఈ మూలిక యొక్క యాంటీఆక్సిడెంట్ సంభావ్యత దాని విత్తనాలలోని ఫినాలిక్స్ పదార్దాల వలన సూచించబడింది.

ప్రయోగశాల మరియు జంతు ఆధారిత అధ్యయనాలు వాముకు సహజంగా రక్తాన్ని పలుచబార్చే గుణం ఉందని సూచిస్తున్నాయి.ఇన్ వివో అధ్యయనాల ప్రకారం,వాము యొక్క ఈ చర్య అత్యంత సాధారణ ప్రతిస్కందన (anti coagulant) ఔషధం అయిన, వార్ఫరిన్ (warfarin)కు సమానంగా ఉంటుంది. కానీ,మానవుల గడ్డకట్టే కారకాల (clotting factors)పై వాము యొక్క ఈ ప్రభావాలు ఇప్పటికీ పూర్తిగా అర్థం కాలేదు. కాబట్టి, ఈ ప్రయోజనం గురించి మరింత తెలుసుకోవాలంటే మీ వైద్యునితో మాట్లాడటం మంచిది.

వాము నీరు శిశువుల్లో వాయువుతో నిండిన పొట్ట మరియు జలుబు లక్షణాల నుంచి ఉపశమనం కలిగించే ఒక ప్రసిద్దమైన పరిష్కారం. దినిని ఆయుర్వేదంలో ఒక వేడిని కలిగించే మూలికగా భావిస్తారు మరియు ఇన్ వివో (in vivo) అధ్యయనాలు గ్యాస్ మరియు అపానవాయువు ఉపశమనంలో వాము యొక్క సామర్థ్యాన్ని సూచించాయి. కానీ శిశువులు మరియు పిల్లలలో వాము యొక్క సరైన మోతాదును సూచించడానికి ఇప్పటివరకు క్లినికల్ ట్రయల్స్ అందుబాటులో లేవు. కాబట్టి, మీ బిడ్డ కోసం వాము నీరు యొక్క సరైన మోతాదు గురించి మీ ఆయుర్వేద వైద్యుడిని అడగటం మంచిది.

ఈ రోజుల్లో ఉన్న పని మరియు ఒత్తిడితో కూడిన జీవనశైలిలో, జుట్టు సంరక్షణ కోసం ప్రత్యేకమైన సమయాన్ని తీసుకోవడం చాలా కష్టం. సౌందర్యసాధనాలు మరియు కండీషనర్లలో ఉపయోగించిన రసాయనాలు మీ జుట్టును మెరిసేలా చెయ్యవచు కానీ ఇన్ఫెక్షన్లు మరియు చర్మ సమస్యలు వచ్చినప్పుడు అవి ఉపయోగకరమైనవి కావు. దానికి తోడు, పెరుగుతున్న కాలుష్యం వల్ల సాధారణ వ్యాధులు మరియు అంటువ్యాధులను నివారించడం దాదాపు అసాధ్యం అవుతుంది.

పరిశోధకులు ప్రకారం, ముఖ్యంగా ఉష్ణమండల వేడి మరియు తేమ ప్రదేశాలలో ఉండే వారిలో జుట్టులో ఫంగస్ మరియు జుట్టు చర్మ వ్యాధులు, త్వరగా వ్యాపిస్తాయి. దానికి తోడు, ఔషధ-నిరోధక సూక్ష్మజీవుల (drug-resistant microbes) పెరుగుదల అనేది, సాధారణ ఇన్ఫెక్షన్లను ఎదుర్కొవడాన్ని కూడా కష్టంగా చేసింది.

వాముకు ఆస్పెజిలస్ (Aspergillus) మరియు సాధారణ చర్మ, జుట్టు ఫంగస్ అయిన ట్రైకోఫైటన్ రూర్టమ్ (Trichophyton rubrum) కు వ్యతిరేకంగా బలమైన యాంటీ ఫంగల్ చర్యలు ఉన్నాయని అధ్యయనాలు సూచిస్తున్నాయి. అటువంటి ఒక అధ్యయనం వామును ఒక యాంటి ఫంగల్ ఔషధ కలయికతో ఉపయోగించి, ఈ ఫంగస్ పెరుగుదలలో గణనీయమైన తగ్గింపు ఉందని గమనించింది

అదనంగా, వాము ఒక అద్భుతమైన యాంటీఆక్సిడెంట్, కాబట్టి మీ జుట్టు మెరిసేలా చేసి మరియు అతినీలలోహిత కిరణాల (ultraviolet rays) వల్ల జరిగే నష్టం నుంచి కాపాడుతుంది.

ఆయుర్వేద వైద్యులు ప్రకారం, వాము పిత్తను తీవ్రతరం చేస్తుంది, అంటే శరీరానికి శక్తిమంతమైన వేడిని ఇస్తుంది. అందువలన ఇది జలుబు యొక్క లక్షణాలను తగ్గించడంలో సహాయపడవచ్చు. అయితే, వాము ప్రయోజనాల గురించి మరింత తెలుసుకోవాలనుకుంటే వైద్యుడిని సంప్రదించడం ఉత్తమం.

ఇరాన్లో జరిపిన క్లినికల్ అధ్యయనం ప్రకారం,వాము ఒక సమర్థవంతమైన శ్వాస నాళాలను వదులు (బ్రోన్కైడైలేటరీ) చేయు మూలిక అని తెలిసింది.ఈ అధ్యయనంలో,కొంత మంది ఆస్తమా రోగుల బృందానికి వాము యొక్క రెండు వేర్వేరు మోతాదులను లేదా ఒక సాధారణ ఆస్తమా ఔషధం ఇవ్వబడింది. మరొక సమూహనికి మందులు ఏమి ఇవ్వబడలేదు. సమయం ముగిసిన తరువాత, వాము బ్రాంచోడైలేటర్ చర్యను కలిగి ఉంది అని,అది ఒక వాణిజ్య ఔషధానికి సమానమైనది తెలిసింది.అందువల్ల, ఆస్తమా లక్షణాల కోసం వాము ఉపయోగకరమని చెప్పవచ్చు.వామును తీసుకునే ముందు మీ వైద్యున్నీ సంప్రదించడం ఎల్లప్పుడూ మంచిది.

వామును పాలు ఇచ్చే తల్లులు క్షీర గ్రంధుల నుండి పాల ప్రవాహాన్ని పెంచడానికి పారంపర్యంగా ఉపయోగిస్తున్నారు. నేషనల్ డైరీ రీసెర్చ్ ఇన్స్టిట్యూట్ వారు జరిపిన జంతు అధ్యయనాలు వాము నీరు సమర్థవంతమైన స్తన్యవృద్ధ్యౌషధము (galactagogue) అని తెలిపాయి. అంతే కాక వాములో కొన్ని ఫైటోఎస్ట్రోజెన్లు (మొక్క-ఆధారిత ఈస్ట్రోజెన్) ఉన్నాయని అవి పాలు ఇచ్చే తల్లుల శరీర ఈస్ట్రోజెన్ తో కలుస్తాయని తెలిపారు. పాలు ఇచ్చే తల్లులు ఏ రూపంలో అయినా వామును తీసుకొనే ముందు వైద్యునితో మాట్లాడడం మంచిది.

వాము జానపద వైద్యంలో అగ్రశ్రేణి శస్త్రచికిత్సలలో ఒకటిగా జాబితా చేయబడింది. భారతదేశంలో జరిపిన ప్రజల ఆధారిత అధ్యయనంలో, గర్భస్రావం (abortion) కోసం సుమారు 155 మంది మహిళలు వామును ఉపయోగించారని అంగీకరించారు. ఐతే, ఈ మూలికలో గర్భస్రావాన్నీ ప్రేరేపించదానికి 100% సామర్ధ్యం లేదు, కానీ గర్భధారణ సమయంలో వాము యొక్క వినియోగం పుట్టిన పిల్లలలో లోపాలకు కారణంగా గుర్తించబడింది. జంతువుల మీద జరిపిన ప్రయోగాలలో వాము యొక్క ఎదిగే పిండములో శారీరక వికలములు కలుగజేసే కారణం (teratogenic action) ఆధారంగా పిండం కోసం వాము విషతుల్యమైనదని తెలుస్తుంది.

ఆయుర్వేద వైద్యుల ప్రకారం,వాము ఆహారాన్ని సరిగ్గా జీర్ణం చేసి, గ్యాస్ మరియు అపానవాయువు వంటి జీర్ణ రుగ్మతలను తగ్గిస్తుంది. వాము యొక్క ఈ మూడు లక్షణాలను మీ బరువును తగ్గించడానికి సహాయపడవచ్చు. కానీ, అది ఆకలిని కూడా పెంచుతుంది. ఈ ఆకలిని పెంచే లక్షణం వాము యొక్క బరువును తగ్గించే ప్రయోజనానికి వ్యతిరేకంగా ఉంది. శరీర బరువును కోల్పోవడంలో వామును తింటే కొన్ని ప్రయోజనాలు ఉన్నాయని జంతు అధ్యయనాలు సూచిస్తున్నాయి. కానీ, మానవ అధ్యయనాలు లేనప్పుడు, ఏ రూపంలో అయినా వామును తీసుకునే ముందు మీ వైద్యునితో మాట్లాడటం మంచిది.

వాము యొక్క భేదసూత్ర లక్షణాలపై ప్రత్యేక అధ్యయనాలు లేనప్పటికీ, మలబద్ధకంను నివారించడానికి ఇది చాలా ముఖ్యమైన నివారణాల్లో ఒకటిగా ఉంది. ఆహరం జీర్ణశయాంతర ప్రేగుమార్గం ద్వారా ప్రయాణించే సమయాన్ని వాము తగ్గిస్తుందని అది జీర్ణ క్రియను మెరుగు పరుస్తుందని కొన్ని ప్రయోగశాల ఆధారిత అధ్యయనాలు సూచిస్తున్నాయి. ఈ రెండు లక్షణాలు వామును మలబద్దకాన్ని తగ్గించే నివారిణి గా చేసాయి. కానీ, ఖచ్చితమైన మలబద్ధక నివారణిగా దాని సామర్థ్యం నిర్ధారించ బడలేదు. మలబద్ధకం కోసం వాము యొక్క ఉపయోగాలు గురించి మరింత తెలుసుకోవాలంటే మీ ఆయుర్వేద వ్యిద్యునితో మాట్లాడటం మంచిది.

ఇన్ వివో (in vivo) అధ్యయనాల్లో వాము యొక్క ఆల్కహాలిక్ సారాలకు అతిసార వ్యతిరేక చర్యలు (anti diarrheal activity) ఉన్నాయని సూచించబడింది. ఈ అతిసార వ్యతిరేక చర్యలు వాములో ఉన్న సపోరోన్స్ (saponins). ఫ్లేవానాయిడ్లు (flavonoids), స్టెరాల్స్ (sterols) మరియు టానిన్లు (tanins) వంటి జీవసంబంధమైన సమ్మేళనాల వలన అని సూచించబడింది. అయినప్పటికీ, మానవ అధ్యయనాల లేకపోవడం వలన, వాము యొక్క అతిసార వ్యతిరేక సామర్ధతను నిర్ధారించడం కష్టం.

వాము కడుపు నొప్పి మరియు బిగుతుగా ఉన్న భావనకు అత్యంత సాధారణంగా ఉపయోగించే నివారణలలో ఒకటి. ఆయుర్వేద వైద్యులు కడుపు నొప్పుల ఉపశమనం కోసం వాము, అల్లం మిశ్రమాన్ని సూచిస్తారు. ఇటీవలి అధ్యయనాలు వాము కాల్షియం ఛానల్స్ ను అడ్డుకోవడం ద్వారా పనిచేస్తుందని సూచిస్తుంది, ఇది కడుపు బిగుతును తగ్గిస్తుందని స్పస్టమైంది. అంతే కాక, వాము యొక్క ఈ లక్షణం అతిసారం యొక్క లక్షణాలను తగ్గించడంలో ఉపయోగకరంగా ఉంటుందని పేర్కొంది.
(మరింత సమాచారం: కడుపు నొప్పి)

సాంప్రదాయ మరియు జానపద ఔషధం వామును గ్యాస్ మరియు అపానవాయువుకు వ్యతిరేకంగా పనిచేసే ఒక అద్భుతమైన నివారణగా గుర్తించింది. గ్యాస్ నివారణ కోసం 500 గ్రాముల వాము కు 60 గ్రాముల రాతి ఉప్పు, నల్ల ఉప్పు, మరియు సాధారణ ఉప్పును 1: 1: 1 నిష్పత్తితో జోడించడం ద్వారా ఒక సాంప్రదాయక మిశ్రమాన్ని తయారు చేస్తారు. ఈ మిశ్రమం యొక్క ఒక చెంచాను గోరు వెచ్చని నీటిలో కలిపి గ్యాస్, వాంతులు, మరియు వికారం యొక్క లక్షణాలు నుండి ఉపశమనం పొందడానికి తీసుకుంటారు. ఆయుర్వేద వైద్యుల ప్రకారం, వాము ఒక్కటి కూడా సులభంగా ప్రేగుల వాయువును తగ్గిస్తుంది.

రెండు వేర్వేరు ఇన్ వివో (in vivo) అధ్యయనాల (అంటే జంతు అధ్యయనాలు) ప్రకారం, వాము గ్యాస్ట్రిక్ యాసిడ్ స్రవించడాన్ని పెంచుతుంది మరియు కడుపు. ప్రేగులలో ఆహారం యొక్క ప్రయాణ సమయాన్ని తగ్గిస్తుంది. అదనంగా, వాము తీసుకోవడం పిత్త నాళిక స్రావాల్ని మరియు జీర్ణ ఎంజైమ్లు స్రవించడాన్ని పెంచుతుంది అని నివేదించబడింది. అందువల్ల, జీర్ణక్రియ ప్రక్రియను మెరుగుపర్చడానికి వాముకు ఖచ్చితమైన సామర్ధ్యం ఉంది. క్లినికల్ అధ్యయనాల లేకపోవడం వలన, మానవులపై వాము యొక్క సామర్ధత నిర్ధారించడం చాలా కష్టం.