బత్తాయిపండ్ల ప్రయోజనాలు మరియు దుష్ప్రభావాలు - Benefits and side effects of Sweet Lime in Telugu

బత్తాయి పండు అమ్మాయిల బెస్ట్ ఫ్రెండ్, ఇది జుట్టుకు మాత్రమే కాక అద్భుత చర్మం పొందడానికి సహాయపడుతుంది. బత్తాయిలో విటమిన్ సి మరియు అనామ్లజనకాలు ఉండటంతో, ఈ పండు రసాన్ని అనేక చర్మ సంరక్షణ ఉత్పత్తులు అలాగే మందులు తయారీలో వాడుతున్నారు. ఇది కఠినమైన పొడి చర్మానికి తేమను కల్పించి ఆరోగ్యంగా ఉండేట్లు చేసి కాంతివంతంగా కనిపించేలా చేస్తుంది. ఇది చర్మం అందాన్ని పెంచుతుంది. విటమిన్ సి ప్రకాశించే చర్మాన్ని ఇవ్వడమే కాకుండా ఇది మచ్చలు, మొటిమలు మరియు నల్ల మచ్చల్ని తగ్గిస్తుంది. బత్తాయిని చెమట యొక్క మరియు శరీర దుర్వాసనను పోగొట్టే చికిత్సకు ఉపయోగిస్తారు. ఇది రక్తాన్ని శుభ్రపరుస్తుంది, అందుకే వివిధ చర్మ సమస్యలు ఉపశమనం చెందుతాయి. బత్తాయి లేక "మోసంబి" జ్యూస్ పగిలిన పెదాలను నయం చేయడంలో సహాయపడుతుంది. (మరింత సమాచారం - పిగ్మెంటేషన్ కోసం ఇంటి నివారణలు)

ఈ తక్కువ క్యాలరీ పండు ఒక బరువు నష్టం ఏజెంట్ గా పనిచేస్తుంది. "మోసంబి" రసం యొక్క వినియోగం శరీరం  నుండి మీ అదనపు కిలోలను తొలగిస్తుంది కానీ దాహం తీర్చే ఓ ఒక ఆరోగ్యకరమైన పానీయం ఇది. బత్తాయి పండు చాలా తక్కువ కేలరీలు కలిగి ఉంటుంది మరియు దాని వినియోగం కూడా ఆకలిని చంపుతుంది. నిత్యం తేనెతో కలిపిన బత్తాయి రసాన్ని సేవిస్తే అదనపు కేలరీలు నశిస్తాయి .  

బత్తాయి పండు లేదా దాని రసం రోగనిరోధక వ్యవస్థను బలపరుస్తుంది ఎందుకంటే ఇది విటమిన్ సి అలాగే యాంటీఆక్సిడెంట్లతో నిండి ఉంది. ఇది రక్తాన్ని శుద్ధి చేస్తుంది మరియు శరీరంలో సరైన రక్త ప్రసరణలో సహాయపడుతుంది. ఇది రోగనిరోధక వ్యవస్థకు ఒక గొప్ప పురోగతి. ఇది వాపు తగ్గడానికి మరియు అంటువ్యాధులను నిరోదించేందుకు సహాయపడుతుంది. అందరూ సాధారణ జలుబుకు గురవుతుంటారు, బత్తాయిలోని విటమిన్ సి దీనికి ఒక అద్భుతమైన పరిహారం. బత్తాయిలో విటమిన్ సి దండిగా ఉన్నందున, ఈ  నిమ్మజాతి పండును నిత్యం తినడంవల్ల బ్యాక్టీరియా మరియు ఇతర సూక్ష్మ జీవులకు వ్యతిరేకంగా రోగనిరోధక శక్తిని మన శరీరంలో అభివృద్ధి చేయడానికి సహాయపడుతుంది.

బత్తాయి పండు  వ్యక్తిగత సంరక్షణ పరిశ్రమలో అత్యంత ప్రసిద్ధ వస్తువులలో ఒకటిగా మారింది. ఈ పండు యొక్క పదార్ధాలు   షాంపూస్, ముఖంపై ముసుగు పూతలులు మరియు ఔషధాల వంటి పలు జుట్టు ఉత్పత్తులలో ఉపయోగించబడతాయి. ఇది చుండ్రు మరియు జుట్టు రాలడం సమస్యల్ని తగ్గించడంలో సహాయపడుతుంది. వెంట్రుకలు చిట్లడం అనే జుట్టు సమస్య నివారణలో బత్తాయి అద్భుతంగా పనిచేస్తుంది. బత్తాయిలను తినడంవల్ల జుట్టు వేగంగా పెరుగుతుంది. అనేక పరిశ్రమలు సిట్రస్ ఆధారిత ఉత్పత్తుల తయారీలో బత్తాయి, ఇతర నిమ్మజాతి పండ్ల  ప్రయోజనాలను అర్థం చేసుకున్నాయి మరియు వాటిని నూనెలు, జుట్టు ముసుగులు (hair masks) మరియు షాంపూల ఉత్పత్తిలో చేర్చాయి.

బత్తాయిలో మనందరికీ తెలిసినట్లుగా విటమిన్ సి చాలా దండిగా ఉంది, అందుకే ఈ నిమ్మజాతిపండు స్కర్వీ అని పిలువబడే ఒక వ్యాధి నివారణకు చాలా ముఖ్యం. స్కర్వీ చర్మ వ్యాధి చాలా అరుదైనది మరియు విటమిన్ సి యొక్క లోపం కారణంగా ఈ రుగ్మత సంభవిస్తుంది. ఈ వ్యాధి యొక్క కొన్ని లక్షణాలు చిగుళ్ళ వాపు, నోటిలో, నాలుకపైనా పుళ్ళు, పగిలిన పెదవులు, పెదాలపై గాయాలు, దద్దుర్లు, ఫ్లూ జ్వరంవంటి లక్షణాలు.మెదలైనవి. బత్తాయి పండు విటమిన్ సి ని అందించడమే కాకుండా చిగుళ్ళ రక్తస్రావాణ్నిఆపడానికి కూడా సహాయపడుతుంది. ఇది చెడు శ్వాసని నిరోధిస్తుంది. (మరింత సమాచారం - నోటి పూతల కారణాలు మరియు చికిత్స)

ఎవరైనా కామెర్లతో బాధపడుతుంటే బత్తాయి పండ్ల రసాన్ని వైద్యులు ఎక్కువగా సిఫార్సు చేస్తారు . ఈ పండులో ఖనిజాలు మరియు విటమిన్లు చాలా ఉన్నాయి కాబట్టి, ఇది పెద్దలలో వచ్చే కామెర్లు చికిత్సకు సహాయపడుతుంది. ఇది కాలేయం యొక్క పనితీరును పెంచుతుంది మరియు మంచి జీర్ణక్రియను నిర్ధారిస్తుంది

పొట్ట యొక్క గోడల (లైనింగ్) లో పుళ్ళు అభివృద్ధిచెందడం, చిన్న ప్రేగు యొక్క ఎగువ భాగం లేదా అన్నవాహిక దిగువ భాగాన పుండ్లు రావడాన్ని”పెప్టిక్ అల్సర్లు” లేదా కడుపులో పుండ్లు అని అంటారు . బత్తాయిలో ఫ్లేవనాయిడ్లు కరోటినాయిడ్స్, మరియు ముఖ్యమైన నూనెలు ఉంటాయి, అందుకే ఈ పండు అనామ్లజని మరియు యాంటీబయాటిక్ లక్షణాలను కలిగి ఉంటుంది. ఈ సమ్మేళనాలు హెల్కాబాక్టర్ పైలోరీ (జీర్ణాశయ పుండు కలిగించే బ్యాక్టీరియా)  ఆమ్ల కడుపు వాతావరణంలో మనుగడ సాధించే ప్రక్రియను నిరోధిస్తుంది. అందువల్ల, బత్తాయి పండు యొక్క వినియోగం ఈ బాక్టీరియాను నిర్మూలించడానికి దోహదపడుతుంది, తద్వారా పెప్టిక్ పూతల యొక్క అభివృద్ధి లేదా పునఃస్థితిని నిరోధిస్తుంది.

కొడవలి కణాల రిక్తహీనత (sickle-cell anaemia) అని పిలువబడే జన్యు వ్యాధి ఎర్ర రక్త కణాలను (RBCs) దెబ్బ తీస్తుంది. ఈ వ్యాధిస్థితిలో, ఎర్ర రక్త కణాలు చంద్రవంక లేదా కొడవలి ఆకారంలో ఉంటాయి మరియు అవి రక్త నాళాల యొక్క గోడలకు అతుక్కుపోతుంటాయి. ఫలితంగా, శరీరం యొక్క వివిధ భాగాలకు రక్త ప్రవాహం మరియు ఆక్సిజన్ సరఫరా తక్కువైపోయి శరీర కణజాలాల నష్టానికి మరియు తీవ్ర నొప్పికి దారితీస్తుంది. నిమ్మజాతి  పండ్లు ఓ శోషరహిత ప్రభావాన్ని (antisickling effect) కలిగి ఉన్నాయని మరియు ఆ పండ్లు అసాధారణ-ఆకారంలోని ఎర్ర రక్త కణాల అభివృద్ధిని నివారిస్తాయని అధ్యయనాలు కనుగొన్నాయి.

రక్తహీనత  వంటి వ్యాధులతో బాధపడేవారు మలేరియా వంటి పరాన్న సూక్ష్మ జీవి కారణంగా వచ్చే వ్యాధులకు కూడా గురయ్యే అవకాశం ఉంది. అటువంటి సందర్భంలో నొప్పి సాధారణంగా నిర్జలీకరణ, ఆమ్లరక్తత (acidosis) మరియు జ్వరం ద్వారా ప్రేరేపించబడుతుంది. ఇటీవల జరిపిన ఒక అధ్యయనం ప్రకారం, మలేరియా సంబంధ సంక్రమణలో బాటు కొడవలి కణాల-రక్తహీనతవ్యాధితో బాధపడుతున్న వ్యక్తులు  గనుక బత్తాయి రసం సేవిస్తే, ఇది మలేరియా-కారక పరాన్నజీవులను చంపడం లేదా తొలగించడంలో ప్రభావకారిగా పనిజేసి ఎర్ర రక్త కణాలు మరింతగా క్షీణించిపోకుండా ఉండడంలో సహాయపడుతుంది.

బత్తాయి పండు అనామ్లజనకాలు, ఫైబర్, విటమిన్స్, ఖనిజాలు మరియు ఇతర పోషకాలను కలిగి ఉంటుంది. ఈ పోషకాలలో కొన్ని కీళ్ళవాపు, నొప్పిని ప్రభావితం చేసే వాపును తగ్గిస్తుంది. బత్తాయిపండులో ప్రధానభాగమైన విటమిన్ సి, శరీరంలోని కణజాలం యొక్క వాపును నివారించడంలో సహాయపడుతుంది. ఫోలిక్ ఆమ్లం మరియు విటమిన్ సి లను బత్తాయి సంమృద్ధిగా ఉన్న కారణంగా, ఇది ఆస్టియో ఆర్థరైటిస్ మరియు రుమటాయిడ్ ఆర్థరైటిస్ అనే మరో రెండు రకాలైన కీళ్ళవ్యాధి నివారణకు సహాయపడుతుంది . కార్టిలేజ్ యొక్క దీర్ఘకాలిక కీళ్లనొప్పి రుగ్మతను “ఆస్టియో ఆర్థరైటిస్” గా పిలుస్తారు, అదే సమయంలో కీళ్ల నొప్పికి కారణమయ్యే ఆటోఇమ్యూన్ వ్యాధిని “రుమటాయిడ్ ఆర్థరైటిస్” అని పిలుస్తారు.

క్యాన్సర్ ఇటీవలి కాలంలో ఆందోళన కల్గించే స్థాయిలో పెరుగుతున్న అతి ప్రమాదకరమైన వ్యాధుల్లో ఒకటి. నియంత్రణ లేకుండా కణాలు పెరుగుతున్నపుడు శరీరంలోకి క్యాన్సర్ వ్యాధి చొరబడుతుంది. దీని చికిత్సకు అనేక పరీక్షలు మరియు చికిత్సలు చేయించుకోవాల్సి ఉంటుంది. అయినప్పటికీ, ఈ భయంకరమైన ఈ వ్యాధిని నివారించడానికి సహజ నివారణలనే అందరూ మరింతగా ఇష్టపడతారు. బత్తాయిలో క్యాన్సర్ విరుద్ధంగా పోరాడే (యాంటీ క్యాన్సర్) ఏజెంట్లు లిమానాయిడ్ల రూపంలో ఉన్నాయి, శరీరంలో కణాల అసాధారణ విస్తరణను అడ్డుకోవడంలో ఈ ఏజంట్లు సహాయపడతాయి. ఆ విధంగా, వివిధ రకాలైన క్యాన్సర్ల పోరాటంలో బత్తాయి సహాయపడుతుంది. అనేక నిమ్మజాతి (సిట్రస్) పండ్లలో హెస్పెరిడిన్ (ఒక సహజ బయోఫ్లోవానోయిడ్) ఉంటుంది, ఈ హెస్పెరిడిన్ కు సహజమైన క్యాన్సర్-పోరాట పటిమ మరియు ప్రతిక్షకారిణి సామర్థ్యం ఉంటుంది. బత్తాయి రొమ్ము క్యాన్సర్, పెద్దప్రేగు కాన్సర్, ఊపిరితిత్తుల క్యాన్సర్ మరియు కాలేయ క్యాన్సర్ను నిరోధించవచ్చు.

తాజా బత్తాయిని తినడంవల్ల మలబద్ధకం మరియు అజీర్ణం వంటి జీర్ణశయాంతర రుగ్మతలు నయమవుతాయి. ఈ పండులోని పుష్కలమైన పీచు పదార్ధం (ఫైబర్) చిన్న ప్రేగుల్ని ఆరోగ్యకరంగా ఉంచడానికి సహాయపడుతుంది. ఫ్లేవనోయిడ్ల ఉనికి కారణంగా జీర్ణ రసాలను, పైత్య రసాన్ని మరియు జీర్ణాశయ వ్యవస్థను క్రియాశీలకంగా ఉంచే  ఆమ్లాన్ని పెంచడానికి దారితీస్తుంది. అజీర్ణానికి బత్తాయి రసాన్ని అత్యంత ఉన్నతంగా సిఫారస్ చేయడమైంది, ఎందుకంటే ఇది ఎంజైమ్ల స్రావంలోకి లాలాజల గ్రంధులను ప్రేరేపిస్తుంది మరియు జీర్ణక్రియ పెరుగుదలకు దారి తీస్తుంది. "మొసాంబి"  అతిసారం, వికారం మరియు వాంతులు నియంత్రించడంలో కూడా సహాయపడుతుంది .

బత్తాయి రసం శరీరం యొక్క నిర్విషీకరణకు ఒక సహజమైన మరియు తిరుగులేని గొప్ప మూలం. "మోసంబి" లో అనామ్లజనకాలు, ఫ్లేవనాయిడ్స్ మరియు కేరోటినాయిడ్స్ ఉన్నందున ఇది ఖచ్చితమైన నిర్విషీకరణ ఏజెంట్ గా పనిచేస్తుంది మరియు శరీరంలో వ్యర్ధాలను మరియు విషాలను విసర్జించడంలో సహాయం చేస్తుంది. బత్తాయి రసం ఒత్తిడి మరియు కాలుష్యం కల్గించే హానికరమైన ప్రభావాల్ని తటస్థీకరిస్తుంది మరియు శరీరాన్నిశక్తివంతంగా ఉంచుతుంది. బత్తాయిలో పీచుపదార్థాలు (ఫైబర్) సమృద్ధిగా ఉంటాయి కాబట్టి మలబద్ధకాన్ని నివారించి పేగులలోని విషాన్ని తొలగించడంలో సహాయపడుతుంది.