வயிற்று புண் - Peptic Ulcer in Tamil

Dr. Rajalakshmi VK (AIIMS)MBBS

December 29, 2018

March 06, 2020

வயிற்று புண்
வயிற்று புண்

சுருக்கம்

வயிற்றுப் புண்கள் என்பவை வயிற்றில் மற்றும் சிறுகுடலில் முன்சிறுகுடல்) ஏற்படும் புண்கள் ஆகும். வயிற்றுப் பகுதியில் வலி, பசியின்மை மற்றும் எடை இழப்பு ஆகியவற்றின் மூலம் இவை பண்பிடப்படுகின்றன. இத்தகைய புண்களால் ஏற்படும் வலி அல்லது அசௌகரியம், அமில எதிர்ப்பு மருந்துகளை சாப்பிடுவது அல்லது எடுத்துக் கொள்வதன் மூலம் குறைகிறது. வழக்கமாக வயிற்றுப் புண்கள், ஸ்டெராய்டு இல்லாத அழற்சி எதிர்ப்பு மருந்துகளின் (என்.எஸ்.ஏ.ஐ.டிக்கள்) நீண்ட-காலப் பயன்பாடு அல்லது ஹெலிகோபேக்டர் பைலோரி நுண்ணுயிரியால் ஏற்படும், ஒரு நுண்ணுயிரி நோய்த்தொற்றின் காரணமாக ஏற்படுகின்றன. இந்த நிலையின் நோயைக் கண்டறிதல், அறிகுறிகள், என்.எஸ்.ஏ.ஐ.டிக்கள் பயன்பாடு பற்றிய சரித்திரம் மற்றும் ஒரு நுண்ணுயிர் நோய்த்தொற்று தோன்றியுள்ளதா எனக் கண்டறியும் குறிப்பிட்ட சோதனைகளின் அடிப்படையில் அமைகிறது. வழக்கமாக, வயதான நபர்கள், தீவிரமான அறிகுறிகளை வெளிப்படுத்தும் நபர்கள் அல்லது சிக்கல்களுக்கு சாத்தியமுள்ள மற்றும் தொடர்ந்து அறிகுறிகள் உள்ள நபர்களுக்கு, எண்டோஸ்கோப்பி அறிவுறுத்தப்படுகிறது.

வயிற்றுப் புண்களுக்கான சிகிச்சை, மறைந்திருக்கும் காரணத்தைப் பொறுத்து இருக்கிறது. ஒரு நுண்ணுயிர் நோய்த்தொற்றைக் கொண்டிருப்பதால், நுண்ணுயிர் எதிர்ப்பு மருந்துகள் பரிந்துரைக்கப்படும் பொழுது, என்.எஸ்.ஏ.ஐ.டிக்களைப் பயன்படுத்தும் நபர்கள் அவற்றின் பயன்பாட்டை நிறுத்த வேண்டியிருக்கலாம். வழக்கமாக இரைப்பை அமில உற்பத்தியைக் கட்டுப்படுத்துவதற்கு புரோட்டான் பம்ப் தடுப்பிகள் பரிந்துரைக்கப்படுகின்றன. ஒருவேளை சிகிச்சையை தாமதப்படுத்தினாலோ அல்லது புண், மருந்துக்கு கட்டுப்படவில்லை என்றாலோ சிக்கல்கள் உருவாகக் கூடும். உடனடி மருத்துவ கவனிப்பும் அறுவை சிகிச்சையும் தேவைப்படுகிற, குடலில் துளை விழுதல், இரைப்பை அடைப்பு மற்றும் வயிற்று சவ்வு அழற்சி ஆகியவையும், அரிதான அறிகுறிகளில் அடங்குகின்றன.

வயிற்று புண் என்ன - What is Peptic Ulcer in Tamil

வயிற்றுப் புண்கள் மிகவும் பொதுவானவை, இருந்தாலும் பாதிக்கப்பட்ட நபர்களின் சரியான எண்ணிக்கை தெரியாமல் இருக்கிறது. ஆராய்ச்சிகள், 10ல் 1 நபர், தங்கள் வாழ்க்கையில் ஒரு கட்டத்தில், வயிற்றுப் புண்களால் பாதிக்கப்பட்டிருப்பார்கள் எனக் காட்டுகின்றன. வயிற்றுப் புண்கள், மற்ற வயதுப் பிரிவினரை விட 60 வயதுக்கு மேற்பட்ட நபர்களைப் பாதிக்க முனைகின்றன என்றாலும்,அவை குழந்தைகள் உட்பட யாரையும் பாதிக்கக் கூடும். வழக்கமாக பெண்களோடு ஒப்பிடும் போது, பொதுவாக ஆண்கள் இந்த பிரச்சினையால் பாதிக்கும் வாய்ப்புகள் அதிகமிருப்பதாக எண்ணப்படுகிறது.

வயிற்றுப் புண் என்றால் என்ன?

வயிற்றுப் புண் என்பது, வயிற்றின் உட்புற சுவரின் மேல் அல்லது டியோடெனோம் எனப்படும் சிறுகுடலின் முதல் பகுதியில் உருவாகும் ஒரு திறந்த கொப்புளம் அல்லது புண் ஆகும். சிலநேரங்களில், ஒரு புண், உணவுக்குழாயின் கீழ் பகுதியில் (தொடக்க உணவுக்குழாய்) அது வயிறு ஆரம்பத்தில் சந்திக்கும் இடத்தில் தோன்றக் கூடும். இந்த வகை வயிற்றுப் புண், உணவுக்குழாய் புண் எனப்படும்.

myUpchar doctors after many years of research have created myUpchar Ayurveda Urjas Capsule by using 100% original and pure herbs of Ayurveda. This ayurvedic medicine has been recommended by our doctors to lakhs of people for sex problems with good results.
Long Time Capsule
₹719  ₹799  10% OFF
BUY NOW

வயிற்று புண் அறிகுறிகள் என்ன - Symptoms of Peptic Ulcer in Tamil

மந்தமான வலி உணர்வு அல்லது வயிற்றில் ஒரு எரிச்சல் ஏற்படுவது, வயிற்றுப் புண்களின் பொதுவான அறிகுறிகளில் ஒன்று. இந்த வலி பொதுவாக, உங்கள் வயிற்றின் மேல்புற பகுதியில், அதாவது தொப்புளுக்கு மேலே ஏற்படுகிறது. மற்ற அறிகுறிகளில், வெளிப்படையான காரணம் இல்லாத மற்றும் குறைந்த பசியுணர்வின் காரணமாக ஏற்படும் வயிறு உப்புதல், ஏப்பம், பலவீனமான உணர்வு, வாந்தி, எடை இழப்பு ஆகியவை அடங்கும். சில நேரங்களில் அவர்கள், நெஞ்செரிச்சல் மற்றும் செரிமானமின்மை ஆகியனவற்றை உணர்கிறார்கள். (மேலும் படிக்க - வயிற்று வலியின் காரணங்கள் மற்றும் சிகிச்சை

வழக்கமாக வயிற்றில் எரிச்சல் உணர்வு, பின்வரும் காரணிகளோடு இணைந்திருக்கிறது:

  • நீங்கள் அமில எதிர்ப்பு மருந்துகள் எடுத்துக் கொண்டால் அல்லது ஏதேனும் சாப்பிட்டால், இது சிறிது நேரத்திற்கு நிற்கிறது.
  • உணவுகளுக்கிடையே உள்ள இடைவெளி மற்றும் இரவு நேரங்கள் போன்று, வெறும் வயிற்றில் இருக்கும் நேரத்தில் இது தோன்றுகிறது.
  • இது சில நிமிடங்களில் இருந்து பல மணி நேரங்கள் வரை நீடிக்கலாம்.
  • சில நாட்கள் அல்லது வாரங்கள் அல்லது மாதங்களுக்கு, அவ்வப்போது இது ஏற்படலாம்.

வயிற்றுப் புண்ணுக்கு தீவிர கவனம் எடுத்துக்கொள்ளப்பட வேண்டும், உங்கள் அறிகுறிகள் மிதமாக இருந்தாலும் கூட, ஒரு மருத்துவரை ஆலோசிப்பது அவசியம். ஏனென்றால், சிகிச்சையளிக்காமல் விட்டால், வயிற்றுப் புண்கள் மேலும் கடுமையாகி, பல்வேறு சிக்கல்களுக்குக் காரணமாகிறது.

வயிற்று புண் சிகிச்சை - Treatment of Peptic Ulcer in Tamil

வயிற்றுப் புண்களுக்கு சிகிச்சை மிகவும் நல்ல பலனளிக்கிறது மற்றும் இரண்டு மாத காலத்தில் குணமடையத் துவங்குகிறது. புண்ணின் காரணத்தைப் பொறுத்து சிகிச்சை அமைகிறது. என்.எஸ்.ஏ.ஐ.டிக்கள் போன்ற மருந்துகளை தொடர்ந்து பயன்படுத்துவதன் காரணமாக புண்கள் உருவானால், அந்த மருந்தை நிறுத்துவது ஆலோசிக்கப்படுகிறது. உங்கள் மருத்துவர் உங்கள் நிலையை மதிப்பீடு செய்து, அளவைக் குறைக்கலாம் அல்லது மாற்று மருந்துகளைப் பரிந்துரைக்கலாம். மருந்துகளில் அடங்கியவை:

  • புரோட்டான் பம்ப் தடுப்பிகள்
    வழக்கமாக, புரோட்டான் பம்ப் தடுப்பிகள் (பி.பி.ஐ.) எனப்படும் ஒரு மருந்து பரிந்துரைக்கப்படுகிறது. இந்த மருந்து வயிற்றில் அமிலங்களின் உற்பத்தியைக் குறைத்து, புண்கள் இயற்கையாக குணமாக அனுமதிக்கிறது. வழக்கமாக, பி.பி.ஐக்கள் 4 முதல் 8 மாதங்களுக்குப் பரிந்துரைக்கப்படுகின்றன. பொதுவாகப் பயன்படுத்தப்படும் பி.பி.ஐக்களில், ஒமிப்ரஸோல், பேண்டப்ரஸோல் மற்றும் லான்சாப்ரஸோல் ஆகியவை அடங்கும்.
  • நுண்ணுயிர் எதிர்ப்பு மருந்துகள்
    வயிற்றுப் புண்ணுக்கு, ஒரு நுண்ணுயிரி நோய்த்தொற்று காரணமாக இருந்தால், அந்த நுண்ணுயிரைக் கொல்வதற்காக, நுண்ணுயிர் எதிர்ப்பு மருந்துகள் பரிந்துரைக்கப்படுகின்றன. நுண்ணுயிர் எதிர்ப்பு மருந்துகளோடு, சில நேரங்களில், பி.பி.ஐக்களும் கூட பரிந்துரைக்கப்படலாம். ஒரு முறை நுண்ணுயிரிகள் கொல்லப்பட்ட பிறகு, அந்தப் புண் குணமாகிறது மற்றும் வழக்கமாகத் திரும்ப வருவதில்லை. வழக்கமாக, ஒரு வாரத்திற்கு தினசரி இரண்டு முறை எடுத்துக் கொள்ளத் தேவைப்படும், இரண்டு அல்லது மூன்று அளவுகள் நுண்ணுயிர் எதிர்ப்பு மருந்துகள் பரிந்துரைக்கப்படுகிறது. நுண்ணுயிர் நோய்த்தொற்று மற்றும் என்.எஸ்.ஏ.ஐ.டிக்களின் கூட்டுச் சேர்க்கையின் காரணமாக, வயிற்றுப் புண்கள் உருவாகும் பொழுது, சிகிச்சையும், பி.பி.ஐக்கள் மற்றும் நுண்ணுயிர் எதிர்ப்பு மருந்துகளின் ஒரு கூட்டுச் சேர்க்கையாக இருக்கிறது.
  • எச்2 ஏற்பி எதிர் வினையூக்கிகள்
    எச்2 ஏற்பி எதிர் வினையூக்கிகள் என்பவை, உங்கள் வயிற்றினால் உற்பத்தி செய்யப்படும் அமில அளவை கட்டுப்படுத்தும் தடுப்பிகள் ஆகும். மிகவும் பரவலாகப் பயன்படுத்தப்படும் எச்2 ஏற்பி எதிர் வினையூக்கிகளில் ரானிடிட்டைன் ஒன்றாகும்.
  • அமில எதிர்ப்பு மருந்துகள் மற்றும் ஆல்கினேட்டுகள்
    அமில எதிர்ப்பு மருந்துகள், வயிற்று அமிலங்களை திறமையாக சமன்படுத்துவதன் மூலம், வயிற்றுப் புண்களின் அறிகுறிகளுக்கு எதிராக குறுகிய-கால நிவாரணத்தை வழங்கும் வகையில் செயல்படுகிறது. சில அமில எதிர்ப்பு மருந்துகள், ஆல்கினேட் எனப்படும் ஒரு மருந்தைக் கொண்டிருக்கின்றன. இவை, வயிற்றின் உட்சுவரில், நிவாரணத்தை வழங்க உதவுகிற, ஒரு பாதுகாப்பு மேற்பூச்சை உருவாக்குகின்றன. அமில எதிர்ப்பு மருந்துகள், ஒருவர் அறிகுறிகளை உணரும் பொழுதோ அல்லது அறிகுறிகள் தோன்றும் என எதிர்பார்க்கப்படும், தூங்கும் நேரம் அல்லது உணவுக்குப் பிறகு எடுத்துக் கொள்ளப்பட வேண்டும். ஆனாலும், ஆல்கினேட்களைக் கொண்ட அமில எதிர்ப்பு மருந்துகள், வழக்கமாக உணவுக்கு முன்பு எடுத்துக்கொள்ளப்படுகின்றன.  

உங்கள் மருத்துவரை ஆலோசிக்காமல் எந்த மருந்துகளையும் ஆரம்பிக்கவோ அல்லது நிறுத்தவோ கூடாது. மறைந்திருக்கும் காரணத்தைக் கண்டறிய உங்கள் மருத்துவரை ஆலோசியுங்கள், மற்றும் அவர்/அவளின் பரிந்துரை  இல்லாமல், எந்த ஒரு மருந்தையும் எடுத்துக் கொள்வது அல்லது நிறுத்துவது, ஆபத்தான பின்விளைவுகளுக்கு வழிவகுக்கும் என்பதை நினைவில் கொள்ளுங்கள்.

அனைத்து வயிற்றுப் புண்களில் 90%, எச். பைலோரி நுண்ணுயிரியால் ஏற்படும் ஒரு நோய்த்தொற்றின் விளைவாகும். இது போன்ற நோய்த்தொற்றுகள், பரிந்துரைக்கப்பட்ட கால அளவிற்கு, வழக்கமாக இரண்டு வாரங்கள், நுண்ணுயிர் எதிர்ப்பு மருந்துகளை எடுத்துக் கொள்வதன் மூலம் எளிதாக குணமாகின்றன.

வாழ்க்கைமுறை மேலாண்மை

வயிற்றுப் புண்கள், குறிப்பிட்ட வாழ்க்கைமுறை காரணிகள் மற்றும் காரமான உணவுகள், மன உளைச்சல் மற்றும் மது அருந்துதல் போன்ற உணவுப் பழக்கங்களின் காரணமாக ஏற்படுவதாக முன்னர் நம்பப்பட்டது. இன்று, எவ்வாறாயினும், காரமான உணவுகள் மற்றும் கவலை, புண்கள் உருவாகக் காரணமில்லை என அறியப்பட்டாலும், அவை அறிகுறிகளை மோசமாக்க முனைகின்றன.

வயிற்றுப் புண்கள் உருவாவது மற்றும் தடுப்பதில் உணவு மற்றும் ஊட்டச்சத்தின் பங்கு பற்றிய ஆராய்ச்சிகள் உறுதி செய்யப்படாமல் இருக்கிறது, மேலும் ஆராய்ச்சியாளர்கள் இந்த இரண்டுக்குமிடையே எந்த ஒரு தொடர்பையும் கணடறியவில்லை.  

பால் அருந்துவது, மிகவும் பொதுவான அறிகுறி சார்ந்த வீட்டு நிவாரணங்களில் ஒன்றாகும். இருந்தாலும், பால் அருந்துவது மட்டுமே, நோயிலிருந்து நிவாரணம் அளிப்பதில் பயன்படாது.

கூடுதலாக, மது அருந்துதலும், புகைபிடித்தலும் வயிற்றுப் புண்கள் உருவாவதோடு தொடர்புடையதாக இருப்பதால், அவை தவிர்க்கப்பட வேண்டும்.

myUpchar doctors after many years of research have created myUpchar Ayurveda Urjas Energy & Power Capsule by using 100% original and pure herbs of Ayurveda. This Ayurvedic medicine has been recommended by our doctors to lakhs of people for problems like physical and sexual weakness and fatigue, with good results.
Power Capsule For Men
₹719  ₹799  10% OFF
BUY NOW


மேற்கோள்கள்

  1. Am Fam Physician. 2007 Oct 1;76(7):1005-1012. [Internet] American Academy of Family Physicians; Peptic Ulcer Disease.
  2. National Health Service [Internet]. UK; Stomach ulcer.
  3. National Institute of Diabetes and Digestive and Kidney Diseases [internet]: US Department of Health and Human Services; Peptic Ulcers (Stomach Ulcers).
  4. MedlinePlus Medical Encyclopedia: US National Library of Medicine; Peptic ulcer
  5. Center for Disease Control and Prevention [internet], Atlanta (GA): US Department of Health and Human Services; Ulcers

வயிற்று புண் க்கான மருந்துகள்

Medicines listed below are available for வயிற்று புண். Please note that you should not take any medicines without doctor consultation. Taking any medicine without doctor's consultation can cause serious problems.