ऑलिव्ह तेल आणि पोषण

ऑलिव्ह तेल भूमध्य पाककलेचे एक अविभाज्य भाग असले, तरी वैश्विक स्तरावर प्रत्येक आरोग्य जागरूक व्यक्तीच्या स्वयंपाकघराचे पटकन प्रिय बनले आहे. शहरी स्वयंपाकात त्याला “ट्रेंड” किंवा “नवीन वस्तू” म्हणून हिणवले जात असले, तरी माझा विश्वास करत असाल तर असे काही नाही. ऑलिव्ह आणि ऑलिव्ह तेलाचे खूप लांबलचक आणि रुचिकर इतिहास आहे.

तुम्हाला इतिहास किंवा खेळाची आवड असली तर, तुम्ही निश्चितपणें ऑलंपिक खेळाबद्दल ऐकले असेल. तुम्हाला माहीत होते का की ऑलिव्हचे स्मृतिचिन्ह प्राचीन ग्रीक खेळांच्या विजेत्यांना दिले जात होते? हो, हे दस्तऐवजात असून ते सत्य आहे, पण आता तुम्हाला आश्चर्य वाटत असेल की ऑलिव्हचे एखाद्या प्रतीकात्मक पदकाशी काय बरे संबंध असू शकते? तुम्हाला जाणून घेण्यास आवडेल की ग्रीक धर्मशास्त्रामध्ये ऑलिव्हच्या झाडाला देवी “एथेना”कडून मिळालेले एक उपहार समजले जात होते. एखाद्या वेळेस तुम्हाला माहीत नसल्यास, एथेना बुद्धि आणि साहसाची देवी आहे. एथेनाच्या नांवावर एथेंस शहर बसवले गेले होते. नैसर्गिकरीत्या, ऑलिव्हचे झाड आणि शाखा यांना उच्चतम स्थान दिले गेले आहे. वास्तविक पाहता, ग्रीक अजूनही ऑलिव्हला समॄद्धीचे चिन्ह समजतात. 2004 उन्हाळी ऑलंपिक्समधील विजेत्यांना ऑलिव्ह शाखांचे स्मृतिचिन्ह मिळाले होते.

ऑलिव्ह तेलाला औषधशास्त्राचे जनक हिपोक्रेट्स द्वारे “महान उपचारकर्ता” असे म्हटले गेले आहे. म्हणून, हे सांगण्यात काही गैर नाही की ऑलिव्ह खूप वेळ त्याच्या औषधशास्त्रीय आणि उपचारात्मक गुणधर्मांसाठी विख्यात होते.

इतिहासकारांप्रमाणें, ऑलिव्ह झाडाच्या शेतीचे सर्वांत जुने अभिलेख जवळपास 7000 वर्ष जुने आहे. ऑलिव्ह झाडाचे यूनानमध्ये मिळालेले पुरातत्त्वीय नमुने 3000 वर्ष एवढे जुने आहेत. ऑलिव्हचे औषधशास्त्रीय आणि उपचारात्मक फायद्यांना प्राचीन ग्रीक साहित्यामध्ये स्थान दिले गेले आहे. हेच नाही, तर प्राचीन ग्रीक लेखक होमर यांनी ऑलिव्ह तेलासाठी “तरळ सोने” ही संज्ञा वापरली होती.

तुम्ही हे जाणून चकित व्हाल की केवळ ग्रीकांनीच त्यांच्या तरळ सोन्याला नावाजले आणि सुरक्षित ठेवले नव्हते. कुरानमध्येही ऑलिव्हच्या फळाला एक कृपांकित फळ मानले आहे आणि या फळाचे दाखले बायबलच्या जुन्या करारातही सापडतात. इजिप्शिअम ऑलिव्हच्या पानांना ममीकरण पद्धतींमध्ये वापरत होते. आज, हे आश्चर्य जगातील जवळपास प्रत्येक प्रमुख देशात पोचले आहे आणि शाकाहारी खाद्य तेल, सूर्यफूल तेल आणि अन्य सॅच्युरेटेड तेलांना एक निरोगी पर्याय म्हणून त्याची गणती होते.

  1. ऑलिव्ह तेलचे वापर आणि आरोग्य फायदे - Olive oil uses and health benefits in Marathi
  2. चांगले ऑलिव्ह तेल कसे ओळखावे - How to identify good olive oil in Marathi
  3. रोज किती ऑलिव्ह तेल घ्यावे - How much olive oil to take per day in Marathi
  4. एक्स्ट्रा वर्जिन ऑलिव्ह तेल आणि त्याचे वापर - Extra virgin olive oil and its uses in Marathi
  5. ऑलिव्ह तेलाचे सहप्रभाव - Olive Oil Side Effects in Marathi

आपल्यापैकी बहुतेक लोक ऑलिव्ह तेलाच्या बाटल्यांना आमच्या स्वयंपाकघरात ठेवतात आणि दैनंदिन स्वयंपाकात वापरतात. पण हे पाकशास्त्रीय संपदा केवळ स्वयंपाकघरापर्यंत मर्यादित नाही. ऑलिव्ह तेलाचे आरोग्य आणि शरिराच्या उत्कर्षावर खूप लाभदायक प्रभाव  होतात. चला, आपण ऑलिव्ह तेलाच्या बिगर पाकशास्त्रीय वापर पाहू या:

  • केसांसाठी: ऑलिव्ह तेल तुमच्या डोक्याच्या त्वचेला योग्य पोषण देतात आणि तुमच्या केसांना मऊ, निरोगी आणि चकाकदार ठेवतात.
  • त्वचा आणि चेहर्र्यासाठी: ऑलिव्ह तेलामध्ये एंटीऑक्सिडेंटचे अनेक मिश्रण आहेत, जे तुमच्या त्वचेसाठी उत्कृष्ट आहे. ते न केवळ तुमच्या त्वचेला मऊ आणि पोषित ठेवतात, तर बारीक रेषा आणि सुरकुतीही काढण्यास मदत करतात.
  • हृदयासाठी: ऑलिव्ह तेलातील प्रचुर एंटीऑक्सिडेंट सामग्री ऑक्सिडेटिव्ह तणावाशी आणि आहारामध्ये घेतल्यास हृदयाच्या क्षतीशी झगडण्यात मदत करतात. नियमित वापरल्याने हृदयविकाराचा झटका, एथेरोस्क्लेरोसिस आणि स्ट्रोकचा धोका कमी करण्यासाठी एलडीएल कॉलेस्टरॉल पातळी ही कमी होते.
  • मधुमेहासाठी: अभ्यासातून निष्पन्न झाले आहे की ऑलिव्ह तेल घेतल्याने मधुमेहाचा धोका कमी  होतो आणि रक्तशर्करा स्तर कमी होऊन त्याच्या प्रबंधनात ही मदत होते.
  • पोटातील अल्सरसाठी: काही अभ्यासांचा दावा आहे की ऑलिव्ह तेलाचे वापर एच पायलोरी प्रजातींविरुद्ध सूक्ष्मजीवरोधी प्रभावाद्वारे पोटातील अल्सरचे ही प्रबंधन होते.
  • लहान मुलांसाठी: ऑलिव्ह तेलाच्या मसाजाद्वारे लहान मुलांची त्वचा मऊ होण्यास मदत होते आणि आराम मिळतो आणि ते डायपर रॅशविरुद्ध ही प्रभावी आहे.
  • कर्करोगाविरुद्ध: ऑलिव्ह तेलामधील एंटीऑक्सिडेंट कर्करोगाची वाढ आणि संभावना यांना नियंत्रित करून कर्करोगाचा धोकाही कमी होतो.

केसांसाठी ऑलिव्ह तेल - Olive oil for hair in Marathi

ऑलिव्ह तेलाचे वापरकर्ते या तेलाच्या पोषक आणि आर्द्रतादायक केसासाठीच्या फायद्यांबद्दल खूप बोलतात. वैद्यकीय तज्ञांनुसार, ऑलिव्ह तेल स्क्वॅलीन आणि ऑयलिक एसिडसारख्या जैवरसायन ही प्रचुर असतो, ज्याचे केसांवर मऊ करणारे प्रभाव होते. ऑलिव्ह तेलामध्ये उपस्थित वसा आणि जीवनसत्त्व केसांसाठी त्याला उत्कृष्ट पोषक पदार्थ बनवतात. ऑलिव्ह तेल नियमितपणें वापरल्याने तुम्हाला शुष्क आणि तळपे असलेल्या डोक्याच्या कातडीपासून बचावतो. तसेच, ते तुमच्या हेअर फॉलिकलला पोषित करतो आणि तुमच्या केसांना मऊ आणि चकाकदार ठेवतो.

Vitamin E Capsules
₹449  ₹499  10% OFF
BUY NOW

ऑलिव्ह तेलाचे चेहरा आणि त्वचेसाठी फायदे - Olive oil benefits for face and skin in Marathi

तुम्हाला माहीत होते का?

ऑलिव्ह तेल इतिहासाचे सर्वांत सुंदर असे सौंदर्य गुपित असावे. ग्रीक आणि रोमन जनतेने या तेलामध्ये स्नान केले आहे. ऑलिव्ह तेल क्लिओपॅट्राच्या सुगंधींचे एक अविभाज्य घटक समजले जाते. वास्तविक पाहता, ऑलिव्ह तेलामध्ये उपस्थित वसामुळे तो त्याला तुमचा चेहरा आणि त्वचेसाठी उत्कृष्ट मॉश्चरायझर आहे. इंटरनेशल ऑलिव्ह काउंसिलनुसार, ऑलिव्ह तेलमध्ये प्रचुर विटामिन ए, डी, ई आणि के असतो, ज्यामुळे तो उत्कृष्ट एंटीऑक्सिडेंट बनतो. हेच नाही, अभ्यास सुचवतात की ऑलिव्ह तेलामध्ये बर्र्यापैकी स्क्वॅलीन ( एक रासायनिक यौगिक) असतो, जे एक प्रख्यात एंटीऑक्सिडेंट आहे. एकूण हे गुणधर्म न केवळ तुमच्या त्वचेला पोषित करतात आणि मऊ बनवात, तर सर्व रेषा आणि डार्क स्पॉट्सना काढतात व तुमच्या चेहर्र्याला एक सकारात्मक चकाकदार दमक मिळते. लोकांच्या समूहावर झालेल्या अभ्यासाप्रमाणें, वर्जिन ऑलिव्ह तेलाबरोबर भूमध्यीय आहार घेतल्याने एथेरोस्क्लेरोसिस (आर्टरीमधील प्लाक) चा धोका ऑलिव्ह तेल न घेणार्र्या लोकांपेक्षा खूप कमी असतो. पुढे हे सुचवले गेले की ऑलिव्ह तेलामधील पॉलिफेनॉल भूमध्यीय आहाराच्या या विशिष्ट आरोग्य लाभासाठी उत्तम असतो. तरीही, ऑलिव्ह तेलाच्या फायद्यांचा संपूर्ण आनंद घेण्यासाठी डॉक्टरांचा सल्ला घेतलेला बरा.

हृदयासाठी ऑलिव्ह तेल - Olive oil for heart in Marathi

एका ख्यातनाम अवलोकन पत्रिकेप्रमाणें, ऑलिव्ह तेल मोनोअनसॅच्युरेटेड फॅटी एसिड्स ( गुड फॅट्स)मध्ये प्रचुर आहे, जे तुमच्या सामान्य शाकाहारी तेलामधील वसासाठी एक चांगला पर्याय आहे. हेच नाही तर नियमितपणें ऑलिव्ह तेल घेतल्याने एचडीएल कॉलेस्टरॉल किंवा शरिरातील चांगले कॉलेस्टरॉल वाढते. तसेच, पॉलिफेनॉल ऑलिव्ह तेलामध्ये उपस्थित एंटीऑक्सिडेंट्स आहेत, जे फ्री रॅडिकल हानीपासून शरिराला सुरक्षित ठेवतात. तुम्हाला आश्चर्य वाटत असेल की फ्री रॅडिकल्स काय असतात? फ्री रॅडिकल्स आमच्या शरिरामध्ये बनलेल्या प्रतिक्रियात्मक प्राणवायू प्रजातींचा एक वर्ग असतो, जे शरिराच्या विविध चयापचय कार्य आणि तणाव व प्रदूषण यासारख्या घटकांपासून बनतो. प्राणवायूच्या या प्रजाती आमच्या शरिरातील कमी घनत्त्वाचे कॉलेस्टरॉल ( एलडीएल) किंवा खराब कॉलेस्टरॉलबरोबर युग्मीकरण करून डॉमिनो प्रभाव सुरू करतात. एलडीएल ऑक्सिडाइझ झाल्यामुळे ते प्लाकच्या रूपात आर्टरीच्या भिंतींवर जमा होणें सुरू करते. हे प्लाक रक्तनलिकांना संकुचित करून हॄदयावरील दाब वाढवतात. या शृंखलेच्या परिणामी हॄदयविकाराचा झटका आणि स्ट्रोकसारख्या कार्डिओव्हॅस्कुलर परिस्थिती बनतात. सुदैवाने, पॉलिफेनॉल न केवळ फ्री रॅडिकल्सना संपवतात, तर ते एलडीएल कॉलेस्टरॉलचे प्रमाणही कमी करून सामान्य हृदयरोगांचा धोका कमी करतात. .

 (अजून वाचा: हृदयरोगाची कारणे आणि उपचार)

दाहशामक पदार्थ म्हणून ऑलिव्ह तेल - Olive oil as an anti-inflammatory agent in Marathi

डॉक्टरांनी दाहाचा संबंध अनेक रोग उदा. संधिवात, मधुमेह, काही हृदयरोग आणि कर्करोगाशी जोडले आहे. आत्यंतिक दाहामागील ( हळूहळू पसरणारे आणि अधिक वेळ टिकणार्र्या दाहाचे प्रकार) विज्ञान अजून बरापैकी अज्ञात आहे. पण, शास्त्रज्ञांचा विश्वास आहे की आहाराच्या संरचनांचा आत्यंतिक दाहावर महत्त्वपूर्ण भूमिका असते. हेच नाही, संधिवातासारख्या रोगांमधील दाहात्मक लक्षणे ( सांधे सुजणें आणि वेदना) रुग्णांमध्ये प्रमुख गैरसोयीचे एक प्रमुख कारण राहिलेले आहे. अभ्यास सुचवतात की ऑलिव्ह तेलामधील ऑलिओकॅंथल (नैसर्गिक रासायनिक यौगिक) यामध्ये शक्तिशाली दाहशामक गुणधर्म असतात. पुढील अभ्यास सुचवतो की वर्जिन ऑलिव्ह तेलाचे दाहशामक गुणधर्म सर्वांत सामान्य अशा दाहशामक औषधाशी खूप साजेसे आहे. तरी, तुम्हाला कोणत्याही प्रकारच्या दाहाचा त्रास असल्यास, कोणत्याही स्वरूपात ऑलिव्ह तेल घेण्यापूर्वी डॉक्टरांचा सल्ला घेतलेला बरा.

मधुमेहासाठी ऑलिव्ह तेल - Olive oil for diabetes in Marathi

उच्च रक्तशर्करा स्तरांना संपन्न आणि उच्चवर्गीय लोकांचे लक्षण मानले गेले होते, पण आता मधुमेह समाजाच्या सर्व तबक्यांपर्यंत पसरले आहे. डॉक्टरांच्या लेखी, या परिस्थितीचे कारण शहरी जनतेच्या खराब आहार निवडींना मानायला पाहिजे. वाढीव रक्तशर्करा न केवळ प्रबंधनास कठिण असते, तर व्यक्तीच्या जीवनाला खूप कष्टमय बनवते. स्पेनमधील हल्लीच्या अभ्यासांचा दावा आहे की माफक भूमध्यीय आहार घेणार्र्या लोकांना मधुमेह होण्याचे तुळनेने कमी धोका असतो. अजून एका अभ्यासामध्ये, हे सुचवले गेले होते की भूमध्यीय आहार इंसुलिनद्वारे रक्तातील ग्लूकोझ ग्रहण होणें वाढवतो आणि रक्तातील एकूण शर्करेचे प्रमाण कमी होते. हे आहार संपूर्णपणें ऑलिव्ह तेल आधारित आहे, ज्याचे दाहशामक गुणधर्म असतात आणि अप्रत्यक्षपणें रोगाचे गांभीर्य कमी होते. तरी, दाह आणि मधुमेहामधील प्रत्यक्ष संबंध अजून स्पष्ट नाही, पण आंतरिक दाह रोगाच्या प्रमुख कारणीभूत पदार्थांपैकी मानले गेले आहे. तुम्हाला मधुमेह असल्यास, तुमच्या पोषणतज्ञाशी बोलणें आणि आहारात ऑलिव्ह तेल समाविष्ट करून घेणें चांगले आहे.

पोटातील अल्सरसाठी ऑलिव्ह तेल - Olive oil for stomach ulcers in Marathi

मॅयोनीझ आणि सॅलॅड्समधील ऑलिव्ह तेल तुम्हाला सामान्य अन्नवाह्य रोगकारकांपासून वाचवतो? हे आश्चर्यजनक आहे ना? अभ्यास दाखवतो की वर्जिन ऑलिव्ह तेलाचे एक्विअस सार एक उत्कृष्ट सूक्ष्मजीवरोधी पदार्थ आहे. वर्जिन ऑलिव्ह तेल प्रक्रिया केलेल्या अन्नामध्ये जोडल्यास, सॅल्मोनेला आणि लिस्टेरिआसारख्या जिवाणूंना मारण्यात प्रभावी आहे. किती जबरदस्त आहे न. स्वतःला सुरक्षित करणारे अन्न. पण याचे अर्थ असे नाही की ते नमूद केलेल्या साठवणूक अवधीपेक्षा जास्त असेल. तसेच ऑलिव्ह तेलामधील पॉलिफेनॉल या तेलाच्या जिवाणूरोधी गुणधर्मासाठी जवाबदार आहे. प्रयोगशाळा अभ्यासांचा दावा आहे की ऑलिव्ह तेल हॅलिकोबॅक्टर पायलॉरीला मारण्यामध्ये प्रभावी आहे, जे पेप्टिक अल्सर ( पोटातील अल्सर)चे कारणीभूत घटक आहे. तरी, पोटातील अल्सरच्या उपचारामध्ये ऑलिव्ह तेलचा प्रभावीपणा मापण्यासंबंधी पुष्टिदर्शक संशोधन अजूनही चालू आहे. तुम्हाला या अल्सरचा त्रास असल्यास, ऑलिव्ह तेल घेण्यापूर्वी डॉक्टरांचा सल्ला घेणें चांगले आहे.

मेंदूचे कार्य सुधारण्यासाठी ऑलिव्ह तेल - Olive oil for improving brain function in Marathi

तुम्हाला माहीत आहे का की ऑलिव्ह तेल तुम्हाला बुद्धिमान बनवू शकतो? भूमध्यीय आहारावरील हल्लीच्या अभ्यासांचा दावा आहे की ऑलिव्ह तेल घेतल्याने न केवळ मेंदूचे कार्य सुधारते, तर संज्ञानही सुधारते ( मेंदूची आठवण ठेवण्याची आणि समजण्याची क्षमता). पुढील अभ्यास सुचवतात की ऑलिव्ह तेल नियमित घेतल्याने मेंदूमधील प्लाक बनण्याची शक्यता कमी होते. मेंदूमधील प्लाक वास्तविक मेंदूमधील प्रथिन संचयाचे प्रकार आहे, ज्यामुळे अल्झायमर्ससारखे तंत्रिकातंत्रीय विकार होऊ शकतात. तरी, अल्झायमरविरोधी उपचारामध्ये ऑलिव्ह तेल वापरण्यासंबंधी वास्तविक कार्य आणि पद्धती समजण्यासाठी अभ्यास चालू आहे. म्हणून, मेंदूच्या आरोग्यावर ऑलिव्ह तेलाचे लाभकारक प्रभाव जाणून घेण्यासाठी डॉक्टरांचा सल्ला घेणें चांगले आहे.

लहान मुलांसाठी ऑलिव्ह तेल - Olive oil for babies in Marathi

मला खात्री आहे की लहान असतांना आपल्यापैकी सर्वांना ऑलिव्ह तेलाचा मसाज मिळाला असेल. विश्वास नसेल तर तुमच्या आईला विचारा. ऑलिव्ह तेल लहान मुलांच्या मसाजचे तेल म्हणून खूप ठिकाणी वापरले जाते. तुम्हाला यावर कधी प्रश्न पडले आहे का? समर्थकांचा दावा आहे की त्याचे मुलाच्या त्वचेवर आरामदायक, मऊ करणारे आणि मॉश्चराइझिंग प्रभाव होते. ते मुलांना पोषण आणि शांती देणारेही मानले जाते. ऑलिव्ह तेलचे डायपर रॅशवर उपचार करण्यात ही सामान्य वापर होते. म्हणून ऑलिव्ह तेल मुलांसाठीच्या सर्व तेलांचा राजा आहे. तरी, काही मुलांची त्वचा नैसर्गिकरीत्या संवेदनशील असते. म्हणून तुमच्या मुलाला ऑलिव्ह तेलचा मसाज देण्यापूर्वी डॉक्टरांशी बोलणें बरे राहील.

ऑलिव्ह तेलमधील कर्करोगरोधी संभावना - Olive oil anticancer potential in Marathi

कर्करोग जगभरात मानवी मृत्युदाराच्या प्रमुख कारण बनत चालला आहे. जागतिक आरोग्य संघटनेप्रमाणें, आहार निवड आणि जीवनशैली अधिकतम विकसित देशांमध्ये कर्करोगाचे प्रमुख कारण आहे. अनेक मानवी आणि प्राणिआधारित अभ्यास ऑलिव्ह तेलाच्या कर्करोगसंबंधी गुणधर्मांवर करण्यात आले आणि त्यांचे सकारात्मक प्रभाव झाले आहे. अभ्यासांचा दावा आहे की ऑलिव्ह तेलामधील पॉलिफेनॉल कर्करोगाच्या कोशिकांना मारू शकतात आणि कर्करोगाचा विकास थांबवू शकतात. हेच नाही, यांची नोंद घेण्यात आली आहे की खूप कमी भूमध्यीय लोकांना कर्करोगाचा त्रास होतो. शास्त्रज्ञांचा विश्वास आहे की हे भूमध्यीय आहारामधील अधिक ऑलिव्ह तेल मात्रेमुळे असू शकते. ऑलिव्ह आणि ऑलिव्ह तेलाच्या कर्करोगरोधी गुणधर्मांना समजण्यासाठी जगभर संशोधन चालू आहे.

ऑलिव्ह तेल भूमध्यीय आहाराचे स्थानीय वृक्ष आहे आणि दक्षिणपूर्व युरोप, पश्चिम एशिया आणि आफ्रिकेच्या काही भागांपर्यंत पसरले आहे. पारंपरिकरीत्या, ऑलिव्ह तेल ऑलिव्ह झाडाच्या (ऑलियुरोपिया) फळामधून हाताने काढून आणि दगडाने पाडून मिळते. पण, तंत्रज्ञान प्रगत झाल्याने, गतिशील आणि अधिक बेहतर उपकरण त्वरित जुन्या पद्धतींची जागा घेत आहे.

ऑलिव्ह तेलच्या तज्ञांप्रमाणें, ऑलिव्ह तेलची चव ऑलिव्हचे प्रकार आणि पिकण्याची अवस्था याप्रमाणें बदलते, ज्याचे वापर तेलाचे बॅच तयार करतांना होते. सामान्यपणें, फळ जेवढे पिकलेले असेल, तेल तेवढेच कमी कडू असेल. पिकण्याचे स्तर सुद्धा तेलाच्या  रंगाला हिरव्यापासून हिरवेसर सोनेरीमध्ये बदलते आणि पिकलेल्या ऑलिव्हमध्ये गरम सोनेरी होते.

आता, एवढे फायदे वाचून तुम्हाला आता तुमचा पहिला बॉटल घेण्याची घाई झाली असेल. पण तुम्हाला बाजारात अनेक निवडी उपलब्ध असतील, ज्या तुम्हाला सहजच भांबावून सोडतील. अनेक स्थानिक आणि आंतरराष्ट्रीय ब्रॅंड  ऑलिव्ह तेल विकतात आणि त्याच्या शुद्धता व मानकांबद्दल वेगवेगळे दावे करतात. म्हणून, अशा वेळेस तुम्हाला भारावून घेणारा पहिला बॉटल विकत घेण्यासाठी पळू नका. याऐवजी, ऑलिव्हतज्ञ अधिक गडद बॉटल किंवा टिन विकत घेण्याचा सल्ला देतात, जे थेट प्रकाशासाठी तेलाला मोकळे सोडत नाहीत. याचे कारण असे की थेट प्रकाश आणि प्राणवायूमध्ये अधिक वेळ मोकळे सोडल्याने तेलाची गुणवत्ता कमी करणारा प्रभाव होऊ लागतो. तसेच, चांगल्या प्रतीच्या ऑलिव्ह तेलाचे तुमच्या तोंडात फळाचे आणि नंतर भाजी आणि गवताचा चव येतो. तुम्हाला ती रॅंसिडिटी वाटत असल्यास, त्या विशिष्ट गुणवत्तेला टाळलेलेच बरे आहे.

अन्न एवं औषध प्रशासनानुसार (एफडीए, अमेरिका) 15-20 ग्रॅम ऑलिव्ह तेल दिवसात आदर्शरीत्या घेतले जाऊ शकते. तथापी, त्याच विधानामध्ये, हे ही म्हटले गेले होते की तुमच्या सॅच्युरेटेड फॅटचे पर्याय म्हणून ऑलिव्ह तेल वापरावे आणि अतिरिक्त पूरक तत्त्व म्हणून नव्हे. याचे अर्थ असे की तुम्ही औषध म्हणून हे तेल पिण्याऐवजी तुमच्या नियमित तेलाचे पर्याय म्हणून वापरले पाहिजे. याचे कारण असे की ऑलिव्ह तेलाचे खूप आरोग्य फायदे आहेत, पण तरी वसा खूप अधिक आहे. तुमच्या शरिराला तुळनेने कमी प्रमाणात वसाची आवश्यकता असल्याने, अधिक ऑलिव्ह तेल घेऊ नये. ऑलिव्ह तेल वापरण्याच्या योग्य पद्धतीबद्दल डॉक्टराशी बोललेले बरे, हे सांगणे न लगे, जेणेकरून तुम्हाला ऑलिव्हमधून सर्वाधिक फायदे मिळतील.

एक्स्ट्रा वर्जिन म्हणजे ऑलिव्ह तेलाच्या उत्पादनाची पद्धतीकडे बोट दाखवते. एक्स्ट्रा वर्जिन ऑलिव्ह तेलाची प्रत आहे, जिची परिभाषा केलेली नाही. आदर्शरीत्या, त्याला ऑलिव्ह तेलाचे सर्वोत्तम प्रकार समजले जाते. संशोधकांप्रमाणें, परिष्करण ऑलिव्ह तेलातील काही महत्त्वपूर्ण रासायनिक यौगिकांना काढतो. ऑलिव्ह विविध इटॅलिअन आणि ग्रीक पाककॄतींमध्ये स्वयंपाकाचे घटक म्हणून थेट वापरता येतात. ऑलिव्ह तेल स्वयंपाकाचे माध्यम आणि साबण, शॅंपू, आणि कंडिशनर आणि विशिष्ट सौंदर्यशास्त्रीय उत्पादनांमध्ये खूप वापरले जाते.

ऑलिव्ह  तेल स्थानिकरीत्या लावल्यानंतर त्वचेच्या अलर्जींचे काही प्रसंग पाहण्यात आलेले आहेत. म्हणून, तुमची आंतरिकरीत्या संवेदनशील किंवा तैलीय त्वचा असल्यास, तुमच्या त्वचेवर ऑलिव्ह तेल वापरण्यापूर्वी डॉक्टरांचा सल्ला घेतलेला बरा. अभ्यास सुचवतात की ऑलिव्ह तेल एक्झेमा आणी सॉरिअसिससारख्या काही त्वचा परिस्थितींना अजून बिघडवू शकतात. म्हणून, कोणत्याही त्वचा परिस्थितींसाठी ऑलिव्ह तेल वापरण्यापूर्वी त्वचारोगतज्ञाचा सल्ला घेतलेला बरा.

गरोदरपणादरम्यान ऑलिव्ह तेलाच्या वापराला आधार देण्यासाठी पर्याप्त प्रमाण उपलब्ध नाही. म्हणून, गरोदर महिलांना त्यांच्या आहारात ऑलिव्ह तेल घेण्यापूर्वी डॉक्टरांचा सल्ला घ्यावा. ऑलिव्ह तेल नैसर्गिक हायपोग्लायसेमिक आहे ( रक्तशर्करा स्तर कमी करतो), म्हणून मधुमेह असलेल्या लोकांनी त्यांच्यासाठी ऑलिव्ह तेलाची वास्तविक मात्रा निर्धारित करण्यासाठी डॉक्टरांचा सल्ला घेतला पाहिजे.

संदर्भ

  1. Nektaria Tsantila et al. Antithrombotic and Antiatherosclerotic Properties of Olive Oil and Olive Pomace Polar Extracts in Rabbits. Mediators Inflamm. 2007; 2007: 36204. PMID: 18253466
  2. Estruch R. Effects of a Mediterranean-style diet on cardiovascular risk factors: a randomized trial.. Ann Intern Med. 2006 Jul 4;145(1):1-11. PMID: 16818923
  3. Lucas L1, Russell A, Keast R. Molecular mechanisms of inflammation. Anti-inflammatory benefits of virgin olive oil and the phenolic compound oleocanthal.. Curr Pharm Des. 2011;17(8):754-68. PMID: 21443487
  4. Beauchamp GK et al. Phytochemistry: ibuprofen-like activity in extra-virgin olive oil. Nature. 2005 Sep 1;437(7055):45-6. PMID: 16136122
  5. Kastorini CM1, Panagiotakos DB. Dietary patterns and prevention of type 2 diabetes: from research to clinical practice; a systematic review. Curr Diabetes Rev. 2009 Nov;5(4):221-7. PMID: 19531025
  6. Medina E1, Romero C, Brenes M, De Castro A. Antimicrobial activity of olive oil, vinegar, and various beverages against foodborne pathogens. J Food Prot. 2007 May;70(5):1194-9. PMID: 17536679
  7. Lin YK1, Al-Suwayeh SA, Leu YL, Shen FM, Fang JY. Squalene-containing nanostructured lipid carriers promote percutaneous absorption and hair follicle targeting of diphencyprone for treating alopecia areata. Pharm Res. 2013 Feb;30(2):435-46. PMID: 23070602
  8. World Health Organization [Internet]. Geneva (SUI): World Health Organization; Diet, nutrition and the prevention of cance.
  9. Fabiani R. Anti-cancer properties of olive oil secoiridoid phenols: a systematic review of in vivo studies. Food Funct. 2016 Oct 12;7(10):4145-4159. PMID: 27713961
  10. Trichopoulou A1, Lagiou P, Kuper H, Trichopoulos D. Cancer and Mediterranean dietary traditions. Cancer Epidemiol Biomarkers Prev. 2000 Sep;9(9):869-73. PMID: 11008902
  11. Owen RW1, Haubner R, Würtele G, Hull E, Spiegelhalder B, Bartsch H. Olives and olive oil in cancer prevention. Eur J Cancer Prev. 2004 Aug;13(4):319-26. PMID: 15554560
  12. Martínez-Lapiscina EH. Mediterranean diet improves cognition: the PREDIMED-NAVARRA randomised trial. J Neurol Neurosurg Psychiatry. 2013 Dec;84(12):1318-25. PMID: 23670794
Read on app