నేరేడు పళ్ళు ప్రయోజనాలు మరియు దుష్ప్రభావాలు - Jamun Benefits And Side Effects in Telugu

వాపు అంటే చర్మం ఎర్రగా, వేడిగా మారి, ఉబ్బుతుంది మరియు కొన్నిసార్లు నొప్పిని కూడా కలిగిస్తుంది. నేరేడు పళ్లలో వివిధ విటమిన్లు మరియు ఖనిజాలు ఉంటాయి, ఇవి వాపు నిరోధక లక్షణాలను ప్రదర్శిస్తాయి. ఈ పండు యొక్క వాపు నిరోధక సామర్థ్యాన్ని తెలుసుకోవడానికి ప్రీక్లినికల్ అధ్యయనాలు జరిగాయి. వాపు మరియు అల్సర్ను తగ్గించడానికి నేరేడు పళ్ళను ఒక సహజ ఔషధంగా తీసుకోవచ్చు. నేరేడు పళ్ళ యొక్క ఈ లక్షణం ప్రాణాంతక క్యాన్సర్ ప్రమాదాలను నివారించడంలో కూడా సహాయపడుతుంది.

ఆర్థరైటిస్, కీళ్ళ వద్ద కండరాలు బలహీనపడటం వల్ల వచ్చే వ్యాధి. 40 ఏళ్లు దాటిన మహిళలు, ఎముక సంబంధిత సమస్యలను ఎదుర్కొనే ప్రమాదం ఉంటుంది. ఇది దీర్ఘకాల చికిత్సతో నయం చేయగల పరిస్థితి. అనేక ప్రీ క్లినికల్ అధ్యయనాల ప్రకారం, నేరేడుపళ్ల విత్తనాలు శక్తివంతమైన యాంటీ-ఇన్ఫలమేటరీ ప్రభావాన్ని కలిగి ఉంటాయి, ఈ ప్రభావం ఆర్థరైటిస్ వంటి వ్యాధుల విషయంలో వాపును తగ్గించడానికి సహాయపడుతుంది. ఆర్థరైటిస్‌తో బాధపడుతున్న రోగులు వాపు మరియు నొప్పిని తగ్గించడానికి వారి ఆహారంలో నేరేడుపళ్లను చేర్చాలని సూచించబడుతుంది.

నిత్యం పనితో నిండి ఉండే జీవనశైలిలో, శరీరాన్ని ఆరోగ్యంగా మరియు ఉత్సహంగా ఉంచడానికి సులభమైన మరియు ప్రయోజనకరమైన చిట్కాలను తెలుసుకోవడం చాలా అవసరం. పెరుగుతున్న వయస్సుతో పాటు, ప్రజలు గుండె జబ్బుల ప్రమాదాన్ని ఎక్కువగా ఎదుర్కొంటుంటారు. గుండెను ఆరోగ్యంగా ఉంచడంలో సహాయపడే ఒక ముఖ్యమైన ఖనిజం పొటాషియం.

తగినంత మొత్తంలోని పొటాషియం రక్తపోటును నియంత్రించడంలో సహాయపడుతుంది, మరియు  తద్వారా గుండెపోటు వచ్చే ప్రమాదాన్ని తగ్గిస్తుంది. నేరేడు పండ్లలో పొటాషియం పరిమాణం  చాలా ఎక్కువగా ఉంటుంది. పొటాషియం అధికంగా ఉండే నేరేడు పళ్ళను తీసుకోవడం ద్వారా అది రక్త నాళాలను (శరీరంలో రక్తం ప్రయాణించే పైపు) విస్తరించడం ద్వారా గుండెను ఆరోగ్యంగా ఉంచడంలో సహాయపడుతుంది, తద్వారా శరీరంలో వివిధ భాగాలకు రక్తం ప్రవహించడం సులభం అవుతుంది మరియు రక్తపోటును నిర్వహిస్తుంది.

కొలెస్టాసిస్ కాలేయం యొక్క ఒక సాధారణ వ్యాధి. ఈ పరిస్థితిలో, కాలేయం నుండి పిత్త రసం (బైల్ జ్యూస్) యొక్క ఉత్పత్తి నిరోధించబడుతుంది. ఈ పరిస్థితి ఉదర ప్రాంతంలో నొప్పితో పాటు తీవ్రమైన దురద, కళ్ళు మరియు చర్మం పసుపు రంగులోకి మారడం, ముదురు మూత్రం, ఆకలి లేకపోవడం మరియు వికారం వంటి కొన్ని లక్షణాలను  కలిగిస్తుంది. కొలెస్టాసిస్ చికిత్సలో నేరేడు పళ్ళ యొక్క వివిధ ప్రభావాలు పరిశోధించబడ్డాయి.

నేరేడు యొక్క ఈ ప్రభావం దానిలో ఆంథోసైనిన్ అనే బయోఆక్టివ్ సమ్మేళనం ఉండటం వలన అని ప్రిక్లినికల్ అధ్యయనాలు తెలిపాయి. పండులో కనిపించే నీలం-ఊదా రంగుకు కారణం. కొలెస్టాసిస్‌తో ముడిపడి ఉండే వివిధ లక్షణాల నుండి ఉపశమనం కలిగించడం ద్వారా రోగికి ఉపశమనం అందించడంలో ఆంథోసైనిన్ సహాయపడుతుంది.

నేరేడు పళ్లలో మల్టీవిటమిన్లు మరియు పోషక విలువలు ఉండటం వల్ల, చర్మానికి సౌందర్యం అందించడంలో ఇవి ప్రయోజనకరంగా ఉంటాయి. అలాగే వీటిలో ఉండే ఐరన్ రక్తాన్ని శుద్ధి చేయడానికి మరియు మొటిమల సమస్యలను నియంత్రించడానికి సహాయపడుతుంది. నేరేడు యొక్క మరొక ముఖ్యమైన పోషకం విటమిన్ సి ఇది, చర్మాన్ని తెల్లగా చేయడానికి సహాయపడుతుంది. మొటిమలు మరియు బ్లాక్ హెడ్స్ వల్ల చర్మం పై ఏర్పడిన మచ్చలు కూడా నేరేడు పళ్ళ విత్తనాల పొడిని ఉపయోగించడం ద్వారా తగ్గుతాయి. జిడ్డుగల చర్మం ఉన్నవారు రోజూ నేరేడుపళ్లను తినాలని సలహా ఇవ్వబడుతుంది ఎందుకంటే ఇది వారి చర్మాన్ని తాజాగా మరియు నిర్మలంగా చేస్తుంది.

నేరేడు పళ్ళను తీసుకోవడం అనేది కొలెస్ట్రాల్‌ను తగ్గించడంలో కూడా ప్రభావవంతంగా ఉంటుందని రుజువు చేయబడింది. నేరేడు విత్తనాల ఇథనాలిక్ సారం సీరం కొలెస్ట్రాల్ మరియు ట్రైగ్లిజరైడ్స్ యొక్క స్థాయిని తగ్గించే సామర్థ్యాన్ని కలిగి ఉంటుంది, అదేవిధంగా అధిక సాంద్రత కలిగిన కొలెస్ట్రాల్ మరియు తక్కువ-సాంద్రత గల కొలెస్ట్రాల్‌ యొక్క నిష్పత్తిని కూడా నిర్వహిస్తుంది. నేరేడు విత్తనాల యొక్క ఈ యాంటీ-హైపర్లిపిడెమిక్ ప్రభావం వాటిలో ఉండే టానిన్లు, ఆల్కలాయిడ్స్, ఫ్లేవనాయిడ్లు, సాపోనిన్, ఫినాల్స్ మరియు ట్రైటెర్పెనెస్ వంటి బయోయాక్టివ్ సమ్మేళనాలు ఉండటం వలన చెప్పవచ్చు.

బలహీనమైన ప్రేగుల వ్యవస్థ ఉన్నవారు మలబద్ధకం, ఉబ్బరం, విరేచనాలు, తిమ్మిరి లేదా కడుపు నొప్పి వంటి వివిధ జీర్ణ సమస్యలతో బాధపడుతుంటారు. వివిధ విటమిన్లు మరియు ఖనిజాల ఉండడం వల్ల నేరేడు పండ్లకు జీర్ణక్రియకు సహాయం లక్షణాలు ఉంటాయి. ఇంతకు ముందు చెప్పినట్లుగా, నేరేడు పండ్లలో మంచి మొత్తంలో ఆంథోసైనిన్లు ఉంటాయి.

ఆంథోసైనిన్లు ఒక రకమైన యాంటీఆక్సిడెంట్లు మరియు ఇవి కడుపులోని ఆక్సిజన్ మరియు నైట్రోజన్ యొక్క రియాక్టివ్ ప్రభావాలను అణచివేయడంలో సహాయపడతాయి ఇది కడుపులోని ఆమ్ల (అసిడిక్) లక్షణాలను నియంత్రించడంలో మరియు ఉపశమనం కలిగించడంలో సహాయపడుతుంది. ఈ పండు ప్రేగుల పై ఒక టానిక్ లా పనిచేయడమే కాక చల్లదనం కూడా కలిగిస్తుంది. విత్తనాల పొడి మరియు నేరేడు చెట్టు యొక్క బెరడుతో తయారుచేసిన కషాయాన్ని తీసుకోవడం ద్వారా విరేచనాలు, అజీర్ణం,ఉబ్బరం వంటి వివిధ జీర్ణ సమస్యలు నయమవుతాయి.

అతిసారానికి అత్యంత ప్రభావవంతమైన నివారణ కోసం - రెండు మృదువైన నేరేడు ఆకులను తీసుకొని వాటిని నలిపి పేస్ట్ లా చెయ్యండి. దీనికి కొంచెం రాతి ఉప్పు కలిపి చిన్న మాత్రలుగా చుట్టండి. ప్రతిరోజూ రెండుసార్లు నీటితో తీసుకోండి.

నేరేడు పండ్ల విత్తనాలు మరియు గుజ్జు మధుమేహ రోగులలో అనేక ప్రయోజనాలకు సహాయపడతాయి.రక్తంలో గ్లూకోజ్ స్థాయిలను తగ్గించడం ద్వారా తిమ్మిరి లేదా కంటిశుక్లం వంటి మధుమేహ సమస్యలను ఆలస్యం చేయడం అనేది నేరేడు పళ్ళ యొక్క అనేక ప్రయోజనాలలో  ఒకటి. గ్లూకోజ్ అధికంగా ఉత్పత్తి అయినప్పుడు పిండి పదార్ధాలను (శరీరంలో ఉంటుంది) చక్కెరగా మారడాన్ని నియంత్రిచగల సామర్థ్యం నేరేడు విత్తనాలకు ఉంటుంది. అధిక దాహం మరియు తరచు మూత్రవిసర్జన వంటి మధుమేహ లక్షణాలను నయం చేయడంలో కూడా ఇది సహాయపడుతుంది.

అనేక రకాల ఇన్ఫెక్షన్లకు బాక్టీరియా మరియు ఫంగస్లు ముఖ్యమైన కారకాలు. నేరేడు పండ్ల గుజ్జు దాని యాంటీమైక్రోబయల్ లక్షణాల కోసం పరీక్షించబడింది మరియు విత్తనాలు కూడా యాంటీ బాక్టీరియల్ ఏజెంట్‌గా పనిచేస్తాయి. నేరేడు యొక్క యాంటీ బాక్టీరియల్ లక్షణాలు చర్మ ఇన్ఫెక్షన్లకు కారణమయ్యే ఎస్చెరిచియా కోలి (Escherichia coli), స్టెఫైలోకోకస్ ఆరియస్ (Staphylococcus aureus), బాసిల్లస్ సబ్టిలిస్ (Bacillus subtilis) వంటి బ్యాక్టీరియా పెరుగుదలను ఆపడానికి లేదా తగ్గించడానికి సహాయపడతాయని కనుగొనబడ్డాయి. నేరేడు యొక్క ఎక్వస్ మరియు మిథనాల్ సారాలు కాండిడా అల్బికాన్స్ (Candida albicans) మరియు ట్రైకోఫైటన్ రుబ్రమ్ (Trichophyton rubrum) వంటి కొన్ని ఫంగస్ల పెరుగుదలను నిరోధిస్తాయి. ఇవి చర్మ వ్యాధులకు కారణమవుతాయి. కాబట్టి, అటువంటి అంటువ్యాధులన్నింటినీ నివారించడానికి మీ ఆహారంలో నేరేడు పళ్ళను చేర్చడం ఉత్తమం.

క్యాన్సర్ అనేది శరీరంలో అసాధారణమైన కణాలు అనియంత్రితంగా పెరిగే పరిస్థితి. రసాయనాలు మరియు ఇతర పదార్ధాలకు గురికావడం వంటి క్యాన్సర్ ప్రమాద కారకాలుగా ఉంటాయి, వీటిని సాధారణంగా క్యాన్సర్ కారకాలు (కార్సినోజెన్స్) అని పిలుస్తారు.

వయస్సు మరియు కుటుంబ చరిత్ర వంటి కొన్ని విషయాలు కూడా క్యాన్సర్ కారకాలుగా ఉంటాయి. కొన్ని క్యాన్సర్ల నివారణకు నేరేడు పళ్ళు అద్భుతముగా పనిచేస్తాయి. వివిధ రకాల క్యాన్సర్ల చికిత్స కోసం, రేడియోథెరపీని విస్తృతంగా ఉపయోగిస్తారు. నేరేడు పండ్ల విత్తనాల సారం రేడియోప్రొటెక్టివ్ ప్రభావాన్ని కలిగి ఉంటుంది. ఇది వారసత్వంగా క్యాన్సర్ వచ్చే ప్రమాదాన్ని తగ్గించడంలో సహాయపడుతుంది. ఆహారంలో నేరేడు పళ్ళను చేర్చడం వల్ల అది రొమ్ము క్యాన్సర్ ప్రమాదాన్ని కూడా తగ్గిస్తుంది.

నేరేడు పండ్ల గుజ్జు యొక్క క్యాన్సర్ నిరోధక ప్రభావం మానవ గర్భాశయ క్యాన్సర్ కణాలపై కూడా నిరూపించబడింది. నేరేడు సారాలు కణితి కణాలలో అపోప్టోసిస్ (సెల్ డెత్) ను ప్రేరేపిస్తాయని మరియు మోతాదు-ఆధారిత పద్ధతిలో యాంటీ-ప్రొలిఫెరేటివ్ ప్రభావాన్ని కూడా ప్రదర్శిస్తాయని అధ్యయనం కనుగొంది. వివిధ ఆంకాలజికల్ (క్యాన్సర్ గురించిన) అధ్యయనాలు క్యాన్సర్ కణాలను నిరోధించడం మరియు వాటిని చంపడంలో నేరేడు పండ్ల గుజ్జు సారం యొక్క సామర్థ్యాన్ని వెల్లడించాయి.