బొబ్బలు - కారణాలు, చికిత్స , గృహచిట్కాలు - Boils: Causes, treatment and home remedies in Telugu

చర్మంపై మృదువైన, వాపుదేలిన దద్దుర్లుగా బొబ్బలు  మొదలవుతాయి, ఇవి గులాబీ రంగు నుండి ఎరుపు రంగు వరకు ఉంటాయి, చర్మంపై గట్టిగా ఉండే భాగంలో ఈ బొబ్బలు సంభవిస్తుంటాయి. క్రమేపీ చీము లేదా ద్రవాలతో నిండిన తిత్తి లాంటి వాపుకు ఇవి విస్తరిస్తాయి. ఈ సమయంలో, కురుపు నుండి  ద్రవం లేదా చీము పారుదల కారణంగా నొప్పి క్రమంగా తగ్గి ఆ తార్వాత ఇది చాలా బాధాకరంగా మారుతుంది. తీవ్రత మరియు పరిమాణాన్ని బట్టి, బొబ్బలు వాటంతటవే పగిలి ద్రవం లేదా చీము వెలుపలికి ప్రవహిస్తుంది. లేదా చిన్నగా కోత పెట్టాల్సిన అవసరం రావచ్చు. బొబ్బలు సంబంధించి క్రింది లక్షణాలను గమనించవచ్చు:

• చర్మం యొక్క కొద్దిభాగం పైన ఎర్రబడటం జరుగుతుంది, సాధారణంగా వెంట్రుకల కుదుళ్ళలో, తొడలు, పిరుదులు, మెడ, చంకలు లేదా ముఖం వంటి భాగాల్లో, అంటే ఒకదానికొకటి రాపిడి కలిగే భాగాల్లో సంభవిస్తాయివి.
• బఠానీగింజ-పరిమాణంలో వాపు రావచ్చు, కొన్నిసార్లు పెద్దదిగా కూడా రావచ్చు
• తాకితే కే సున్నితత్వం
• నొప్పి
• మధ్యలో తెలుపు లేదా పసుపు రంగు తల కలిగి ఉంటుంది
• కురుపులో చీము లేదా ద్రవాల ఉనికి
• త్వరగా వాపు వ్యాప్తి
• చుట్టుపక్కల ప్రాంతం యొక్క ఎరుపు
• అరుదుగా, దురద
• కురుపు పరిమాణం పెద్దగా ఉంటే, మీరు జ్వరం, అలసట మరియు అనారోగ్యం వంటి అదనపు లక్షణాలను అనుభవించవచ్చు
• బొబ్బలు చుట్టుపక్కల ప్రాంతానికి వ్యాపించి ఎక్కువ బొబ్బలు  అభివృద్ధి చెందుతాయి మరియు వ్యక్తి నుండి వ్యక్తికి కూడా వ్యాప్తి చెందుతాయి.

ఒకే ఒక్క వెంట్రుక కుదురుకు సోకిన కురుపువల్ల గాని  లేదా అనేక కుదుళ్లకు సోకిన కురుపుల వల్ల కూడా వాపు సంభవిస్తుందని మీరు గమనించవచ్చు. ఒక వెంట్రుక కుదురు (follicle) కు సోకిన కురుపును సెగగడ్డ (furuncle) అంటారు, అనేక కుదుళ్లకు బొబ్బలు సోకితే దానిని రాచకురుపు లేదా కార్బంకిల్ (carbuncle) అంటారు.

చర్మంలో సాధారణంగా నివాసముండే ‘S. ఆరియస్’ సూక్ష్మజీవి (bacteria) కారణంగా చర్మంపై వెంట్రుకల కుదుళ్ళలో సాధారణంగా కురుపు సంభవిస్తుంది. పైన పేర్కొన్న ప్రదేశాలలో అధిక ఘర్షణ కారణంగా దెబ్బతిన్న చర్మం లేదా చిరిగిన  చర్మం ద్వారా బ్యాక్టీరియా అంటువ్యాధులను కలిగిస్తుంది.

పేలవమైన పరిశుభ్రతను పాటించడమే బొబ్బలు రావడానికి ముఖ్యమైన ప్రమాద కారకం, ఇలా తగినంతగా చర్మ శుభ్రత పాటించనపుడు S. ఆరియస్ సూక్ష్మజీవి మన శరీరంలోకి ప్రవేశించడానికి తగిన మాధ్యమాన్ని మనమే అందించినందునవారమవుతాం. శరీరంపై చెమట మరియు చనిపోయిన చర్మ కణాల ఉనికి ఈ సూక్ష్మక్రిములకు మరింత ఆతిథ్య వాతావరణాన్ని అందిస్తుంది.

పేలవమైన పోషణవల్ల శరీరంలో సహజంగా క్షీణించిన రోగనిరోధక ప్రతిస్పందన కారణంగా రోగాలకు గురయ్యే సంభావ్యతను మరింత పెంచుతుంది.

రోగనిరోధక శక్తి క్షీణత కారణంగా చక్కెరవ్యాధి (డయాబెటిస్) మరొక ప్రమాద కారకం.

తామర వంటి కొన్ని చర్మ రుగ్మతలు కూడా కురుపుల ప్రమాదాన్ని పెంచుతాయి ఎందుకంటే తామర రుగ్మత చర్మాన్ని దెబ్బతీస్తుంది.

కింది చర్యలు తీసుకోవడం ద్వారా కురుపుల్ని, రాచపుండ్లను నివారించవచ్చు:

• సరైన పరిశుభ్రత పాటించడం
• సమతుల్య ఆహారం తీసుకోవడం ద్వారా పోషక లోపాలను నివారించడం
• చనిపోయిన చర్మ కణాలు పేరుకుపోకుండా ఉండటానికి ప్రతి రోజు స్నానం చేయడం మరియు చర్మాన్ని రుద్దుకుని శుభ్రంగా స్నానం చేయడం, 
• దుస్తులు, పరుపులు, లోదుస్తులు లేదా నార దుస్తులు (linen clothes) మరియు ఇతర వస్తువులను శుభ్రంగా ఉంచండి
• రేజర్, టవల్, బట్టలు మొదలైన వ్యక్తిగత వస్తువులను మరొకరు ఉపయోగించడానికి పంచుకోకుండా ఉండడం.

​మీకు ఇప్పటికే బొబ్బలు ఉంటే, మీరు ఈ క్రింది చర్యలు తీసుకోవడం ద్వారా పరిసర ప్రాంతాలకు వ్యాపించకుండా నిరోధించవచ్చు:

• కురుపును తాకిన తరువాత యాంటీ-బాక్టీరియల్ సబ్బుతో చేతులు కడుక్కోవడం
• వెచ్చని నీటిలో బట్టలు, పడక బట్టల్ని ఉతకడం
• కురుపులతో బాధపడుతున్న ప్రాంతానికి ప్రత్యేక టవల్ ఉపయోగించండి
• అనవసరంగా తాకడం లేదా కురుపు పిండి వేయడం మానుకోండి
• కురుపు శుభ్రపరిచేటప్పుడు మరియు డ్రెస్సింగ్ చేసేటప్పుడు జాగ్రత్తగా ఉండండి
• అది నయమయ్యే వరకు కప్పును కప్పి ఉంచాలి
• క్రమం తప్పకుండా కురుపు యొక్క డ్రెస్సింగ్ మార్చడం
• ఉపయోగించిన డ్రెస్సింగ్‌ను చాలా జాగ్రత్తగా పారవేయడం
• సరైన ఆహారం సేవించడం మరియు తగినంత విశ్రాంతి తీసుకోవడం (ఇది త్వరగా కోలుకోవడానికి సహాయపడుతుంది)

బొబ్బల స్వీయ-నిర్వహణతో కూడిన చికిత్స చేయవచ్చు, అయితే, పెద్దవైన కురుపులకు డాక్టర్ సందర్శన అవసరం. ఎక్కువగా, ఎటువంటి తీవ్రమైన సమస్యలు లేకుండా ఇంట్లోనే కురుపులకు విజయవంతంగా చికిత్స నిర్వహించవచ్చు. మీరే కురుపులకు చికిత్స ఎలా నిర్వహించాలో ఇక్కడ ఉంది:

• 10 నిమిషాల పాటు కురుపు ఉన్న ప్రదేశానికి వెచ్చని వస్త్రం వేయడం- ఇది వైద్యం చేసే ప్రక్రియను వేగవంతం చేస్తుంది. వెచ్చని వస్త్రం యొక్క అద్దకం (అనువర్తనం) చుట్టుపక్కల ప్రాంతం యొక్క ఉష్ణోగ్రతను పెంచుతుంది, ఇది కురుపు భాగం యొక్క పెర్ఫ్యూజన్ లేదా రక్త ప్రవాహాన్ని మెరుగుపరుస్తుంది, ఇది మంచి మరియు వేగంగా నయం చేయడానికి అనుమతిస్తుంది. వెచ్చని, తేమతో కూడిన కంప్రెస్ కురుపు యొక్క పారుదలకి సహాయపడుతుంది.
• కురుపు ఇప్పటికే పగిలిన తర్వాత, వాపు, నొప్పి మరియు ఎరుపు యొక్క లక్షణాలు క్రమంగా తగ్గుతాయి. సంక్రమణ వ్యాప్తి చెందకుండా ఉండటానికి ఆ ప్రాంతాన్ని డ్రెస్సింగ్ లేదా శుభ్రమైన గాజుగుడ్డతో కప్పడం ఇంకా అవసరం.
• మీరు తీవ్రమైన నొప్పిని అనుభవిస్తే, ఇబుప్రోఫెన్ వంటి ఓవర్ ది కౌంటర్ మందులు సహాయపడవచ్చు. మీకు జ్వరం ఉంటే, ఉపశమనం కోసం పారాసెటమాల్ కూడా తీసుకోవచ్చు. అయితే, ఈ సందర్భాలలో మీ వైద్యుడిని సందర్శించడం మంచిది.
• డ్రెస్సింగ్ కోసం యాంటీబయాటిక్ క్రీమ్ వాడటం మంచిది. S. ఆరియస్ సూక్ష్మజీవి సాధారణంగా ఈ భాగంలో నివసిస్తున్నందున ఇది నాసికా పొరలకు కూడా వర్తించవచ్చు. పైపూత  మందుల కోసం ఓవర్ ది కౌంటర్ యాంటీబయాటిక్ క్రీములను ఉపయోగించవచ్చు.
• మీ కురుపు పరిమాణం పెద్దగా ఉంటే మీరే ఆ ప్రాంతాన్ని తెరిచి ఉంచకూడదని పుండును పగలగొట్టం లేదా  తెరవడం చేయకూడదని గమనించాలి. ద్రవాల పారుదలకి సహాయపడటానికి మీరు పిన్స్ లేదా ఇతర వస్తువులను కూడా ఉపయోగించకూడదు ఎందుకంటే ఇది సంక్రమణను తీవ్రంగా వ్యాప్తి చేస్తుంది. 
• యాంటీబయాటిక్ కవరేజ్ తరచుగా కురుపుల నిర్వహణకు సూచించబడుతుంది. కానీ, యాంటీబయాటిక్ నిరోధకత మరియు భవిష్యత్తులో అంటువ్యాధుల ప్రమాదాన్ని కలిగి ఉన్నందున మీరు వాటిని మీ స్వంతంగా కూడదు.
• కురుపు పెద్దదిగా ఉంటే, మీ డాక్టర్ వాపు యొక్క ప్రదేశంలో కోత (కట్) ను పెట్టి లోపలి ద్రవాన్ని కార్చేస్తారు. ఈ ప్రక్రియను అనస్థీషియా (ఇది ఇంజెక్ట్ చేయబడిన ఒక చిన్న ప్రాంతంలో తిమ్మిరి అనుభూతిని కలుగజేస్తుంది) ఇచ్చి చేయచ్చు లేదా ఇవ్వకుండానే కూడా చేయచ్చు. ద్రవాన్ని కార్చేసిన తర్వాత పుండుకు క్రిమిసంహారక మందులను వేసి కట్టు (dressing) కట్టడం జారుతుతుంది.

కింది అంశాల విషయంలో కురుపుల చికిత్స కోసం మీరు వైద్యుడిని సందర్శించాల్సి ఉంటుంది:

• కురుపు తీవ్రమైన బాధాకరంగా ఉంటుంది
• కురుపు యొక్క పరిమాణం చాలా పెద్దది
• బొబ్బలు  పునరావృతమవుతున్నట్లైతే 
• బొబ్బలు  2 వారాల కన్నా ఎక్కువకాలం కొనసాగుతుంటే
• జ్వరం మరియు ఇతర అదనపు లక్షణాలు ఉన్నపక్షంలో 
• కురుపు ముఖంపైన లేదా వెన్నెముక యొక్క ప్రాంతం మీద ఉన్నపక్షంలో

వేడి కాపడం (warm compress) కురుపును నయం చేయడంలో విఫలమైతే మీరు ఇంట్లోనే కురుపు చికిత్సను నిర్వహించడానికి అనేక మార్గాలు ఉన్నాయి. ఈ విభాగం ఈ నివారణలలో ఉత్తమమైన వాటిని సూచిస్తుంది.