இந்திய சமையலறையில் சில மாற்ற முடியாத விஷயங்கள் உள்ளன. அது ஏனென்றால், சில ஆச்சரியமான பிராந்திய சுவை கொண்ட பதார்த்தங்களை சமைக்க பயன்படுத்தப்படுவது மட்டும் இல்லாமல், அவற்றின் நன்மைகள் வேறுபட்டவை மற்றும் சமையலறையின் எல்லைகளுக்கு அப்பாற்பட்டவையாக உள்ளது. அத்தகைய பொருட்களுக்கு ஒரு சிறந்த எடுத்துக்காட்டு 'கடுகு எண்ணெய்'. இது ஒரு தனித்துவமான கடுமையான மணம் கொண்டது அதனால் மற்றும் அதைப் பயன்படுத்த பழக சிறிது காலம் எடுக்கிறது. ஆனால் நீங்கள் அதைப் பயன்படுத்த தொடங்கிவிட்டால், அதன் மிகச்சிறந்த சுவையை பாராட்ட கற்றுக்கொள்வீர்கள். இது நம்மை அடிமைபடுத்தக் கூடியது.

இந்தியாவின் கிழக்கு மற்றும் வடகிழக்கு பகுதிகளில் கடுகு எண்ணெய் பயன்படுத்தாத ஒரு குடும்பத்தை கற்பனை செய்வது கூட கடினம். இது பூஞ்சை தொற்று நோய்க்கு சிகிச்சை அளிக்கவும், ஜலதோசத்தை குணப்படுத்தவும், முடி வளர்ச்சியை அதிகரிக்கவும், நோய் எதிர்ப்பு சக்தியை உருவாக்கவும், சருமத்திற்கு ஊட்டமளிக்கவும், எலும்புகளை வலுப்படுத்தவும், வாய்வழி ஆரோக்கியத்தையும் அதிகரிக்கவும் மற்றும் இன்னும் பல அசாதாரண மருத்துவ குணங்களையும் கொண்டுள்து  என நம்பப்படுகிறது. இந்த பட்டியல் முடிவு இல்லாதது.

கடுகு எண்ணெய் கடுகு விதைகளை (கருப்பு, பழுப்பு அல்லது வெள்ளை) குளிர் அழுத்தம் செய்வது மூலம் எடுக்கப்படுகிறது. மேலும் கடுகு எண்ணெய் சிவப்பு பழுப்பு அல்லது அம்பர் வண்ணத்தில் இருக்கும். இது பொதுவாக வடக்கு மற்றும் கிழக்கு இந்தியா, பங்களாதேஷ், பாக்கிஸ்தான் மற்றும் நேபாளத்தில் பயன்படுத்தப்படுகிறது. எனினும், அது இப்போது மிக பிரபலமாகி வருகிறது, மிக மிக சிறந்த உணவகங்கள் சிலவற்றில் கூட தலைமை சமயல் கலைஞர்கள் தங்கள் சமையல்களில் இந்த எண்ணெயை பயன்படுத்த தொடங்கிவிட்டனர். சமையலில் பயன்படுத்தப்படுவதைத் தவிர, கடுகு எண்ணெய் சாலட்டில் , குழந்தைகளின் மசாஜ் எண்ணெயாக, முடியில் தடவும் எண்ணெயாக, முகம் மற்றும் உடலில் தடவ  பயன்படுத்தப்படும் எண்ணெயாகவும் பயன்படுத்தப்படுகிறது.

கடுகு எண்ணெய் பற்றி சில அடிப்படை தகவல்கள்:

  • தாவரவியல் பெயர்: ப்ராசிகா ஜூன்சியா
  • குடும்பம்: பிராசிகாசியா
  • பொது பெயர்: சார்சொன் கா டெல்
  • சமஸ்கிருத பெயர்: சர்ஷாபாட்டியாலா
  • பயன்படுத்தப்படும் பகுதிகள்: கடுகு எண்ணெயை கடுகிலிருந்து பிரித்தெடுக்க கடுகு விதைகள் அழுத்தப்படுகிறது
  • உள்ளூர் பகுதி மற்றும் புவியியல் பரப்பளவு: கடுகு எண்ணெய், கிழக்கு இந்தியா, வட இந்தியா, பங்களாதேஷ் மற்றும் நேபாளம் ஆகியபகுதிகளில் சமையல் செய்ய பயன்படுத்தப்படுகிறது.
  • சுவாரசியமான தகவல்: சமையலறையில் பயன்படுத்தப்படுவதை தவிர, கடுகு எண்ணெய் பல்வேறு பண்டிகைகளிலும் சந்தர்ப்பங்ககளிலும் பயன்படுத்தப்படுகிறது. எனவே இந்தியர்கள் கடுகு எண்ணைக்கு கலாச்சார மற்றும் பாரம்பரிய முக்கியத்துவத்தை கொடுக்கின்றனர் என்று தைரியமாக சொல்லலாம்.பஞ்சாபி கலாச்சாரத்தில், மாப்பிள்ளையின் தாய் மணமகளை வரவேற்பதன் அறிகுறியாக கதவுவின் இரு பக்கங்களிலும் கடுகு எண்ணெய்யை  ஊற்றி வைப்பார்கள்
    தீபாவளி போன்ற பண்டிகை நிகழ்ச்சிகளில் இது மண் விளக்குகள் அல்லது  தியாஸ் களில் பயன்படுத்தப்பட்டு ஒளியூட்டப்படுகிறது.மையான் என்று அழைக்கப்படும் திருமணத்திற்கு முன்பான நிகழ்ச்சியில், கடுகு எண்ணை திருமணம் செய்து கொள்ள போகும் மணமக்களுக்கு தடவும் ஒரு சாந்து தயாரிக்க பயன்படுத்தப்படும் முக்கிய பொருட்களில் ஒன்றாகும்.
  1. கடுகு எண்ணெய்யின் ஊட்டச்சத்து பற்றிய தகவல்கள் - Mustard oil nutrition facts in Tamil
  2. கடுகு எண்ணெயின் சுகாதார நலன்கள் - Mustard oil health benefits in Tamil
  3. கடுகு எண்ணெயின் பக்க விளைவுகள் - Mustard oil side effects in Tamil
  4. புரிந்து கொண்டது - Takeaway in Tamil

கடுகு எண்ணெய் 60% மோனோஅன்சாசுரேட்டேட் கொழுப்பு அமிலங்களால் (MUFA) ஆனது. MUFA உடலில் உள்ள நல்ல கொழுப்பின் அளவை (HDL) அதிகரிக்க உதவுகிறது. கடுகு எண்ணெய்  21% பாலிஅன்சாசுரேட்டேட் கொழுப்பு அமிலங்களால் (PUFA) ஆனது.  இது இரத்த அழுத்தம் மற்றும் இதய துடிப்பு விகிதத்தில் ஒரு நேர்மறையான விளைவை ஏற்படுத்தும். இதில் ஒரு சிறிய சதவிகிதம் சாசுரேட்டேட் கொழுப்பு அமிலங்கள் (SFA) கூட உள்ளன. ஆனால் SFA பொதுவாக குறைவான ஆரோக்கியமானதாகக் கருதப்படுவதால், இது உடலில் கெட்ட கொழுப்பின் (LDL) அளவை அதிகரிக்கிறது. 

USDA ஊட்டச்சத்து தரவுத்தளத்தின் படி, 1 தேக்கரண்டி கடுகு எண்ணை பின்வரும் ஊட்டச்சத்துக்களைக் கொண்டுள்ளது:

 

ஊட்டக்கூறு மதிப்பு, 1 டீஸ்பூன்
ஆற்றல் 124 கிராம்
கொழுப்பு 14 கிராம்
கொழுப்புகள் / கொழுப்பு அமிலங்கள் மதிப்பு, 1 டீஸ்பூன்
சாசுரேட்டேட் 1.621 கிராம்
மோனோஅன்சாசுரேட்டேட் 8.286 கிராம்
பாலிஅன்சாசுரேட்டேட் 2.972 கிராம்
Iron Supplement Tablets
₹490  ₹770  36% OFF
BUY NOW
  • தோல் மற்றும் முடிக்கு: கடுகு எண்ணெய் உங்கள் தோல் மற்றும் முடியின் சுகாதாரத்திற்கு பல நன்மைகளை கொண்டுள்ளது மற்றும் பல்வேறு நோய்களைத் தடுக்கிறது. ஒமேகா 3 கொழுப்பு அமிலங்கள் நிறைந்திருக்கும், இது தோல் வெடிப்பைத் தடுக்கிறது. அதன் ஆண்டிமைக்ரோபியல் நடவடிக்கைகள், படர் தாமரை மற்றும் ஈஸ்ட் தொற்று போன்ற பூஞ்சை தோல் நோய்த்தொற்றுகளின் அபாயத்தை குறைக்க உதவும்.
  • எடை இழப்புக்கு: கடுகு எண்ணெயை நமது உணவு முறையில் சேர்த்துக்கொள்வதால், கொழுப்பை சேமித்து வைக்கும் அடிபோஸ் திசுவில் கொழுப்பு குவிப்பு ஏற்படும் அளவு குறைக்கப்பட்டு எடை இழப்பு ஏற்படுகிறது.
  • வாய்வழி ஆரோக்கியத்திற்காக: கடுகு எண்ணெய் ஒரு அழற்சி எதிர்ப்பான் மற்றும் ஒரு ஆண்டிமைக்ரோபியல் ஆகும், இதனால், கீன்வைடிஸ் மற்றும் சைமண்ட்டிடிஸ் போன்ற ஈறு பிரச்சினைகளுக்கு பயனுள்ளதாக இருக்கும்.
  • இதயத்திற்கு: கொழுப்பு அமிலங்கள் ஒரு நல்ல சமநிலை உள்ளது என்பதால் கடுகு எண்ணெய் இதய கோளாறுகளால் பாதிக்கப்பட்ட நபர்கள் உட்கொள்ள பாதுகாப்பாக உள்ளது. இது கொலஸ்டிரால் அளவைக் குறைப்பதிலும் உதவுகிறது.
  • புற்றுநோய்க்கு எதிராக:  சல்ஃபரோபேன் மூலக்கூறுகளின் காரணமாக வழக்கமான சிகிச்சைகளுக்கு கட்டுப்படாத வழக்குகளில் கூட கடுகு எண்ணெய் புற்றுநோய் வளர்ச்சியை தடுக்க உதவுகிறது. இருப்பினும், அதை உறுதிப்படுத்த இன்னும் ஆராய்ச்சிகள் தேவை.
  • மற்ற நன்மைகள்: அழற்சி எதிர்ப்பானாக இருப்பதால், கடுகு எண்ணெய் தசை வலி மற்றும் கீல்வாதத்தை குறைக்க உதவுகிறது. இது சிறுநீர் பாதை நோய்த்தொற்றுகள் மற்றும் டைபாய்டு காய்ச்சல் ஆகியவற்றைத் தடுக்க உதவுகிறது.

கடுகு எண்ணெயின் புற்றுநோய்க்கு எதிரான பண்புகள் - Mustard oil anticancer properties in Tamil

இலவச ராடிகல்கள் என்பவை நமது உடலின் ஆரோக்கியமான செல்களை சேதப்படுத்தும் நிலையற்ற மூலக்கூறுகள் ஆகும். மறுபுறம், இந்த இலவச ராடிகல்களின் காரணமாக ஏற்பட்ட சேதத்தை தடுக்க ஆக்ஸிஜனேற்றிகள் வேலை செய்கின்றன. உணவு விஞ்ஞானம் மற்றும் தொழில்நுட்பம் இதழில் வெளியிடப்பட்ட ஒரு கட்டுரையின் படி, கடுகு எண்ணெய் என்பது ஒமேகா -3 கொழுப்பு அமிலங்களின் நிறைந்த ஆதாரமாக இருக்கிறது, மேலும் இது புற்றுநோய் எதிர்ப்பு தன்மை கொண்டிருப்பதாக அறியப்படுகிறது.

கடுகு எண்ணெயில் உள்ள சல்ஃபரோபேன் மூலக்கூறு, பாரம்பரிய புற்றுநோய் சிகிச்சைகளுக்கு பலனளிக்காத வீரியம் மிக்க புற்றுநோய் செல்களை தாக்கும் திறனைக் கொண்டிருப்பதாக ஆய்வுகள் தெரிவிக்கின்றன..

இருப்பினும், இந்த எண்ணெயின் புற்றுநோய் எதிர்ப்பு பண்புகளை உறுதிப்படுத்த இன்னும் ஆய்வுகள் தேவைப்படுகின்றன.

இதய ஆரோக்கியத்திற்காக கடுகு எண்ணெய் - Mustard oil for heart health in Tamil

எப்போதும் உயர் கொழுப்பு பெரும்பாலும் இதய நோய்களின் அதிக ஆபத்துடன் தொடர்புடையது. இரத்தத்தில் அதிக கொழுப்பு சேரும் போது, அது தமனிகளை அடைத்துக்கொண்டு, இரத்த அழுத்தத்தையும் அதிகரிக்கிறது. ஒரு முக்கிய தமனியில் ஏற்படும் அடைப்பின் வளர்ச்சி இதயத்திற்கு செல்லும் இரத்த ஓட்டத்தை குறைக்கலாம். இதன் விளைவாக பல்வேறு இதய நோய்கள் ஏற்படலாம். ஆராய்ச்சி படி, கடுகு எண்ணெயில் இருக்கும் நிறைவுற்ற கொழுப்பு அமிலங்கள் (SFA) மற்றும் நிறைவுறா கொழுப்பு அமிலங்களின் இடையே ஒரு நல்ல சமநிலை உள்ளது. ஆனால் பிற சமையல் எண்ணெய்களுடன் ஒப்பிடுகையில் இது மிகவும் குறைந்த அளவு SFA உடையது, எனவே இதய நோய்களால் பாதிக்கப்படுபவர்களுக்கு இந்த எண்ணெய் ஆரோக்கியமானதாக இருக்கிறது. இது ஏனெனில் SFA உடலில் கெட்ட கொலஸ்டிரால் (LDL) அளவை அதிகரிக்கிறது என்பதால்தான்.

கூடுதலாக, கடுகு எண்ணெயில் ஒலிக் அமிலம் நிறைந்துள்ளது மற்றும் லினோலெனிக் அமிலம் மற்றும் லினோலிக் அமிலத்திற்கும் இடையே நல்ல சமநிலை உள்ளது, இவை அனைத்தும் இதயத்திற்கு நல்லது. தூய்மைப்படுத்தப்படாத கடுகு எண்ணெய் உயர்ந்த வெப்பநிலையில் சமைக்கபடும்போது கூட நிலையானதாக உள்ளது.  மேலும் வழக்கமாக கடுகு எண்ணெயை சாபிடுவதால் கரோனரி இதய நோய்களில் 71% குறையும் என்று ஒரு ஆய்வில் தெரிவிக்கப்பட்டுள்ளது. .

மற்றொரு ஆராய்ச்சி, அதிக வெப்பநிலைகளில் சமையல் செய்யும் போது கண்டிப்பாக கடுகு எண்ணெய் நிலையாக இருக்கும் என்று தெரிவித்துள்ளது.

(மேலும் வாசிக்க: உயர் கொழுப்பு சிகிச்சை)

நுண்ணுயிரிக்கு (ஆண்டிமைக்ரோபியல்) எதிரான கடுகு எண்ணெய் - Mustard oil as an anti-microbial in Tamil

நுண்ணுயிர்கள் என்பவை வெறும் கண்களால் காண முடியாத சிறிய உயிரினங்களாகும். இந்த நுண்ணுயிரிகளில் சில உடலுக்கு அவசியமானவை. ஆனால் மற்ற நுண்ணுயிர்களால் பல்வேறு நோய்கள் ஏற்படுகின்றன.

ஆராய்ச்சி அத்தியாவசிய எண்ணெய் ஒரு பயனுள்ள ஆண்டிமைக்ரோபியல் முகவராக செயல்பட முடியும் என்று வெளிப்படுத்துகிறது. இது பாக்டீரியாவின் செல் சவ்வை சேதமாக்குவதன் மூலம் செயல்படுகிறது. மேலும்  சிறுநீர் பாதை நோய் தொற்று  ஏற்படுத்தக்கூடிய   எஷ்சரிச்சியா கோலி மற்றும் வயிற்றுப்போக்கு மற்றும் டைபாய்டு ஏற்படுத்தக்கூடிய  சால்மோனெல்லா டைஃபி போன்ற பொதுவான தொற்று பாக்டீரியாவுக்கு எதிராக ஆற்றல் வாய்ந்த ஆண்டிமைக்ரோபியல் நடவடிக்கைகள் கண்டறியப்பட்டுள்ளது.

சருமத்திற்கான கடுகு எண்ணெயின் நன்மைகள் - Mustard oil benefits for skin in Tamil

ஆயுர்வேத கூற்றுப்படி, கடுகு எண்ணெயின் வகைகளினால் தோலிற்கு பல நலன்கள் உள்ளன. அவற்றில் ஒன்று பல்வேறு தோல் நோய்களை குணப்படுத்துவதும், சருமத்தை பாதுகாப்பதும் ஆகும். ஒமேகா -3 கொழுப்பு கடுகு எண்ணெயில் அதிகமாக இருப்பதால், தோலை வெடிக்காமல் பாதுகாக்க உதவுகிறது. குளிர் காலத்தில் தோலுக்கு கடுகு எண்ணெயை பயன்படுத்துவதால் தோல் உலர்ந்துபோவது தடுக்கப்படுகிறது.

 ரஜிகா வகை கடுகில் இருந்து எடுக்கப்படும் கடுகு எண்ணெய் தோல் நோய்களை தடுக்க உதவுவதாக அறியப்படுகிறது. மற்றொரு ஆராய்ச்சி,  அல்லில் ஐசோதியோசயனேட் என்று அழைக்கப்படும் ஒரு கலவை கடுகு எண்ணெயில் இருப்பதால், அத்தியாவசிய கடுகு எண்ணெய் நுண்ணுயிர் எதிர்பு பண்புகள் கொண்டிருப்பதாக சுட்டிக் காட்டியது.  படர்தாமரை மற்றும் ஈஸ்ட் தொற்று போன்ற பூஞ்சை தோல் நோய்களைத் தடுக்க இது உதவும்.

முடிக்காக கடுகு எண்ணெயின் நன்மைகள் - Mustard oil benefits for hair in Tamil

டெர்மடோபைட்கள் என்பது தோல் மற்றும் முடி மீது தொற்று ஏற்படுத்தும் ஒரு வகை பூஞ்சை.  மைக்ரோஸ்போரம் கேனிஸ் மற்றும் ட்ரைகோஃபைடோன் ரப்ரூம் போன்ற டெர்மோபைட்டுகளின் மீது கடுகு எண்ணெய் நச்சுத்தன்மையைக் காட்டியது என்று ஒரு ஆராய்ச்சி சுட்டிக்காட்டுகிறது. ஆயுர்வேதத்தின் படி, ராஜிகா வகை கடுகு எண்ணெய் முடிக்கான ஒரு டானிக்காக பயன்படுத்தலாம்.

 தேங்காய் எண்ணெய் நெல்லிக்காய் எண்ணெய் மற்றும்  கடுகு எண்ணெய் போன்ற பல்வேறு முடி எண்ணெய்களின் செயல்திறனை தீர்மானிக்க ஒரு முன் மருத்துவ ஆய்வு ,முடி வளர்ச்சியை ஊக்குவிப்பதில் கடுகு எண்ணெய் மிகவும் பயனுள்ளதாக இருந்தது என்று காட்டியது. இந்த விளைவு கடுகு எண்ணெயில் கொழுப்பு அமிலங்கள் மற்றும் வைட்டமின் ஈ இருப்பதாலேயே ஏற்பட்டது என்று கூறப்பட்டது.

எடை இழப்புக்கு கடுகு எண்ணெய் - Mustard oil for weight loss in Tamil

உடல் பருமன் (ஒபேசிட்டி) என்பது உடலின் திசுக்களில் கொழுப்பு அதிகப்படியாக சேர்வதன் காரணமாக ஏற்படுகிற ஒரு மருத்துவ நிலை.  உடல் பருமன் கட்டுப்படுத்தப்படவில்லை என்றால், அது இருதய நோய்கள் மற்றும் நீரிழிவு உட்பட பல உடல்நல சிக்கல்களுக்கு வழிவகுக்கும். ஒரு முன் மருத்துவ ஆய்வில், கடுகு எண்ணெய் கொண்ட உயர் கொழுப்பு உணவு முறை பழக்கம் எடை அதிகரிப்பை குறைப்பதாகவும் மற்றும் மற்றும் கொழுப்பு அளவுகளை சமநிலை படுத்த உதவியதாகவும் கண்டறியப்பட்டது.

கடுகு எண்ணெய்யானது பல்நிறைவான கொழுப்பு அமிலத்தினால் (பாலிஅன்சேச்சுரேட்டட்-PUFA) நிறைந்துள்ளது. நிறைவான கொழுப்பு அமிலங்களுடன் (SFA) ஒப்பிடும்போது PUFA  விரைவில் ஆக்ஸிஜனேற்றப்படுவதை ஆராய்ச்சி குறிப்பிடுகிறது. PUFA  நிறைந்த எண்ணெய்கள் கொழுப்பு உடலில் சேர்வதற்கு காரணமான அடிபோஸ் திசுக்களில் சென்று குவியும் கொழுப்பின் அளவை குறைகிறது. எனவே, எடையை குறைக்க விரும்புவோரின் எண்ணெய் தேர்வில் கடுகு எண்ணெயை ஒரு சிறந்த தேர்வாக இருக்கும்.

(மேலும் வாசிக்க: எடை இழப்புக்கான உணவுமுறை விளக்கப்படம்)

கடுகு எண்ணெய் அழற்சி எதிர்ப்பு குணங்களை கொண்டுள்ளது - Mustard oil has anti-inflammatory properties in Tamil

தீங்கு விளைவிக்கும் பொருட்கள் மற்றும் தொற்றுகளுக்கு எதிராக உடல் போராடுகிறது என்பதற்கான அடையாளம் அலற்சி ஆகும். இது பொதுவாக சிவத்தல், வீக்கம், வலி மற்றும் உணர்வின்மை ஆகியவற்றால் வகைப்படுத்தப்படுகிறது. ஒரு அலற்சி நீண்ட காலமாக நீடித்தால், அது ஆஸ்துமா, இதய பிரச்சினைகள் அல்லது புற்றுநோய் போன்ற பல்வேறு பிரச்சனைகளுக்கு வழிவகுக்கலாம். கடுகு எண்ணெய் அழற்சியைத் தடுக்க உதவும் அழற்சி-எதிர்ப்பு சக்திகளைக் கொண்டுள்ளது என்று ஆய்வுகள் தெரிவிக்கின்றன. இதற்கு காரணம் கடுகு எண்ணெயில் முக்கியமாக மக்னீசியம் மற்றும் செலினியம் இருப்பது ஆகும். இது  தசை சுளுக்கு, மற்றும் கீல்வாதம் (மூட்டுகளின் வீக்கம்) போன்றவற்றின் காரணமாக ஏற்படும் வலியை குறைக்க உதவும்  

கூடுதலாக, கடுகு எண்ணெயில் அத்தியாவசிய கொழுப்பு அமிலம் (EFA)-ஆன PUFA அதிக அளவில் உள்ளது.  அலற்சி மற்றும் போரிடும் நோய்களைக் கட்டுப்படுத்துவதன் மூலம் நோயெதிர்ப்பு மண்டலத்தை பாதுகாப்பதில் இது ஒரு முக்கிய பங்கைக் கொண்டுள்ளது.

(மேலும் வாசிக்க: அழற்சி நோய் வகைகள்)

ஈறு பிரச்சினைகளுக்காக கடுகு எண்ணெய் - Mustard oil for gum problems in Tamil

பீரியோடென்டல் நோய்கள் முக்கியமாக பற்களை சுற்றியுள்ள ஈறுகள், தசைநார்கள் மற்றும் இழைகளை பாதிக்கின்றன. பற்குழிகள் மற்றும் பீரியோடென்டிடிஸ்  ஆகியவை பீரியோடென்டல்  நோய்களின் மிகவும் பொதுவான வகைகள். ஒரு ஆய்வு படி, கடுகு எண்ணெய் மற்றும் உப்பு கொண்டு ஈறுகளில் மசாஜ் செய்வது வாய்வழி சுகாதாரத்தை மேம்படுத்த உதவும். இது பற்குழிகள் மற்றும் பிற பல் பிரச்சனைகளையும் தடுக்க உதவலாம். இந்த வீட்டிலேயே செய்யக்கூடிய மருந்திற்கு எந்தவொரு எதிர்மறையான விளைவுகளும் இல்லை.

மற்றொரு ஆய்வு, ஒரு பேஸ்டின்  தயாரிக்கப்பட்டது மஞ்சள், உப்பு, கடுகு எண்ணெய் ஆகியவை கலந்து செய்யப்பட்ட பற்பசையின் மேற்பூச்சை பயன்படுத்துவது பீரியோடென்டல் நோய்களைத் தடுக்க உதவுகின்றன என்று கூறுகிறது.

  • ஒரு ஆய்வு ராஜிகா வகை கடுகு எண்ணையை பயன்படுத்துவது, சிறுநீர் கழிக்க இயலாமை மற்றும் குறைவான சிறுநீர் வெளியேற்றம் போன்றவற்றை ஏற்படுத்தும் என்று காட்டியது. இந்த எண்ணெய் நமது கண்களுக்கு மோசமானதாக இருக்கும். ஆயுர்வேத மருத்துவத்தின் படி, கடுகு எண்ணெய் பித்தத்தை அதிகரிக்கும். மிக அதிகமாக உடலில் பித்தம் இருப்பது உடலில் ஒரு எரியும் உணர்வு, காய்ச்சல் மற்றும் அலற்சி போன்றவை ஏற்பட வழிவகுக்கும்
  • சில மக்களுக்கு கடுகு எண்ணெய் ஒவ்வாமை இருக்கலாம். மசாஜ் செய்ய கடுகு எண்ணெய் பயன்படுத்தி தோல் புண்கள் ஏற்பட்ட ஒரு மனிதனின் வழக்கு இருக்கிறது. எனவே, எண்ணெயை தொடர்ந்து பயன்படுத்துவதற்கு முன்னர் சாத்தியமான ஒவ்வாமை அறிகுறிகளை பரிசோதிக்க தோல் மீது எண்ணையை சோதித்து பார்க்க பரிந்துரைக்கப்படுகிறது
Use Sprowt Vitamin B12 Tablets for problems like iron deficiency, anemia, fatigue -
Vitamin B12 Tablets
₹450  ₹499  9% OFF
BUY NOW

கடுகு எண்ணெய் பல உடல்நல நன்மைகள் கொண்டது, ஏனெனில் இதில் மோனோஅன்சாசுரேட்டேட் கொழுப்பு அமிலங்கள் மற்றும் பல பாலிஅன்சாசுரேட்டேட் கொழுப்பு அமிலங்கள் நிறைந்திருக்கிறது. இதயத்திற்கு இந்த எண்ணெய் ஒரு ஆரோக்கியமான தேர்வு ஆகும். கடுகு எண்ணெய்யின் விஞ்ஞான ரீதியாக ஆய்வு செய்யப்பட்ட சில ஆரோக்கியமான நன்மைகள், அதன் ஆக்ஸிஜனேற்ற பண்புகள் ஆகும், இது புற்றுநோய் வளர்ச்சி மற்றும் அதன் ஆண்டிமைக்ரோபியல் பண்புகள் ஆகியவற்றை தடுக்கிறது. கடுகு அத்தியாவசிய எண்ணெயை முடி மற்றும் தோலில் பயன்படுத்த முடியும் மற்றும் கடுகு எண்ணெய் அழற்சி எதிர்ப்பு பண்புகளை கொண்டிருக்கிறது.


Medicines / Products that contain Mustard oil

மேற்கோள்கள்

  1. United States Department of Agriculture Agricultural Research Service. Basic Report: 04583, Oil, mustard. National Nutrient Database for Standard Reference Legacy Release [Internet]
  2. Chugh B, Dhawan K. Storage studies on mustard oil blends. J Food Sci Technol. 2014 Apr;51(4):762-7. PMID: 24741172
  3. Herr I, Lozanovski V, Houben P, Schemmer P, Büchler MW. Sulforaphane and related mustard oils in focus of cancer prevention and therapy. Wien Med Wochenschr. 2013 Feb;163(3-4):80-8. PMID: 23224634
  4. S.C. Manchanda. Selecting healthy edible oil in the Indian context. Indian Heart J. 2016 Jul-Aug; 68(4): 447–449. PMID: 27543465
  5. Suhr KI, Nielsen PV. Antifungal activity of essential oils evaluated by two different application techniques against rye bread spoilage fungi. J Appl Microbiol. 2003;94(4):665-74. PMID: 12631202
  6. Monika Nagpal, Shaveta Sood. Role of curcumin in systemic and oral health: An overview. J Nat Sci Biol Med. 2013 Jan-Jun; 4(1): 3–7. PMID: 23633828
  7. Zawar V. Pityriasis rosea-like eruptions due to mustard oil application. Indian J Dermatol Venereol Leprol. 2005 Jul-Aug;71(4):282-4. PMID: 16394442
Read on app