முருங்கையின் நன்மைகள், பயன்கள் மற்றும் பக்க விளைவுகள் - Moringa Benefits, Uses and Side Effects in Tamil

அலற்சி என்பது உடலில் காயமடைந்த பகுதியின் வீக்கம் மற்றும் சிவத்தல் ஆகியவற்றை குறிக்கிறது. மருத்துவர்களின் படி, உண்மையில் இது நமது நோயெதிர்ப்பு அமைப்பு தீவிரமாக ஒரு தொற்றுக்கு எதிராக போராடும் ஒரு அறிகுறியாகும். மூச்சுக்குழாய் அழற்சி (சுவாச மண்டலத்தில் அழற்சி) மற்றும் டெர்மாடிடிஸ் (தோல் அழற்சி) போன்ற நோய்கள் பொதுவாக அழற்சியுடன் தொடர்புடையவை.

முருங்கை இலைகள் ஒரு சிறந்த அழற்சி எதிர்ப்பு முகவர் என்று பல ஆய்வுகள் தெரிவிக்கின்றன. ஒரு விவோ ஆய்வு முருங்கை  இலைகளின் எலில் அசிடேட் சாற்றில் சிகரெட் புகைக்கு எதிரான அழற்சி எதிர்ப்பு விளைவுகள் இருப்பதாக ஆய்வு கூறுகிறது. முருங்கை இலைகளில் நோயெதிர்ப்பு மண்டல சைட்டோகீன்களின் மீது நேரடி தடுப்பு விளைவைக் கொண்டிருப்பதாக பரிந்துரைக்கிறது. இது உடலில் உள்ள முக்கிய அழற்சி மூலக்கூறுகள் ஆகும். மற்றொரு ஆய்வில் முருங்கை இலைகளின் ஐசோதியோசைனேட் பிரிவு அதன் அழற்சியை அழிக்கும் விளைவுகளுக்கு காரணம் என்று கூறுகிறது. ஆயினும்கூட, இந்த ஆய்வுகளில் பெரும்பாலானவை ஆய்வுக்கூடங்களில் செய்யப்பட்டவை அல்லது விலங்கு அடிப்படையிலான மாதிரிகள். மனிதர்களில் முருங்கையின் அழற்சி எதிர்ப்பு விளைவுகள் பற்றி அதிகம் தெரியவில்லை.

(மேலும் வாசிக்க: மூச்சுக்குழாய் அழற்சியின் அறிகுறிகள்)

முருங்கை தாவரம் அத்தியாவசிய ஊட்டச்சத்து, வைட்டமின்கள், மற்றும் தாதுக்கள் ஆகியவற்றின் ஒரு வளமான ஆதாரமாக உள்ளது. முருங்கையின் இந்த ஊட்டச்சத்து பண்பு முடிக்கு ஒரு சிறந்த டானிக்-காக இதை மாற்றுகிறது. முடிக்கான முருங்கை முகமூடிகள் நீண்ட மற்றும் ஆரோக்கியமான முடியை பெற பரவலாக பயன்படுத்தப்படுகின்றன.

கூடுதலாக, முருங்கை , ஆக்ஸிஜனேற்ற பொருட்களின் ஒரு வளமான ஆதாரமாக அறியப்படுகிறது, இது முடி உதிர்வு மற்றும் முடிகள் முன்கூட்டியே நரைப்பதை குறைப்பதில் பெரும் பயன்படுகிறது. முருங்கை எண்ணெய் ஒரு ஈரப்பதம் அளிப்பான். இதனால் வறண்ட மற்றும்   உச்சந்தலை அரிப்பு பிரச்சனைக்கு ஒரு சரியான தீர்வாக முருங்கை எண்ணெய் அமையும். எனவே, முருங்கை உங்கள் முடிகளுக்கு ஒரு ஊட்டச்சத்து மற்றும் ஒரு ஆசீர்வாதம்.

முருங்கை பாலுணர்வு தூண்டி என பாரம்பரிய மருத்துவம் அமைப்பு நம்புகிறது. ஆண்களில் டெஸ்டோஸ்டிரோன் அளவுகளில் முருங்கை ஒரு தூண்டல் விளைவைக் கொண்டிருப்பதாக விலங்கு சார்ந்த ஆய்வுகள் தெரிவிக்கின்றன.

மேலும், முருங்கை இலைகளின் நுகர்வு பாலியல் தூண்டுதலை மேம்படுத்த முடியும் என்று கூறப்படுகிறது. ஆனால் மனித குலத்தின் மீது இதே போன்ற விளைவுகளை உறுதிப்படுத்த இதுவரை மனித ஆய்வுகள் மேற்கொள்ளப்படவில்லை. எனவே, உங்கள் ஆயுர்வேத டாக்டரை முருங்கையின் பாலுணர்வு பண்புகளைப் பற்றி மேலும் அறிய பேசுவது சிறந்தது.

ஆயுர்வேத மருத்துவர்களின் படி, முருங்கை ஒரு சிறந்த கலக்டாக்கோக் (தாய் பால் அதிகம் சுரக்க உதவும்). குழந்தைகளுக்கான பிலிப்பைன் ஜர்னல் பத்திரிகையில் வெளியிடப்பட்ட ஒரு ஆய்வுக் கட்டுரை, தாய்ப்பாலூட்டும் தாய்களில் பால் உற்பத்தியை மேம்படுத்துவதில் முருங்கையின் செயல்திறனை சோதிக்க இதுவரை குறைந்தது 5 மருத்துவ பரிசோதனைகள் செய்யப்பட்டுள்ளன என தெரிவிக்கபட்டிருந்தது.

அந்த அனைத்து மருத்துவ ஆய்வுகளிலும் பாலூட்டும் தாய்மார்களில் பால் சுரப்பு மற்றும் பால் ஓட்டத்தின் அளவு குறிப்பிடத்தக்க விகிதத்தில் அதிகரித்திருந்தது காட்டப்பட்டிருந்தது. இருப்பினும், செயல்முறையின் மெகானிசம் இன்னும் தெளிவாக இல்லை, அதனால் மேலும் ஆராய்ச்சிகள் தேவைப்படுகிறது. உங்களுக்கும் உங்கள் பிறந்தவருக்கும் முருங்கையின் சாத்தியமான விளைவுகளை அறிந்து கொள்ள உங்கள் மருத்துவருடன் பேச பாலூட்டும் தாய்மார்கள் பரிந்துரைக்கப்படுகிறார்கள்.

முருங்கை தாவரத்தின் புற்றுநோய் எதிர்ப்பு சாத்திய கூறு  மார்பக புற்றுநோய், பெருங்குடல் புற்றுநோய், நுரையீரல் புற்றுநோய், தோல் புற்றுநோய் மற்றும் கல்லீரல் புற்றுநோய் போன்ற பல்வேறு வகையான புற்றுநோய்களின் சிகிச்சைக்காக ஆய்வு செய்யப்பட்டுள்ளது. வாய்வழி மருந்தாக கொடுக்கப்பட்ட போது, முருங்கை இலைகள், தண்டு, வேர் மற்றும் பட்டை சாறுகள் சிறந்த புற்றுநோய் எதிர்ப்பு முகவர்கள் என்று ஆய்வக ஆய்வுகள் தெரிவிக்கின்றன.

மேலும் முருங்கை சாறு புற்றுநோய்களின் அபோப்டோசிஸ்-சை (செல் மரணம்) தொடங்குவதாகவும், இதன்மூலம் உடலில் புற்றுநோய் செல்கள் பரவுதலை குறைப்பதாகவும் கூறுகிறது. முருங்கை தாவர வேரின் சாறு இலைகளின் சாறை விட புற்றுநோய் உயிரணுக்களை கொல்வதில் மிகவும் திறமையானதாக இருப்பதாக மேற்கொண்டு செய்யப்பட்ட ஒரு ஆய்வு தெரிவிக்கிறது.

ஆசிய பசிபிக் ஜர்னல் ஆஃப் கேன்சர் ப்ரீவெஷன்-ல் வெளியிடப்பட்ட ஒரு ஆய்வுக் கட்டுரையின் படி, முருங்கை தாவரத்தில் க்ளுகோமோரிங்கின் என்ற மூலக்கூறு அதிக அளவு காணப்படுகிறது. இதுவே மனித புற்றுநோய்களில் அப்போப்டொசிஸைத் தடுக்க முதன்மையாக பொறுப்பு ஏற்கிறது. எனினும், முருங்கை தாவரத்தின் மனிதர்களின் மீதான புற்றுநோய் எதிர்ப்பு சாத்தியத்தை உறுதி செய்ய இன்னும் அதிக ஆய்வுகள் தேவை.

(மேலும் வாசிக்க: புற்றுநோய் அறிகுறிகள்)

அல்சைமர் நோய் ஒரு நரம்பியல் (மூளை செயல்பாட்டை தடை செய்கிற) நோயாகும். சாதாரண மூளை செயல்பாடுகளில் சரிவு உடன் சேர்த்து ஞாபக மறதி மற்றும் அறிவாற்றல் குறைவு போன்றவை இதன் அறிகுறிகள் ஆகும். அமெரிக்காவின் அல்சைமர் சங்கத்தின் படி, சுமார் 80%  டிமென்ஷியா வழக்குகள் அல்ஜீமர்ஸுடன் தொடர்புடையதாக இருக்கலாம். சிகிச்சையின் தற்போதைய கால சிகிச்சையில் விலையுயர்ந்த மருந்துகள் மற்றும் மீண்டும் மீண்டும் சாபிட வேண்டிய மருந்துகள் ஆகியவை அடங்கும்.

விவோ ஆய்வுகள் முருங்கை இலைகளின் அக்குவஸ் சாறு வலுவான ஆக்ஸிஜனேற்ற பண்புகள் உள்ளது. மேலும் அல்சைமரின் முன்னேற்றத்தை குறைக்க உதவும் வலுவான ஆக்ஸிஜனேற்ற சாத்தியமும் கொண்டு இருப்பதாக ஆய்வுகள் குறிப்பிடுகின்றன. மேலும், முருங்கையில் உள்ள வைட்டமின் மற்றும் ஃபிளாவோனாய்டுகள் அதன் ஆக்ஸிஜனேற்ற நடவடிக்கைக்கு காரணமாக இருக்கலாம் என்று ஆராய்ச்சி கூறுகிறது. மனித ஆய்வுகள் இல்லாதிருந்தால், அல்சைமர்ஸில் இந்த தாவரத்தின் சிகிச்சை திறன் பற்றி மேலும் அறிய உங்கள் ஆயுர்வேத டாக்டரைக் கலந்து ஆலோசிப்பது சிறந்தது.

(மேலும் வாசிக்க: அல்சைமர் நோய் ஏற்படுவதற்கான காரணகள்)

பாரம்பரிய மருத்துவ முறையிலும் முருங்கை இரத்த சோகைக்கு ஒரு தீர்வாக பயன்படுத்தப்படுகிறது. சமீபத்திய ஆய்வுகள் முருங்கை இரும்பு சத்துக்கு ஒரு சிறந்த ஆதாரம் என்று கூறுகின்றன. கூடுதலாக, முருங்கை இலைகள் ஒரு இரத்த சோகை எதிர்ப்பு முகவர் என்று கூறப்படுகிறது.

அதன் செயல்திறன் வணிக ரீதியாக அங்கீகரிக்கப்பட்ட மருந்து ஃபெர்ரிக் சிட்ரேட்-டை விட அதிகமாக இருப்பதாக நம்பப்படுகிறது. இருப்பினும், மருத்துவ சோதனைகள் இல்லாத இந்த நிலையில், முருங்கையின் இரத்த-எதிர்ப்பு விளைவுகளை பற்றி உங்கள் மருத்துவரிடம் கேட்பது சிறந்தது.

(மேலும் வாசிக்க: இரத்த சோகை சிகிச்சை)

ஆக்ஸிஜனேற்றிகள் உடலில் இலவச ராடிகல்களை சுரண்டுவதற்கு பொறுப்புள்ள உயிர் வளியேற்ற சேர்மங்கள் ஆகும். இதனால், உடலின் ஆக்ஸிஜனேற்ற அழுத்தத்தை குறைக்க உதவுகின்றன. மேலும் கீல்வாதம், அதிரோஸ்கிளிரோஸ் (தமனிகளில் தகடு உருவாக்கம்), ஆஸ்துமா, புற்றுநோய் முதலிய சில நாள்பட்ட சிதைவு நோய்களின் அபாயத்தை குறைக்கின்றன விற்றோ  மற்றும் விவோ சோதனை முறையில் முருங்கை தாவரங்களில் உள்ள சில கலவைகள் அதை திறமையான ஆக்ஸிஜனேற்றியாக மாற்றுவதாக ஆய்வுகள் குறிப்பிடுகின்றன.

இந்தியாவில் செய்யப்பட்ட ஒரு ஆய்வு, முருங்கை தாவர இலைகள், பட்டை, வேர்கள், மற்றும் பூக்களில் சிறந்த சிகிச்சை மற்றும் ஆக்ஸிஜனேற்ற சாத்திய கூறுகள் உள்ளன என்று கூறுகிறது. மேலும், முருங்கை தாவரத்தில் குறைந்தது 30 வேறுபட்ட ஆக்ஸிஜனேற்றிகள் இருப்பதாகக் கூறப்படுகிறது. மற்றொரு ஆய்வில், முருங்கை இலைகளில் உள்ள ஃபிளாவொனாய்டு அதன் ஆக்ஸிஜனேற்ற நடவடிக்கைக்கு பொறுப்பு என்று கூறப்படுகிறது.

முருங்கை  இலைகள் தாவர இராஜ்ஜியத்தில் மிகவும் சத்தான உணவுகளில் ஒன்றாக அறியப்படுகின்றன. இது அத்தியாவசிய தாதுக்கள் மற்றும் ஊட்டச்சத்துக்கள் மட்டுமல்ல, வைட்டமின்கள் கூட நிறைந்த ஒரு மூலமாகும். நாம் அனைவரும் அறிந்திருப்பதை போல உடல் நலத்திற்கும் நம் கண்களின் நலனுக்கும் வைட்டமின் ஏ மிகவும் முக்கியம். சில தீவிர நிகழ்வுகளில் இந்த குறிப்பிட்ட வைட்டமின் குறைபாடு  இரவு குருட்டுத்தன்மை, கண்புரை, மற்றும் பார்வை இழப்பு போன்ற நிலைமைகளுக்கு வழிவகுக்கிறது.

முருங்கை இலை மற்றும் விதைகள் வைட்டமின் ஏ-வுக்கு ஒரு வளமான ஆதாரம் என்று ஆய்வுகள் தெரிவிக்கின்றன. மேலும் இந்த தாவரத்தின் நுகர்வு நமது தினசரி உணவு தேவைகளில்  வைட்டமின் ஏ மற்றும் வைட்டமின் சி யின் ஒரு பெரிய பகுதியை வழங்குகிறது என்று மேலும் கூறப்பட்டது. 

ஒரு ஆய்வுக்கூட சோதனை முறையில் முருங்கை இலைகளின் எதனால் சாறு கண்புரை அறிகுறிகளை  திறம்பட குறைக்கலாம் என்று கூறுகிறது. ஆனால், மனிதர்களில் உள்ள முருங்கை இலைகளின் கண்புரைக்கு எதிரான நன்மைகளை உறுதிப்படுத்துவதற்கான தெளிவான ஆராய்ச்சிகள் எதுவும் இல்லை. எனவே, உங்கள் கண்களுக்கு முருங்கை தாவரத்தின் நன்மைகளைப் புரிந்து கொள்ள உங்கள் மருத்துவரிடம் பேசுவது சிறந்தது.

பல விவோ ஆய்வுகள் முருங்கையின் ஹெபடோ பாதுகாப்பு (கல்லீரல் பாதுகாக்கும்) செயல்பாட்டை சோதிக்க செய்யப்பட்டுள்ளன. அனைத்து ஆய்வக ஆய்வுகளும் முருங்கை  சாப்பிடுவதால் திறம்பட கல்லீரல் சேதம் தடுக்கப்படுகிறது என்று தெரிவிக்கின்றன. கல்லீரலில் கொழுப்புக்கள் மற்றும் அழற்சியைக் குறைப்பதற்கான மரபணு வெளிப்பாடுகளுடன் முருங்கை இலைகள் தலையிடுகின்றன என்று ஒரு ஆய்வு கூறுகிறது.

(மேலும் வாசிக்க: ஹெபடைடிஸ் அறிகுறிகள்)

மேலும் விலங்கு அடிப்படையிலான ஆய்வறிக்கை, முருங்கை இலை மக்களுக்கு எதிரான கல்லீரல் சேதங்களின் அறிகுறிகளைத் தணிக்க வலிமை வாய்ந்த அழற்சி மற்றும் ஆக்ஸிஜனேற்ற விளைவுகளை வெளிப்படுத்துகிறது என குறிப்பிடுகின்றன. மனித ஆய்வுகள் இல்லாதிருப்பதால், சுகாதார மருத்துவத்திற்காக முருங்கையை எடுத்துக்கொள்வதற்கு முன்பு உங்கள் மருத்துவரை ஆலோசிப்பது சிறந்தது.

உடலில் உள்ள இரத்த அழுத்தத்தை பராமரிப்பதில் முருங்கை இன் செயல்திறனை சோதிக்க பல ஆய்வுகள் செய்யப்பட்டுள்ளன. குறைந்தது இரண்டு விவோ ஆய்வுகள் முருங்கை விதைகள் உயர் இரத்த அழுத்தம் குறைக்க பயனுள்ளதாக இருக்கும் என்று கூறுகின்றன.

ஒரு சமீபத்திய மருத்துவ ஆய்வில், உயர் இரத்த அழுத்தத்தால் பாதிக்கப்பட்ட 20 ஆண்களுக்கு ஒரு முப்பத்து நாள் காலத்திற்கு ஒரு நாளைக்கு இரண்டு முறை முருங்கை இலை சாறு வழங்கப்பட்டது. முடிவு செய்யப்பட்ட நேரத்தின் முடிவில், அனைத்து ஆரய்ச்சிக்கு உட்படுத்தப்பட்ட ஆண்களின் டிஸ்ட்ராலிக் மற்றும் சிஸ்டாலிக் இரத்த அழுத்த அளவுகள் ஆகியவற்றில் குறிப்பிடத்தக்க அளவு குறைப்பு இருப்பதைக் கண்டறிந்தது. மேலும் முருங்கை இலைகளில் இருக்கும் ஃபிளாவனாய்டுகள் முதன்மை இரத்த அழுத்தம் முகவராக (இரத்த அழுத்தத்தை குறைக்கிறது) இருக்கலாம் என்று மேலும் கூறப்பட்டது. இருப்பினும், பெண்கள் மீதான முருங்கை இலைகளின் விளைவுகளை சோதிக்க இன்னும் ஆய்வுகள் நடத்தப்படுகின்றன.

(மேலும் வாசிக்க: உயர் இரத்த அழுத்தத்தின் அறிகுறிகள்)

விவோ (விலங்கு மாதிரைகள் அடிப்படையிலான) ஆய்வுகள் (இரத்த சர்க்கரை அளவை குறைக்கிறது) முருங்கை இலை சாறின் இரத்தச் சர்க்கரைக் குறைப்பான் விளைவுகளை சுட்டிக்காட்டுகின்றன. 

உணவு அறிவியல் மற்றும் ஊட்டச்சத்து சம்பந்தமான சர்வதேச பத்திரிகையில் ஒன்றில் வெளியிடப்பட்ட ஒரு கட்டுரையின் படி, உடலில் உள்ள இன்சுலின் உணர்திறன் மீது முருங்கை எந்த விதமான நேரடி விளைவையும் கொண்டிருக்கவில்லை. இருப்பினும், சமீபகால மருத்துவ ஆய்வுகளில், முருங்கை மற்றும் வேப்பஞ் சாறு ஆகியவற்றின் கலவையானது, இந்த மூலிகைகள் தனித்தனியே பயன்படுத்தப்படுத்தும்போது கிடைத்த முடிவுகளை விட  இரத்த சர்க்கரை அளவைக் குறைப்பதில் அதிக வலிமையுள்ளதாக கண்டறியப்பட்டுள்ளது.

மற்றொரு மனித அடிப்படையிலான ஆராய்ச்சி, முருங்கை இலை நீரிழிவுடன் வாழும் மக்களின் இரத்த சர்க்கரை அளவை கணிசமாக குறைக்க இல்லை என்று கண்டறியப்பட்டது. எனவே, நீரிழிவுக்கான எந்தவொரு வடிவத்திலும் முருங்கையை எடுத்துக்கொள்வதற்கு முன்பு உங்கள் ஆயுர்வேத மருத்துவரிடம் கேட்கலாம். 

(மேலும் வாசிக்க: நீரிழிவு அறிகுறிகள்)

விவோ (ஆய்வக அடிப்படையிலான) ஆய்வுகள் முருங்கை இலைகளில் உள்ள ஃபீனோலிக்ஸ் மற்றும் டன்னின்ஸ் அதற்கு ஹைப்போ லிப்பிடிமிக் (கொழுப்பு குறைக்கிறது) பண்புகளை அளிக்கிறது என்று பரிந்துரைக்கின்றன. 

முருங்கை இலைகளின் செயலில் உள்ள கூறுகள் ஒரு கணைய நொதிகளின் மீது ஒரு தடுப்பு விளைவைக் கொண்டிருக்கின்றன. இதனால் உடலின் கொழுப்பு உறிஞ்சப்படும் அளவு குறைக்கப்படுகிறது மற்றும் எக்ஸ்க்ரீடாவுடன் செர்த்து அதிகப்படியான கொழுப்பு வெளியேற்றப்படுவத்ற்கு வழிவகுக்கிறது என்று அதே ஆய்வில் தெரிவிக்கப்பட்டது. ஒரு விவோ ஆய்வில், அது முருங்கை இலைகளின் புடானொல் மூலக்கூறு உடலில் இரத்த கொழுப்பு அளவுகளை குறைக்க பயனுள்ளதாக இருக்கும் என்று பரிந்துரைக்கப்பட்டது.

இருப்பினும், மருத்துவ சான்றுகள் இல்லாத காரணத்தால், மனிதர்களிடையே முருங்கையின் ஹைபோலிபிடிமிக் செயற்பாடு பற்றி அதிகம் பேச முடியாது.

(மேலும் வாசிக்க: உயர் கொழுப்பு சிகிச்சை)

ஒரு இளம் மற்றும் பிரகாசமான தோலை விரும்பாதவர் யார்? பல பிராண்டுகள் அவர்களின் அழகு மற்றும் அழகு தயாரிப்பு வரிசையில் செழித்து விளங்குகின்றன. துரதிருஷ்டவசமாக, இந்த தயாரிப்புகளில் பெரும்பாலானவை இரசாயன அடிப்படையிலான கூறுகளால் உருவாக்கப்படுகின்றன, அவற்றினால் பல பக்க விளைவுகள் ஏற்படுகின்றன. விழிப்புணர்வின் வளர்ச்சியுடன், தாவர அடிப்படையிலான அல்லது இயற்கைப் பொருட்களினால் ஆன இயற்கை பொருட்களின் தேவை அதிகரித்து வருகிறது.

இதற்கினங்க முருங்கை அதன் தோலிற்கு ஊட்டமளிக்கும் மற்றும் வயது எதிர்ப்பு நன்மைகளுக்காக பரவலாக ஆய்வு செய்யப்பட்டு  மற்றும் பயன்படுத்தப்படுகிறது. அதன் முன்னோடிகளின் நன்மைகள் அனைத்தையும் குறிப்பிடுவதற்கு முன்பு, இந்த வகையான இயற்கைப் பொருட்கள் உடல் அல்லது தோலிற்கு பல நீண்ட கால பக்க விளைவுகள் எதுவும் ஏற்படுட்த்துவது இல்லை.

சமீபத்திய ஆய்வுகள் முருங்கை  இலை சாற்றில் ஒரு புதிய பிரகாசம் கொடுக்கும் தன்மையோடு சேர்த்து தோலுக்கு ஏற்படும் UV சேதத்தை குறைக்க முடியும் ஆற்றலும் உள்ளது என்று கூறுகின்றன. மேலும் ஆய்வுகள் முருங்கை தோலுக்கான ஒரு சிறந்த மாய்ஸ்சரைசர் மற்றும் சுத்தப்படுத்தியாகாக செயல்படும் ஒலிக் அமிலம் நிறைந்து காணப்படுகிறது என்று குறிப்பு வழங்குகின்றன. முருங்கை எண்ணெய்யின் மாய்ஸ்சரைசர் பண்புகளால் அது பல்வேறு லோஷன் மற்றும் ஒப்பனை பொருட்கள் செய்ய பயன்படுத்தப்படுகிறது.

கூடுதலாக, முருங்கையில் இருக்கும் ஃபிளாவனாய்டுகள் மற்றும் பீனாலிக்ஸ் ஆகியவை வலிமை வாய்ந்த வயது எதிர்ப்பு  திறனைக் கொண்டிருக்கின்றன எனக் கூறப்படுகிறது. இது ஒரு இயற்கை கலவை. இது தோல் இளமையாக தோற்றமளிக்கவும், ஆனால் அதே நேரம் ஆரோக்கியமாக வயதை கடக்கவும் உங்களுக்கு உதவுகிறது, முருங்கையின் அனைத்து மேலே குறிப்பிடப்பட்ட பண்புகளும், சரியான பிரகாசமான தோற்றத்தை பெற நினைக்கும் எல்லோரின் சிறந்த ஒரு தேர்வாக இதை மாற்றுகிறது. 

ஆராய்ச்சியின் படி, முருங்கை மிக உயர்ந்த ஊட்டச்சத்துக்கள் கொண்ட தாவர ஆதாரங்களில் ஒன்றாகும். முருங்கை  மரப்பட்டை கொழுப்பு அமிலங்களின் நிறைந்த ஆதாரமாகவும் மற்றும் அதன் பழம் கார்போஹைட்ரேட் நிறைந்ததாகவும் உள்ளது என்று ஆய்வுகள் தெரிவிக்கின்றன. முருங்கை தாவரத்தின் கிட்டத்தட்ட அனைத்து பகுதிகளும் நார்ச்சத்து நிறைந்ததாக கண்டறியப்பட்டுள்ளது. ஜிங்க், இரும்பு, கால்சியம், சோடியம், மெக்னீசியம் மற்றும் பொட்டாசியம் போன்ற கனிமங்கள் முருங்கையில்  அதிக அளவு நிறைந்ததாகவும் அறிவிக்கப்பட்டுள்ளது. உண்மையில், இது இந்தியாவிலும் ஆப்பிரிக்காவிலும் பல்வேறு ஊட்டச்சத்து திட்டங்களில் சுகாதாரப் பயன்பாட்டிற்காக முருங்கை  பரவலாக பயன்படுத்தப்படுகிறது. எனினும், சில ஆய்வக ஆய்வுகள் முருங்கை இலையில் சில செரிமானமடையாத ஊட்டச்சத்துக்கள் உள்ளது என்பதை குறிக்கிறது. ஒரு சுகாதார துணையாக முருங்கை உங்களுக்கு சரியானதா என்று அறிய நீங்கள் ஆர்வமாக இருந்தால், அதற்கு ஒரு உணவு முறை நிபுணர் அல்லது ஒரு சுகாதார நிபுணரிடம் பேசுவது சிறந்த ஒன்று.

ஆயுர்வேத மற்றும் மரபு சார்ந்த மருத்துவத்தின் அமைப்பில் முருங்கை அறியப்பட்ட ஒரு எடை இழப்பு முகவர் ஆகும். விலங்கு சார்ந்த ஆய்வுகள் முருங்கை ஐஸோதியோசயனைட்களின் வெளியீடு உடல் பருமன் எதிர்ப்பு பண்புகளை குறிக்கிறது என்று கூறுகின்றன. இரண்டு வெவ்வேறு மருத்துவ பரிசோதனைகள் மூலம், முருங்கையின் பாலிஹெர்பல் சூத்திரங்கள் (ஒன்றுக்கு மேற்பட்ட மூலிகைகளைக் கொண்டது) எந்த தீவிர பக்க விளைவுகளையும் ஏற்படுத்தாமல் மொத்த உடல் எடை மற்றும் பி.எம்.ஐ (பொதுவான வளர்சிதை மாற்ற குறியீடு) போன்றவற்றைக் குறைக்க பயனுள்ளதாக இருக்கும் என்று அறியப்பட்டது.

எவ்வாறாயினும், எடை இழப்பு நன்மைகளுக்காக முருங்கை செயல்படும் முறை மற்றும் சரியான அளவைத் தெரிந்துகொள்ள இன்னும் ஆய்வுகள் மேற்கொள்ளப்பட வேண்டும். ஒரு எடை இழப்பு நிரலாக மோரிங்காவைப் பயன்படுத்துவதற்கு முன்பாக நீங்கள் ஆயுர்வேத டாக்டரிடம் பேசுவது பரிந்துரைக்கப்படுகிறது.

(மேலும் வாசிக்க: உடல் பருமன் ஏற்படுவதற்கான காரணங்கள்)