புரதங்கள் நமது உடலின் அடிப்படையாக இருப்பது மட்டும் அல்லாமல்  ஒவ்வொரு உயிரணுவுக்கும் தேவைப்படுகிறது. புரதம் ஒரு பேரளவு ஊட்டச்சத்தாக விளங்குவது மட்டும் அல்லாமல் நமது அன்றாட வேலைகளை தொடர்ந்து செய்ய நமது உணவில் பெரும் பகுதியாக விளங்குகிறது. ஒரு சீரான உணவில், மொத்த கலோரிகளில் புரதம் 15-35%ஆக இருக்க வேண்டும்.

புரதங்கள் அடிப்படையில் பார்த்தால் அமினோ அமிலங்களால் அமையபட்டு உயிரணுக்களுக்கு வலிமையை தருகிறது. புரதத்தின் ஒவ்வொரு கிராமும் 4 கலோரி கொண்டு உள்ளது. புரதங்கள் குறிப்பாக இரு வகை அமினோ அமிலங்களை கொண்டு உள்ளது, அதாவது, அத்தியாவசிய (இவை உடலால் தொகுக்க முடியாது மற்றும் இவற்றை உணவு ஆதாரங்களுடன் உட் கொள்ள வேண்டும்) மற்றும் அத்தியாவசியம் இல்லாத அமினோ அமிலங்கள் (இவற்றை உணவில் இருந்து உடலால் தொகுக்க முடியும்) . 20 அமினோ அமிலங்களில், 9 அத்தியாவசியமாக கருதப்படுகிறது மற்றும் இவற்றை உணவுடன் உட் கொள்ள வேண்டும்.

புரதம் அனைவருக்கும் தேவைப்பட்டாலும், அவை வளரும் பருவங்களான பதின்ம மற்றும் குழந்தை பருவத்தில், முறையான வளர்ச்சிக்காக அதிகமாக தேவைப்படுகிறது. இது இல்லாமல், புரதம் புது உயிரணுக்கள் உருவாக மற்றும் பழுது நீக்க தேவைப்படுகிறது. உங்களது தோல், முடி, எலும்பு, நகங்கள், உடல் உயிரணுக்கள், தசைகள், உறுப்புக்களின் உயரிய ஆரோக்கியத்துக்கு அத்தியாயவசியமாக இருபப்து மட்டும் அல்லாமல் இது உடல் திரவங்களின் அங்கமாகவும் விளங்குகிறது.

புரதங்களின் செயல்பாடுகள், அதன் உணவு ஆதாரங்கள், அளவு மற்றும் பக்க விளைவுகளை மேலும் படித்து தெரிந்துக் கொள்ளவும்.

  1. புரதத்தின் ஆதாரங்கள் - Sources of protein in Tamil
  2. புரதத்தின் சுகாதார நலன்கள் - Health benefits of proteins in Tamil
  3. சைவ உணவு உண்பவர்களுக்கு புரத சத்து நிறைந்து செயல்முறை - Protein-rich recipe for vegetarians in Tamil
  4. புரதத்தின் பக்க விளைவுகள் - Side effects of proteins in Tamil
புரதம்: உணவுகள், பயன்கள் மற்றும் பக்க விளைவுகள் டாக்டர்கள்

குறிப்பாக விலங்குகளை ஆதாரமாக கொண்ட உணவு பொருட்களில், புரதங்கள் அதிக அளவில் இருக்கும். கீழே கொடுக்கப்பட்டு உள்ள உணவில் சிலவற்றை உங்கள் டயட்டில் சேர்த்துக் கொள்வதன் மூலம் உங்களால் உங்கள் அன்றாட புரத தேவையை பூர்த்தி செய்து கொள்ள முடியும். இது இல்லாமல், புரத பவுடர்கள், புரத ஷேக்ஸ் மற்றும் புரத சப்ளிமெண்டறி இருந்தாலும் இயற்கை ஆதரங்களில் இருந்து  ஊட்டசத்தை பெறுவதே சிறப்பான விஷயம் ஆகும். இதனால் சப்ளிமெண்டறி மற்றும் செயற்கை பொருட்களின் பக்க விளைவுகளை தவிரக்க முடியும். இதோ சில ஆதாரங்கள்

  • முட்டைகள்
  • பால் மற்றும் பால் பொருட்கள், சீஸ், காட்டேஜ் சீஸ், யோகர்ட், தஹி
  • மெலிந்த இறைச்சி
  • மெலிந்த பன்றி இறைச்சி
  • டர்கி
  • தோல் எடுக்கப்பட்ட சிக்கன்
  • சல்மோன் மற்றும் டுனா போன்ற மீன்கள்
  • ஷெல்ஃபிஷ் (சிப்பி நண்டின நீர்வாழ் உயிரி)
  • பாதாம், ஹேசல்நட்,  வேர்கடலை, கலவை கொட்டைகள், அக்ருத் போன்ற பருப்புகள்
  • சூரியகாந்தி விதைகள்
  • பாதாம் அல்லது சொய் மில்க்
  • டொஃபூ
  • வெண்ணெய் கலந்த வேர்கடலை
  • க்வினோ போன்ற முழு தானியங்கள்
  • பருப்புகள்
  • கிட்னி பீன்ஸ், பிளாக் பீன்ஸ், ராஜ்மா, உடைந்த பட்டாணி, முளைகள்
  • கொண்டைக்கடலை, காராமணி.

ஆக, நீங்கள் சைவ, அசைவ உணவு உட் கொள்பவர் அல்லது வெஜநாக இருந்தாலும் போதுமான அளவு புரதத்தை உணவில் சேர்த்துக் கொள்ளலாம்.

 (மேலும் படிக்க: ஊட்டசத்து மூலங்கள்

myUpchar doctors after many years of research have created myUpchar Ayurveda Urjas Capsule by using 100% original and pure herbs of Ayurveda. This ayurvedic medicine has been recommended by our doctors to lakhs of people for sex problems with good results.
Long Time Capsule
₹719  ₹799  10% OFF
BUY NOW

உடலில் உள்ள  உயிரணுக்களின் வளர்ச்சி மற்றும் பராமரிப்பு மற்றும் தினசரி நடவடிக்கைகளுக்கு தேவையான வலிமையை தருவதற்கும் புரதம் அத்தியாவசியமாக விளங்குகிறது. ஆனால், அவை சில முக்கியமான வேலைகளையும் செய்கின்றன, அவை  இந்த பகுதியில் விவாதிக்கப்படும்:

  • தோலுக்கு: புரதங்கள் தோலின் வலிமை மற்றும் மீள் திறனை தக்க வைத்துக் கொள்ள அத்தியாவசியமாக இருந்து முகசுருக்கங்கள் வருவதை தடுப்பதிலும் பெரும் பங்கு வகிக்கிறது. புரத அமைப்புக் கொண்ட கோலாஜன், புண்கள் குணமாக உதவுகிறது மற்றும் அழுத்த புண்கள், நீரழிவு அல்சர்கள், தீப் புண்கள், சிராய்ப்பு மற்றும் செல்யூலைட் பராமரிப்புக்கும் உதவி செய்கிறது.
  • முடிக்கு: முடியின் அமைப்பினை பராமரிக்க புரதங்கள் முக்கிய அங்கம் வகிக்கிறது. புரத பற்றாக்குறையால் கோலாஜன் அமைப்பில் மாற்றம் ஏற்பட்டு முடி கொட்டும் மற்றும் முடி மெலிந்து விடும்.
  • குழந்தைகளுக்கு: முறையான உடல் வளர்ச்சிக்கு புரதம் உதவி செய்கிறது மற்றும் குழந்தைகள் இடத்தில், குழந்தை பருவ தொற்று நோய், நோய்கள் மற்றும் எலும்புகளின் முறையில்லா வளர்ச்சி போன்ற ஆபத்துக்களில் இருந்து உதவுகிறது.
  • எடை குறைப்புக்கு: புரதங்கள் உடலின் தசைகளின் அளவை மேம்படுத்துவது  மட்டும் அல்லாமல் அதிகமான கொழுப்புக்களை குறைக்கவும் உதவுவதால் எடை குறைப்பையும் தூண்டுகிறது. இதனால் தான் தடகள வீரர்களுக்கும் புரதம் முக்கியமாக விளங்குகிறது.
  • மூளை மற்றும் இதயத்துக்கு: நியூரோடிரன்ஸ்மிட்டர் அமைவதற்கு மற்றும் இதன் மூலம் மூளை உகந்த முறையில் வேலை செய்ய புரதங்கள் முக்கிய பங்கு வகிக்கின்றன. குறிப்பாக பெண்களில், இதய நோய்கள் தொடர்பான ஆபத்தை புரதம் குறைப்பதாகவும் கண்டறியப்பட்டு உள்ளது.

தோலுக்கான புரதம் - Proteins for the skin in Tamil

முக்கிய ஸ்டரக்சுறள் புரதமான கோலாஜன், புறவணு அணி மற்றும் இணைப்பு திசுவில் அமைந்து உள்ளது. நமது உடலில் பெரும் அளவில் இருக்கும் புரதம் கோலாஜன் மற்றும் இது தோலின் முக்கிய பகுதியாக விளங்குகிறது. தோலுக்கு வயதாவதால், குறைவதற்கு வாய்ப்பு உள்ள அதன் மீள் திறன் மற்றும் வலிமையை  கட்டுப்படுத்த உதவுகிறது. இது தோலின் ஈரப் பதத்தை திரும்பிப் பெறவும் உதவுகிறது. இதனால் உலர்ந்த சருமம் கொண்டவர்களுக்கு நேர்மறை விளைவுகளைப் பெற உதவுகிறது.

கோலாஜன் சப்ளிமெண்டறி பெற்ற ஒரு பெண்கள் குழுவின் மீது நடந்த ஆய்வில், பிளசிபோ சிகிச்சையை (சிகிச்சைக்கு பயன் அற்ற ஒரு மந்த பொருள் தரப்படும்) ஒப்பிடும் போது கோலாஜன் சப்ளிமெண்டறி பெற்றவர்களிடம் சரும மீள் திறனில் குறிப்பிடத்தக்க முன்னேற்றம் கண்டறியப்பட்டது. இது சரும ஈர பதத்தையும் திரும்பிப் பெற உதவுகிறது.

இன்னொரு ஆய்வு, கோலாஜன் சப்ளிமெண்டறியின் பக்க விளைவுகளை கண்டறிய நடத்தப்பட்டது, அதில் வாய் வழியாக இந்த ஏஜண்டுகளை உட் கொள்வதன் மூலம் அடித்தோல் அணியின் தொகுப்பில் தாக்கம் ஏற்படுத்துவதால் தோல் சுருக்கங்கள் தெரியாமல் மறைக்கின்றன என்று ஏஜிங்க் ஆஃப் ஸ்கினில் இருந்து குறிப்பாக தெரிய வருகிறது. அதனால், உங்கள் உணவில் புரத சத்தை கூட்டுவதன் மூலம் உங்கள் சருமத்தை பாதுகாக்க முடிகிறது.

 (மேலும் படிக்க:  விட்டமின் சி மூலங்கள்)

இது இல்லாமல், எல்லா நிலைகளிலும் கோலாஜன் முக்கிய பங்கு வகிப்பதாக கண்டறியபட்டு உள்ளது. டைப் 3 கோலாஜன் புண்  குணமாகும் ஆரம்ப காலத்தில் உற்பத்தியாகிறது. அதன் பயன்கள் மேலோட்டமாக உள்ள காயங்கள், அழுத்த புண்கள் (நீண்ட நாட்கள் படுக்கையில் படுத்து இருப்பதால் உண்டாகும் புண்) , நீரழிவு புண்கள் நீரழிவு புண்கள் (நீரழிவு நோயாளிகளின் கால்களில் உண்டாகும் திறந்த புண்கள்) , தீப்புண்கள் , சிராய்ப்பு (சருமம் ஒராய்வதல் உண்டாகும் புண்கள்) போன்றவற்றையும் சமாளிக்க உதவுவதாக கண்டறியப்பட்டு உள்ளது. இவை எல்லாம் கோலாஜனின் குணமாக்கும் பண்பை தளர்வடைய செய்கிறது. அதனால், சரும கிரீம்கள், லோஷன் மற்றும் மருந்துச்சீட்டு இன்றி வாங்கும் பொருட்களில் இது பொதுவான அங்கமாக விளங்குகிறது.

பெண்களிடம் கோலாஜன் செள்யூலைட்டின் தோற்றத்தை குறைத்து மேம்படுத்துவதாகவும் கண்டறியப்பட்டு உள்ளது. நீண்ட காலம் உட் கொண்டால் நேர்மறை விளைவுகள் ஏற்படும் என்று ஆய்வாளர்கள் கூறுகின்றனர். கோலாஜன் புரதம் அமைய மற்றும் பராமரிக்க உங்களின் உணவில் புரதத்தை கூட்டிக் கொள்ளும் படி பரிந்துரைக்கப்பட்டு உள்ளது. மருத்துவ சீட்டு இல்லாத கிரீம்ஸ் மற்றும் பொருட்களும் பயன்படுத்தலாம். ஆனால், உங்களின் மருத்துவரின் பரிந்துரை இன்றி கோலாஜன் சப்ளிமெண்டறியை  எடுத்துக் கொள்ளக் கூடாது என்று பலமாக பரிந்துரைக்கப் படுகிறது.

முடிக்கு புரதத்தின் பயன்கள் - Protein benefits for hair in Tamil

கெராட்டின் என்பது ஒரு இழைம உரு கொண்ட புரதம் மற்றும் முடி, நகங்கள் மற்றும் மற்ற திசுக்களின் முக்கிய அங்கம். நமது முடியில் 99% கெராட்டின் உள்ளது. இதற்கு அபூர்வமான இயந்திர பண்புகள் மற்றும் பாதுகாப்பு வலிமை உள்ளது. புரதங்கள் மற்றும் அமினோ அமிலங்கள் கெராட்டினின் அமைப்பை தக்க வைத்துக் கொள்ள உதவுகிறது. அதனால், அதன் பராமரிப்புக்கு புரதசத்து நிறைந்த உணவை உட் கொள்வது அத்தியாவசியமாகிறது.

புரத சத்து குறைவினால் கெராட்டினின் அமைப்பில் மாற்றங்கள் ஏற்படுவதால் முடியின் அமைப்பில் மாற்றம் ஏற்படுகிறது. இந்த குறைபாட்டுடன் கண்டிப்பாக முடி விழுதல், முடிகொட்டுதல், மற்றும் முடி மென்மையாவது இணைந்திருக்கும். புரதசத்து நிறைந்த குறிப்பாக அத்தியாவசிய அமினோ அமிலங்கள் கொண்ட உணவை குறைவாக உட் கொள்வதால், அதன் பற்றாக்குறை ஏற்படுத்தும்.

அமினோ அமிலங்கள் உங்கள் முடிக்கு சில குறிப்பிட்ட வேலைகளை செய்கின்றன. எல்-மெத்தியோமைன் சல்பரைக் கொண்ட அமினோ அமிலங்கள், மயிர்தண்டில் சல்பர் அளவை கூட்டுவதன் மூலம் அதனை பலப்படுத்த உதவுகிறது. சல்பர் முடி வளர்வதற்க்கு அத்தியாவசியமாக இருப்பதும் உங்களது முடியின் தோற்றத்தை பாதிக்கிறது என்பதும் ஒப்புக் கொள்ளப்பட்டுள்ளது. இதன் குறைபாட்டினால் அந்த நபர்களுக்கு முடி கொட்டுகிறது. உடல் அமினோ அமிலங்களை உறிஞ்சும் தன்மையை கட்டுப்படுத்தும் உணவை உட் கொள்வதால், அதன் குறைபாடு ஏற்பட்டு ஆண்கள் வழுக்கை (ஆண்களுக்கு வரும் மிகவும் பொதுவான வழுக்கை) உருவாவதாக ஆண்கள் மீது நடத்தபப்ட்ட ஒரு ஆய்வில் நிரூபிக்கப்பட்டு உள்ளது.

அமினோ அமிலங்கள் மற்றும் புரதங்களின் குறைபட்டினால் முடி கொட்டுவதால், உங்களது தினசரி உணவில் கூடுதல் புரதங்கள் சேர்த்துக் கொள்ளும் படி பரிந்துரைக்கப்பட்டு உள்ளது. ஆனால், நீங்கள் உணவின் மூலங்கள் மீது எச்சரிக்கையாக இருக்க வேண்டும், ஏன் என்றால் சில உணவுகள் (எல்-லைசின் அதிகமாக இருப்பவை) உங்கள் முடிக்கு தேவையான அமினோ அமிலங்களை உறிஞ்சுவதை குறைக்கிறது. எல்-லைசினின் மூலமான ரெட் மீட், உங்களது பொது நலனையும் பாதிக்கும்.

 (மேலும் படிக்க: பிரஹ்மியின் பயன்கள்)

குழந்தைகளுக்கு புரதங்கள் - Proteins for children in Tamil

புரதங்கள் அடிப்படையாக இருப்பதோடு குழந்தைகளில் மிகவும் அவசியமான ஊட்டச் சத்தாகவும் விளங்குகிறது. அவை குழந்தையின் முறையான வளர்ச்சிக்கு உறுதுணையாக இருப்பதோடு எலும்புகள் மற்றும் தசைகளின் சுகாதாரத்திற்கு அத்தியாவசியமாகவும் விளங்குகிறது. வலுவான அடித்தளத்தை அமைக்க குழந்தைகளுக்கு போதுமான உணவு புரதத்தை பராமரிப்பது இன்றியமையாதது. வாழ்க்கையின் ஆரம்ப காலத்தில் புரத பற்றாக்குறை மிகவும் ஆபத்தாக விளங்குவதோடு ஊட்டசத்து குறைவையும் உருவாக்கலாம். இது அவர்களில் தீவிர ஊட்டச்சத்து குறையை உருவாக்கலாம். இதனால் கியாசோர்கோர் மற்றும் மராஸ்மஸ் போன்ற தீவிர சீர்கேடுகளையும் உருவாக்கலாம். இந்த குழந்தைகள் மிகவும் எடை குறைவாகவும் இருக்கும் மற்றும் திசு அழிவுறலுடன் (உயரத்தை ஒப்பிடும் போது மிகவும் குறைவான எடை) முறை இல்லாத குன்றிய வளர்ச்சியும் இருக்கலாம். மென்மையான எழும்புகள் உடன் அவர்கள் எலும்புகளின் அமைப்பும் பாதிக்கப்படலாம், அதனால் எலும்பு முறிவு மற்றும் இயல்பு அற்ற வளர்ச்சிக்கான ஆபத்து கூடுகிறது

 (மேலும் படிக்க: எலும்புகளுக்கு வைட்டமின் டி)

ஊட்டச் சத்து குறைபாடு மற்றும் வறுமை நம் இந்தியாவில் இருப்பதால் இதை போன்ற சீர்கேடுகள் மிகவும் சாதாரணம் மற்றும் போதுமான புரத உணவை உட் கொள்வதன் மூலம் இதனை சமளிக்க முடியும். புரத பற்றாக்குறை உள்ள குழந்தைகள், குழந்தை பருவத்து தொற்று நோய்கள் மற்றும் உடல்நலக்குறைவுக்கு அதிகமாக ஆளாவதோடு அவர்கள் உயிரையும் பாதிக்கலாம். புரதம் ஹீமோகுளோபினை தொகுக்க பயன்படுவதால், இங்கு குழந்தைகளில் இரத்தசோகையும் ஏற்படுவது மிகவும் சாதாரண விஷயம்.

இதனை தவிர்க்க, அவர்களது வயதுக்கு பரிந்துரைக்கப்பட்ட புரத உணவை உட் கொள்ளவேண்டும். தாய்ப்பால் குழந்தைகளுக்கு மிகவும் சிறந்த புரத உணவு ஆகும் மற்றும் அது அவர்களுக்கு தீவிரமாக பரிந்துரைக்கப் படுகிறது. 6 வயதின் போது குழந்தை சாப்பிட தொடங்கியதும் புரதம் நிறைத்த திட உணவு பரிந்துரைக்கப் படுகிறது

1 முதல் 3 வயத்திலான குழந்தைகளுக்கு 13 கிராம் புரதம் என குறிப்பிடப்பட்டு உள்ளது. சைவ மற்றும் எடைக் குறைவான குழந்தைகள் கூடுதலான புரதம் எடுத்துக் கொள்ள வேண்டும் என்பதையும் நீங்கள் கணக்கில் கொள்ள வேண்டும். உங்கள் குழந்தைக்கு சிறப்பான ஊட்டச்சத்தை உறுதி செய்ய ஒரு மருத்துவரிடம் ஆலோசனை பெற வேண்டும் என்று பரிந்துரைக்கப் படுகிறது.

எடையை குறைக்க புரதம் - Protein for weight loss in Tamil

தினசரி வலிமைக்கு சீரான உணவில் 10-35% புரதம் இருக்க வேண்டும். புரதம் வலிமையில் 15% தருவதோடு தசைகளின் முக்கிய அங்கமாகவும் விளங்குகிறது. தசையின் தின்மையை கூட்டுவதோடு தேவையில்லா கொழுப்புக்களை மாற்றி புரத சத்து நிறைந்த உணவு உடலின் ஊட்டச் சத்து மற்றும் வலிமை தேவைகளை பூர்த்தி செய்கிறது. ஒரு புரத சத்து நிறைந்த மற்றும் கார்போஹைட்ரேட் குறைவான உணவு பசி இன்மையை அடக்கியாக விளங்குவதோடு எடை குறைப்பிலும் பங்கு வகிக்கிறது. அது எடைக் குறைப்பின் ஆரம்பகால வேகத்தை மேம்படுத்துகிறது. ஆனால் கலோரி எண்ணிக்கையில் மாற்றம் இல்லை என்றால் நீண்ட கால தாக்கத்துக்கு உத்தரவாதம் அளிக்கவில்லை.

 (மேலும் படிக்க: எடையை குறைக்கும் டயட் சார்ட்)

புரத சத்து நிறைந்த உணவு சில உடல்நல ஆபத்தை உண்டு செய்தாலும், உங்கள் உணவில் குறைவான புரதம், குறைவான கொழுப்பை சேர்ப்பது நல்லது. இதனோடு குறைந்த கலோரி உட் கொள்வதால் எடை குறைப்பு மற்றும் உங்களது முக்கிய ஆற்றல் தேவைகளையும் பூர்த்தி செய்ய உதவுகிறது. அதற்கு பக்க விளைவுகள் இருக்கும் என்பதால், நீங்கள் உங்களது உணவில் பெரிய மாற்றமோ அல்லது புரத சத்து மிகவும் நிறைந்த உணவை உட் கொள்வதோ கூடாது என்று பரிந்துரைக்கப் படுகிறது. உங்களது உடல் நலத்துக்கு ஏற்ப பரிந்துரை பெற உங்கள் மருத்துவர் அல்லது டயட்டிசியனின் சந்தித்து ஆலோசிக்க வேண்டும்.

தடகள வீரர்களுக்கு புரதம் - Proteins for athletes in Tamil

தசை வளர்ச்சி மற்றும் செயல்பாட்டிற்கு புரதங்கள் முக்கியமாக விளங்குவதால், இவை தடகள வீரர்கள் மற்றும் பாடிபில்டர்களுக்கு அதிகமாக தேவைப்படுகிறது. மற்றும் அவர்களது தடகள பேர்பார்மன்சையும் மேம்படுத்துவதாக கண்டறியப்பட்டு உள்ளது. பெரும்பாலும் இந்த தேவைகளை பூர்த்தி செய்ய தடகள வீரர்கள் மற்றும் பயிற்சியாளர்கள் தங்களது டயட் இன்டெக்கை கூட்டிக் கொள்கிறார்கள். புரத சப்லிமெண்டறியின் மூலம் பயிற்சியை மேம்படுத்துவதோடு தசையும் வலுவடைகிறது என்று ஆய்வு ஆதாரங்கள் நிரூபிக்கின்றன. டயட் இன்டெக் மூலம் தசைகளில் புரதங்களின் அளவை கூட்டுகிறது மற்றும் மென்மையான தசைகள் அழிவை தடுக்க சேய்கிறது. அதனால், உடல் உழைப்பு நிறைய உள்ளவர்கள், தங்கள் மருத்துவர் அல்லது பயிற்சியாளரிடம் (அவர்கள் எடுத்துக் கொள்ளும் பயிற்சியை பொறுத்து) ஆலோசித்து தங்கள் புரத உணவை கூட்டிக் கொள்ள வேண்டும் என்று அறிவுறுத்தப்படுகிறது.

மூளைக்கு புரதம் - Proteins for the brain in Tamil

புரதம் பல நியூரோட்ரான்ஸ்மிட்டேர்கள் அமைய அத்தியாவசியமான விளங்குகிறது. இவை மூளைகளின் பல வேலைகளை செய்கிறது. இந்த நியூரோட்ரான்ஸ்மிட்டேர்கள் அமினோ அமிலங்களால் ஆனவை. இவை மூளையின் செயல்பாட்டினை மேம்படுத்துவதோடு சில முக்கிய உறுப்புக்களான இதயம், கல்லீரல் போன்றவற்றின் செயல்பாட்டிற்கும் உறுதுணையாக இருக்கிறது.

மூளையின் முறையான செயல்பாட்டிற்கு ட்ரிப்டோபான் என்ற மிகவும் முக்கியமான அமினோ அமிலம் தேவைப்படுகிறது மற்றும் இதன் குறைப்பட்டினால் சாதாரண நடவடிக்கைகள் பாதிக்கும். மூளையின் அறிவாற்றல் நிறைந்த வேலைகளுக்கும் ட்ரிப்டோபான் தேவைப்படுகிறது (நினைவாற்றல் மற்றும் பகுப்பாய்வு திறன்களுக்கு, அதனால் வயது கூடக்கூட அதிக அளவில் தேவைப்படலாம். வெவ்வேறு வயதினருக்கு பொருத்தமான அளவீடுகள் இன்னும் முழுமையாக தெரியவில்லை என்றாலும், உங்களது மூளை செயல்பாட்டினை முன்னேற்ற புரத உணவை கூட்டிக் கொள்ள வேண்டும் என்று பரிந்துரைக்கப் படுகிறது.

 (மேலும் படிக்க: டேமேன்ஷியா அறிகுறிகள்)

இதயத்துக்கு புரத தேவைகள் - Protein benefits for the heart in Tamil

எடை குறைக்க உதவுவதோடு, இதய கோளாறை தவிர்க்கவும் புரத சத்து நிறைந்த உணவு உதவுவதாக கண்டறியப்பட்டு உள்ளது. 8000 பெண்கள் மீது நடத்தப்பட்ட ஆய்வில், கார்போஹைட்ரேட் நிறைந்த உணவை உட் கொள்பவர்களை விட புரத சத்து நிறைந்த உணவை உட் கொள்ளும் பெண்கள் இடத்தில் இதய கோளாறுக்கான சாத்தியக் கூறு 30% குறைவாக உள்ளதாக கண்டறியப்பட்டு உள்ளது. தாவரங்களை மூலமாக கொண்ட புரதத்தை உட் கொள்ளும் போது இந்த கருத்து ஒரே மாதிரியாக இருந்து உள்ளது.

குறைந்த இரத்த அழுத்தம் மற்றும் குறைந்த-அழுத்தம் கொண்ட கொழுப்புபுரதம் அல்லது கெட்ட கொழுப்பும் இந்த உணவுடன் தொடர்பு உடையது.

ஆக, புரதத்தை உணவில் சேர்த்துக் கொள்வதால் இதய கோளாறை தடுக்க பயன்படும் என்றும் கூறலாம், ஆனால் அதிகமான விலங்கு பொருட்களை தவிர்க்க வேண்டும், குறிப்பக ரெட் மீட்.

 (மேலும் படிக்க: உயர் இரத்த அழுத்த சிகிச்சை)

விலங்குகளை மூலமாக கொண்ட புரதத்தை விட தாவரங்களை மூலமாக கொண்ட புரதங்கள் பயனுள்ளதாக இருப்பதால், முன்னர் குறிப்பிட்டதோடு இது சிறந்தது.

சைவ உணவு உட் கொள்பவராக இருந்தாலும், உங்களது உணவில் அத்தியாவசிய அமினோ அமிலங்களை பெற இங்கே ஒரு செயல் முறையை பகிரலாம்.

கீழே குறிப்பிட்டுள்ள பொருட்களை ஒரு பாத்திரத்தில் எடுத்துக் கொள்ளளவும்:

  • 1 கிண்ணம் நிறைய க்விநோ அல்லது ஓட்ஸ்
  • 1 கிண்ணம்  நிறைய பருப்பு (உங்களுக்கு பிடித்த ஏதோ ஒரு பருப்பு)
  • 1 கப் நிறைய பட்டாணி கலவை மற்றும் ஸ்வீட்கார்ன் (உறைந்த அல்லது பிரேஷ்)
  • சில சூரியகாந்தி விதைகள், உங்களுக்கு கிடைத்தால் (நீங்கள் நட்சையும் தேர்ந்து எடுத்துக் கொள்ளலாம்)
  • 1 சிறிய வெங்காயம்
  • சில பச்சை ஆலிவ்
  • அழகு மற்றும் வண்ணத்துக்கு சில கொத்தமல்லி இலைகள்

இந்த பொருட்களை ஒரு கிண்ணத்தில் கலக்கி, மேலே ஆலிவ் ஆயில் (olive oil) மூலம் ட்ரெஸ் செய்து ருசிக்கு உப்பை சேர்க்கவும். ஒரு கிண்ணம் நிறைய புரதத்தை சந்தோசமாக சாப்பிடுங்கள்.

myUpchar doctors after many years of research have created myUpchar Ayurveda Kesh Art Hair Oil by using 100% original and pure herbs of Ayurveda. This Ayurvedic medicine has been recommended by our doctors to more than 1 lakh people for multiple hair problems (hair fall, gray hair, and dandruff) with good results.
Bhringraj Hair Oil
₹599  ₹850  29% OFF
BUY NOW

தாவரத்தை ஆதாரமாக கொண்ட புரதங்களால் அவ்வளவாக பக்க விளைவு இல்லாவிட்டாலும், அவைகளில் ஒன்று அல்லது பல முக்கிய அமினோ அமிலங்கள் இருப்பது இல்லை, அதனால் தான் விலங்குகளை மூலமாக கொண்ட உணவு தேர்ந்தெடுக்கப்படுகிறது. அசைவ உணவில் அத்தியாவசிய அமினோ அமிலங்கள் நிறைந்து உள்ளது மற்றும் குறைந்த கொழுப்பு கொண்ட பொருட்களை தேர்ந்து எடுத்தால் பிரச்சனையே இல்லை. ஆனால், உயர்-கொழுப்பு பொருட்கள், குறிப்பாக ரெட் மீட்டினால் கீழ்காணும் ஆபத்து கூடுகிறது:

புரத சத்து நிறைந்த உணவினால் வரும் சில பக்க விளைவுகள் பின் வருமாறு:

செயற்கையை மூலமாக கொண்ட புரதங்களை சப்ளிமெண்டறியாக   எடுத்துக் கொள்ளும் போது சிலருக்கு ஒவ்வாமையை உருவாகலாம்.

Dr. Dhanamjaya D

Dr. Dhanamjaya D

Nutritionist
15 Years of Experience

Dt. Surbhi Upadhyay

Dt. Surbhi Upadhyay

Nutritionist
3 Years of Experience

Dt. Manjari Purwar

Dt. Manjari Purwar

Nutritionist
11 Years of Experience

Dt. Akanksha Mishra

Dt. Akanksha Mishra

Nutritionist
8 Years of Experience

மேற்கோள்கள்

  1. MedlinePlus Medical Encyclopedia: US National Library of Medicine; Protein in diet
  2. United States Department of Agriculture Agricultural Research Service. Eat fish! Which Fish? That Fish! Go Fish!. National Nutrient Database for Standard Reference Legacy Release [Internet]
  3. United States Department of Agriculture Agricultural Research Service. LOOK FOR LEAN PROTEIN FOODS . National Nutrient Database for Standard Reference Legacy Release [Internet]
  4. Office on Women's Health [Internet] U.S. Department of Health and Human Services; Proteins.
  5. Lodish H, Berk A, Zipursky SL, et al. Molecular Cell Biology. 4th edition. New York: W. H. Freeman; 2000. Section 22.3, Collagen: The Fibrous Proteins of the Matrix.
  6. Proksch E et al. Oral Supplementation of Specific Collagen Peptides Has Beneficial Effects on Human Skin Physiology: A Double-Blind, Placebo-Controlled Study. Skin Pharmacol Physiol 2014;27:47-55
  7. Proksch E et al. Oral intake of specific bioactive collagen peptides reduces skin wrinkles and increases dermal matrix synthesis.. Skin Pharmacol Physiol. 2014;27(3):113-9. PMID: 24401291
  8. Gay S, Vijanto J, Raekallio J, Penttinen R. Collagen types in early phases of wound healing in children. Acta Chir Scand. 1978;144(4):205-11. PMID: 360747
  9. G. Lazovic, M. Colic, M. Grubor, M. Jovanovic. The Application of Collagen Sheet in Open Wound Healing. Ann Burns Fire Disasters. 2005 Sep 30; 18(3): 151–156. PMID: 21990998
  10. Agency for Healthcare Research and Quality. Skin Substitutes for Treating Chronic Wounds. U.S. Department of Health and Human Services, Rockville [Internet]
  11. Maria Fernanda Reis Gavazzoni Dias et al. Hair Cosmetics: An Overview.Int J Trichology. 2015 Jan-Mar; 7(1): 2–15. PMID: 25878443
  12. Ronald L Rizer et al. A Marine Protein-based Dietary Supplement for Subclinical Hair Thinning/Loss: Results of a Multisite, Double-blind, Placebo-controlled Clinical Trial. Int J Trichology. 2015 Oct-Dec; 7(4): 156–166. PMID: 26903744
  13. Emily L. Guo, Rajani Katta. Diet and hair loss: effects of nutrient deficiency and supplement use. Dermatol Pract Concept. 2017 Jan; 7(1): 1–10. PMID: 28243487
  14. Dechenla Tshering Bhutia. Protein Energy Malnutrition in India: The Plight of Our Under Five Children. J Family Med Prim Care. 2014 Jan-Mar; 3(1): 63–67. PMID: 24791240
  15. Olaf Müller, Michael Krawinkel. Malnutrition and health in developing countries. CMAJ. 2005 Aug 2; 173(3): 279–286. PMID: 16076825
  16. Richard D. Semba et al. The rise and fall of protein malnutrition in global health. Ann Nutr Metab. 2016; 69(2): 79–88. PMID: 27576545
  17. National Institute of General Medical Sciences. The Structures of Life. [Internet]
  18. Institute of Medicine (US) Committee on Military Nutrition Research. The Role of Protein and Amino Acids in Sustaining and Enhancing Performance. Washington (DC): National Academies Press (US); 1999. 14, Amino Acid and Protein Requirements: Cognitive Performance, Stress, and Brain Function.
  19. Health Harvard Publishing. Harvard Medical School [Internet]. Protein. Harvard University, Cambridge, Massachusetts.
  20. Jay R. Hoffman, Michael J. Falvo. Protein – Which is Best? J Sports Sci Med. 2004 Sep; 3(3): 118–130. PMID: 24482589
  21. Bernstein AM et al. Major dietary protein sources and risk of coronary heart disease in women. Circulation. 2010 Aug 31;122(9):876-83. PMID: 20713902
  22. Aune D, Ursin G, Veierød MB. Meat consumption and the risk of type 2 diabetes: a systematic review and meta-analysis of cohort studies. Diabetologia. 2009 Nov;52(11):2277-87. PMID: 19662376
  23. Pan A et al. Red meat consumption and mortality: results from 2 prospective cohort studies. Arch Intern Med. 2012 Apr 9;172(7):555-63. PMID: 22412075
Read on app