வைட்டமின் ஈ குறைபாடு - Vitamin E Deficiency in Tamil

Dr. Anurag Shahi (AIIMS)MBBS,MD

May 14, 2019

March 06, 2020

வைட்டமின் ஈ குறைபாடு
வைட்டமின் ஈ குறைபாடு

வைட்டமின் குறைபாடு என்றால் என்ன?

உடலில் வைட்டமின் ஈ குறைந்த அளவில் அல்லது இல்லாமல் இருப்பதே வைட்டமின் ஈ குறைபாடு ஆகும்.கீரை போன்ற பச்சை இலை காய்கறிகள், பாதாம் போன்ற பருப்பு வகைகள், விதைகள் மற்றும் பதப்படுத்தப்பட்ட உணவுகள் போன்ற உணவுப்பொருட்களில் வைட்டமின் ஈ இயற்கையாகவே காணப்படுகிறது. பிறந்த குழந்தைகளில் வைட்டமின் ஈ அளவு குறைந்து காணப்படுவதாக கண்டறியப்பட்டுள்ளது.இதன் அளவுகள் குழந்தைகளில் குறைவாக இருக்கும் மற்றும் கர்ப்ப காலத்தில் அதிகமாக இருக்கும்.வைட்டமின் ஈ குறைபாடு அரிதாகவே காணப்படுகிறது, ஏனெனில் இது வழக்கமாக நாம் உண்ணும் உணவுப் பொருட்களில் அதிகமாக உள்ளது.

நோயின் முக்கிய தாக்கங்கள் மற்றும் அறிகுறிகள் யாவை?

குழந்தைகளில் காணப்படும் தாக்கங்கள் மற்றும் அறிகுறிகள் பின்வருமாறு:

  • நடப்பதில் சிரமம்.
  • ஒருங்கிணைப்பு இல்லாமை.
  • தசை சோர்வடைதல்.
  • ஹீமோகுளோபின் குறைந்து இருத்தல்.
  • குறைந்த நோய் எதிர்ப்பு சக்தி.

வைட்டமின் ஈ குறைபாடு காரணமாக கை கால்களில் தசை இணக்கம் இன்மை ஏற்படலாம்.இது ஒருங்கிணைப்பு மற்றும் நரம்பியல் ரீதியிலான சிக்கல்களை ஏற்படுத்துகிறது.

நோய் தாக்குதலுக்கான முக்கிய காரணங்கள் என்ன?

வைட்டமின் ஈ உணவில் இருந்து இரத்த ஒட்டத்திற்கு உறிஞ்சப்படுவதற்கு நீண்ட காலம் தேவைப்படுவதால், போதுமான அளவு இல்லாத உணவு, குறிப்பாக கொழுப்புக்கள் குறைந்த அளவுகளில் உள்ள உணவுப் பொருட்களை உட்கொள்வது வைட்டமின் ஈ உணவில் இருந்து உறிஞ்சப்படுவதை தடுக்கிறது. இந்த வைட்டமின் குறைபாட்டிற்கு வழிவகுக்கும் சில கோளாறுகள் பின்வருமாறு:

வளர்ந்த நாடுகளில், கொழுப்பு உறிஞ்சுதலை பாதிக்கும் பெரும்பாலான கோளாறுகள் வைட்டமின் ஈ குறைபாட்டை தூண்டுகிறது.வளரும் நாடுகளில், சரியான உணவு எடுத்துக்கொள்ளாதது இத்தகைய குறைபாட்டை ஏற்படுத்தக்கூடும்.

இது எப்படி கண்டறியப்பட்டு சிகிச்சையளிக்கப்படுகின்றது?

மருத்துவர் உடல் பரிசோதனை செய்து, முந்தைய நோய் சார்ந்த வரலாறு, புகார்கள் அல்லது நோய்கள் பற்றி கேட்டறிவார். வைட்டமின் ஈ இரத்த அளவு மதிப்பீடு இரத்த பரிசோதனை மூலம் செய்யப்படலாம்.அறிகுறிகள், ஆய்வக சோதனையின் அறிக்கைகள் மற்றும் பொது பரிசோதனை ஆகியவற்றின் அடிப்படையில் நோய் கண்டறிதல் அமைகிறது.

வைட்டமின் ஈ பல செயல்களைக் கொண்டுள்ளது.இது கொழுப்பில் கரையக்கூடியதாக இருப்பதால், வைட்டமின் ஈ நிறைந்த உணவை எடுத்துக்கொள்ளுதல் அதன் உறிஞ்சுதலை அதிகரிக்கலாம், எ.கா: பருப்பு வகைகள், விதைகள் மற்றும் பாதாம் போன்ற உலர்ந்த பழங்கள் போன்ற உணவுகள்.வைட்டமின் ஈ குறைநிரப்புகள் வழங்கப்படலாம்.பிறந்த குழந்தைகளுக்கும் கூட வைட்டமின் ஈ மாத்திரைகள் கிடைக்கின்றன. வைட்டமின் ஈ நிறைந்த உணவுகளின் அதிக நுகர்வு உடலுக்கு எந்தத் தீங்கையும் ஏற்படுத்தாது, ஆனால் அதிகப்படியான குறைநிரப்புகளை உட்கொள்ளுதல் கடுமையான இரத்தப்போக்கு மற்றும் கல்லீரல் போன்ற முக்கிய உறுப்புகளின் சேதம் போன்றவற்றை ஏற்படுத்தக்கூடும் என்பதை புரிந்து கொள்வது அவசியமாகும்.



மேற்கோள்கள்

  1. National Institutes of Health; [Internet]. U.S. National Library of Medicine. Vitamin E.
  2. Kemnic TR, Coleman M. Vitamin E Deficiency. [Updated 2019 Feb 14]. In: Vitamin E Deficiency.. Treasure Island (FL): StatPearls Publishing; 2019 Jan-.
  3. MSD mannual consumer version [internet].Vitamin E. Merck Sharp & Dohme Corp. Merck & Co., Inc., Kenilworth, NJ, USA
  4. National Organization for Rare Disorders [Internet]; Ataxia with Vitamin E Deficiency.
  5. Saliha Rizvi et al. The Role of Vitamin E in Human Health and Some Diseases. Sultan Qaboos Univ Med J. 2014 May; 14(2): e157–e165. PMID: 24790736
  6. Health Harvard Publishing. Harvard Medical School [Internet]. Vitamin E. Harvard University, Cambridge, Massachusetts.
  7. MedlinePlus Medical Encyclopedia: US National Library of Medicine; Vitamin E.

வைட்டமின் ஈ குறைபாடு டாக்டர்கள்

Dr. Narayanan N K Dr. Narayanan N K Endocrinology
16 Years of Experience
Dr. Tanmay Bharani Dr. Tanmay Bharani Endocrinology
15 Years of Experience
Dr. Sunil Kumar Mishra Dr. Sunil Kumar Mishra Endocrinology
23 Years of Experience
Dr. Parjeet Kaur Dr. Parjeet Kaur Endocrinology
19 Years of Experience
ஒரு டாக்டரிடம் ஆலோசனைப் பெறுங்கள்

வைட்டமின் ஈ குறைபாடு க்கான மருந்துகள்

Medicines listed below are available for வைட்டமின் ஈ குறைபாடு. Please note that you should not take any medicines without doctor consultation. Taking any medicine without doctor's consultation can cause serious problems.